Македонија
„Зборник – Историја бр.3“ по цели девет години
Новото издание на музејската публикација „Зборник – Историја бр.3“ кое е предвидено да излегува еднаш во годината, беше промовирано денеска во Музејот на Македонија.
Новото издание на музејската публикација „Зборник – Историја бр.3“ кое е предвидено да излегува еднаш во годината, беше промовирано денеска во Музејот на Македонија. Претседателот на проектот, Драган Георгиев, како и членовите на редакцијата беа среќни што конечно овој Зборник излегува по трет пат во Македонија, и изјавија дека се задоволни од финалниот продукт. „Со оглед на тоа колку беше скромна поддршката од институциите и Министерството за култура за излегувањето на овој Зборник, и со фактот дека авторите ги работеа своите прилози и текстови без надоместоци ние сме задоволни со финалниот продукт,“ рече Георгиев од Музејот на Македонија и изрази надежи дека во иднина институциите ќе имаат поголемо разбирање, ова дело кое се бави со историјата да излегува ако не секоја година, барем почесто. Зборникот содржи дваесет и една статија од разни автори од земјата, како на пример: Марица Јовановска која пишува за „Неколку документи за депортација на битолските Евреи“, потоа м-р Мирјана Нинчовска за „Подготовките за Илинденското востание во Кајљарско, осведочени од едно знаме“, д-р Милан Бошкоски за „Репресивните мерки во Македонската средновековна историја“, д-р Илми Велиу за „Скендербег во делата на османлиските и византиските историчари и хроничари“, потоа Рубинчо Белчески за „Народниот Херој Мирче Ацев до херојската смрт и по неа“, Павлина Василева за „Старата Велешка Архитектура“ и многу други. Дел од ова дело, кое своето последно издание го имаше во 2001-та, се и многу слики и фотографии од автентични документи, кои иако со блед и слаб принт, ја претставуваат и раскажуваат македонската историја во повеќе нејзини развојни периоди. „Ако историјата е забележан и објаснет тек на човештвото и неговиот развој, тогаш текстовите во овој Зборник навистина го потврдуваат тоа,“ рече професорот по музеологија, Крсте Богоевски. Историскиот Зборник бр.3, кој Министерството за култура го поддржа со 80.000 денари, излезе во тираж од 300 примероци. Промоција на новото издание на Зборникот беше во рамките на одбележување на Денот на музеите-18 Мај./крај/ко
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
ВМРО-ДПМНЕ: Над 180.000 гласови предност се обврска за ВМРО-ДПМНЕ Македонија повторно да ја врати на народот
180.000 гласа разлика во корист на Силјановска Давкова и ВМРО-ДПМНЕ пред Пендаровски и СДС е порака дека народот сака промени и крај на понижувањата, соопштија од ВМРО-ДПМНЕ.
„Народот не поддржува политика на понижување на Македонија. Граѓаните јасно кажаа дека се против криминалот на СДС и ДУИ. 7 години Македонија тоне на секое поле. На почеток на секоја учебна година немаше учебници за учениците, за болните немаше лекарства, за земјоделците немаше откуп. Народот не се чувствуваше безбеден, криминалот царуваше по улиците“, велат од ВМРО-ДПМНЕ.
Како што истакнуваат, народот не сака да живее повеќе во несигурност.
„Над 180.000 гласови предност се обврска за ВМРО-ДПМНЕ Македонија повторно да ја врати на народот. Победата во вториот круг ќе биде уште поголема, а СДС и Пендаровски, заедно со нивните газди од ДУИ никогаш повеќе нема да бидат во позиција да го понижуваат народот. Македонија повторно твоја“, завршуваат од ВМРО-ДПМНЕ.
Македонија
ЦУК: Коловозите во државата на многу места се влажни и имало ситни одрони на сите патни правци
Во Центарот за управување со кризи, имало вкупно 1 694 повици на единствениот повикувачки број за итни случаи 112.
Од нив „реални“ повици биле 49,82 отсто, а 50,18 отсто биле за други потреби на граѓаните што не биле итни. Кон полиција биле упатени 69,92 отсто и кон итната медицинска помош 28,91 отсто од реалните повици кон 112 во ЦУК.
Во последното деноноќие немало евидентирани пожари на отворено.
Од ЦУК потсетуваат дека коловозите во државата на многу места се влажни и имало ситни одрони на сите патни правци во последното деноноќие.
Екипите ги отстранувале одроните на патот и нема прекин на сообраќајот.
Сервисни информации
Преку денот сончево со мала до умерена облачност, утрото претежно ведро и наместа постудено
Времето денеска со претежно ведро и наместа постудено утро. Преку денот ќе биде сончево со мала до умерена облачност. Попладне во планинските региони ќе има услови за краткотраен локален дожд. Ќе дува слаб до умерен ветер претежно од западен правец. Минималната температура ќе биде во интервал од -1 до 7, а максималната ќе достигне од 16 до 23 степени.
Во Скопје ќе биде сончево со мала до умерена облачност и со слаб ветер од северозападен правец. Минималната температура ќе се спушти до 3, а максималната ќе достигне до 21 степен.
Во сабота попладне ќе има услови за локална нестабилност со краткотраен пороен дожд и грмежи. Потоа следува период на стабилно и топло време.