Македонија
Јанакиески: Судии го оштетиле буџетот за 1,1 милион евра
Државниот инспекторат за транспорт констатирал дека некои судови во земјата за изречените казни во патниот превоз ги запираат прекршоците поради застареност на делото или целосно ја укинуваат казната со што буџетот е оштетен за повеќе од милион евра
Министерот за транспорт и врски, Миле Јанакиески ги презентираше податоците на Државниот инспекторат за транспорт каде утврдени се 451 одлука во која првостепените студови ги запираат постапките поради застареност за периодот од јануари до септември минатата година. Анализата покажува дека Државните инспектори за патен сообраќај по утврдениот прекршок во рок од 15 до 20 дена поднесувале барања за поведување постапка по што предметите останувале во фиока цели две години и се носеле одлуки за запирање на постапката поради застареност. „Од 451 одлука за застареност за прекршочно гонење може да се констатира дека најмногу одлуки за застареност донеле исти судии во основните судови Охрид, Куманово, Прилеп, но и други градови“, изјави Јанакиевски. Тој истакна дека од направената анализа на овие предмети просечната казна е 2.500 евра , тогаш по овој основ буџетот на Македонија е оштетен за милион и 100 илјади евра. „Само за еден месец дури половина од поведените прекршочни постапки значително се намалуваат на пример за казна од 3.000 евра превозниците плаќале 200 или 50 евра, а има и случаи кога целосно се ослободуваат со изрекување на опомена“, рече Јанакиевски. Министерот за транспорт најави дека направените анализи преку Министерството за правда ќе бидат доставени до Судскиот совет бидејќи е надлежен за работат на судовите и да бидат санкционирани судиите кои не постапиле согласно законските надлежности.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
ВМРО-ДПМНЕ: Над 180.000 гласови предност се обврска за ВМРО-ДПМНЕ Македонија повторно да ја врати на народот
180.000 гласа разлика во корист на Силјановска Давкова и ВМРО-ДПМНЕ пред Пендаровски и СДС е порака дека народот сака промени и крај на понижувањата, соопштија од ВМРО-ДПМНЕ.
„Народот не поддржува политика на понижување на Македонија. Граѓаните јасно кажаа дека се против криминалот на СДС и ДУИ. 7 години Македонија тоне на секое поле. На почеток на секоја учебна година немаше учебници за учениците, за болните немаше лекарства, за земјоделците немаше откуп. Народот не се чувствуваше безбеден, криминалот царуваше по улиците“, велат од ВМРО-ДПМНЕ.
Како што истакнуваат, народот не сака да живее повеќе во несигурност.
„Над 180.000 гласови предност се обврска за ВМРО-ДПМНЕ Македонија повторно да ја врати на народот. Победата во вториот круг ќе биде уште поголема, а СДС и Пендаровски, заедно со нивните газди од ДУИ никогаш повеќе нема да бидат во позиција да го понижуваат народот. Македонија повторно твоја“, завршуваат од ВМРО-ДПМНЕ.
Македонија
ЦУК: Коловозите во државата на многу места се влажни и имало ситни одрони на сите патни правци
Во Центарот за управување со кризи, имало вкупно 1 694 повици на единствениот повикувачки број за итни случаи 112.
Од нив „реални“ повици биле 49,82 отсто, а 50,18 отсто биле за други потреби на граѓаните што не биле итни. Кон полиција биле упатени 69,92 отсто и кон итната медицинска помош 28,91 отсто од реалните повици кон 112 во ЦУК.
Во последното деноноќие немало евидентирани пожари на отворено.
Од ЦУК потсетуваат дека коловозите во државата на многу места се влажни и имало ситни одрони на сите патни правци во последното деноноќие.
Екипите ги отстранувале одроните на патот и нема прекин на сообраќајот.
Сервисни информации
Преку денот сончево со мала до умерена облачност, утрото претежно ведро и наместа постудено
Времето денеска со претежно ведро и наместа постудено утро. Преку денот ќе биде сончево со мала до умерена облачност. Попладне во планинските региони ќе има услови за краткотраен локален дожд. Ќе дува слаб до умерен ветер претежно од западен правец. Минималната температура ќе биде во интервал од -1 до 7, а максималната ќе достигне од 16 до 23 степени.
Во Скопје ќе биде сончево со мала до умерена облачност и со слаб ветер од северозападен правец. Минималната температура ќе се спушти до 3, а максималната ќе достигне до 21 степен.
Во сабота попладне ќе има услови за локална нестабилност со краткотраен пороен дожд и грмежи. Потоа следува период на стабилно и топло време.