Македонија
Македонското НТШ учествувало во операцијата во Благоевград
Македонскиот државјанин Стојан Крушата, кој денеска беше уапсен на паркингот пред супермаркетот „Метро“ во бугарскиот град Благоевград во голема заедничка операција на блаканските полиции по кодно име „Наглецот“, имал фалсификувана бугарска лична исправа.
Македонскиот државјанин Стојан Крушата, кој денеска беше уапсен на паркингот пред супермаркетот „Метро“ во бугарскиот град Благоевград во голема заедничка операција на блаканските полиции по кодно име „Наглецот“, имал фалсификувана бугарска лична исправа. Како што за „Макфакс“ потврдија од извори од Министерството за внатрешни работи на Република Македонија, станува збор за „многу опасни учесници на меѓународното подземје“. Во текот на целата опареција како и при денешното апсење во Благоевград, според истите извори, активно учествувале припадници на одделот за недозволена трговија со наркотици на македонското МВР. Засега идентитетите на двајцата уапсени во Благоевград, бугарскиот државјанин со прекар Стојан Кравата и македонскиот државјанин именуван како Стојан Крушата, не се објавуваат. Како што дознаваме, македонското МВР според договорот со бугарските колеги, во врска со овој случај со повеќе податоци за самиот тек на операцијата утре ќе излезе на прес-конференција. За учеството на македонската полиција во операцијата на апсењето, како што пренесе агенцијата „Фокус“, бугарскиот министер за внатрешни работи Цветан Цветанов изрази благодарност до неговата македонска колешка Гордана Јанкулоска, македонската полиција и другите институции вклучени во спроведувањето на операцијата.Денеска во Благоевград, во специјализирана полициска операција спроведена меѓу посебните полициски служби на македонската и на бугарската полиција, уапсени се бугарски и македонски државјанин кај кои се пронајдени три килограма хероин и 48 илјади евра. Според шефот на бугарското МВР, станува збор за опасна меѓународна криминална група предводена од Стојан Кравата, којашто се занимавала со трговија и распространување на наркотици на териториите на Бугарија, Македонија, Турција, Грција и земји од Западна Европа. Според бугарскиот министер Цветанов, иако Стојан Кравата веќе има пресуди од две судски истанци за трговија со дроги на ефективна затворска казна од 17 години уште од 2005 година, поради тоа што во тек е неговата жалбена постапка до третата судска истанца, тој бил на слобода.. То аисто така како што вели Цветанов, ќе биде предмет на натамошната полициска истрага. Во меѓувреме, во 2007 година во Шпанија се уапсени со хероин двајца бугарски државјани за кои според бугарската полиција, има податоци дека се раководени токму од Стојан Кравата. Во 2009 година, биле откриени 14 килограми хероин во Швајцарија, за што е осомничена истата група, а во 2010 година е спречено распространувањето на 5 килограми хероин од Турција како и на два тона шпиритус од Македонија за бугарскиот град Ќустендил./крај/мф/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Сервисни информации
Преку денот сончево со мала до умерена облачност, утрото претежно ведро и наместа постудено
Времето денеска со претежно ведро и наместа постудено утро. Преку денот ќе биде сончево со мала до умерена облачност. Попладне во планинските региони ќе има услови за краткотраен локален дожд. Ќе дува слаб до умерен ветер претежно од западен правец. Минималната температура ќе биде во интервал од -1 до 7, а максималната ќе достигне од 16 до 23 степени.
Во Скопје ќе биде сончево со мала до умерена облачност и со слаб ветер од северозападен правец. Минималната температура ќе се спушти до 3, а максималната ќе достигне до 21 степен.
Во сабота попладне ќе има услови за локална нестабилност со краткотраен пороен дожд и грмежи. Потоа следува период на стабилно и топло време.
Скопје
Без струја делови од општините Петровец, Ѓорче Петвов и Сарај
ЕВН Македонија АД известуваат дека без електрична енергија денеска ќе останат делови од општините Петровец, Ѓорче Петвов и Сарај.
– во периодот од 08.30 до 14.30 часот, корисниците од с. Кожле, Тунел Катланово, с.Бадар (општина Петровец)
– во периодот од 09.00 до 11.00 часот, корисниците од дел од ул. 52 кон обиколница во Стопански Двор ( општина Ѓорче Петвов )
– во периодот од 09.00 до 11.00 часот, дел од корисниците во Сарај кај општината (општина Сарај)
Македонија
Сајкоски: Вчера докажавме дека Македонија не толерира некој да ја тероризира– граѓаните во нас препознаа луѓе кои ќе донесат правда во државата
„Вчера докажавме дека само заеднички, единствени како никогаш досега можеме да успееме. Можеме да успееме заеднички и да прегазиме секој противник, секој оној којшто прави штета на нашата држава и затоа ќе го снајде она што го снајде овој наш противник вчера. Ќе го снајде истото и на 8 мај. Голема победа на ВМРО-ДПМНЕ и коалицијата „Твоја Mакедонија“, голема победа на македонските граѓани и македонскиот народ. Почитувани кичевчани вие го покажавте револуционерниот дух. Тој никогаш не згаснал во вас. Покажавме дека можеме и дека ќе направиме се, дека имаме храброст, дека имаме елан да се спротивставиме и дека ние сме победнички расположени. Победнички за да ја донесеме Македонија онаму каде што и е местото Им дадовме јасно до знаење дека Кичевчани не толерираат повеќе изживување врз нив. Дека Македонија не толерира повеќе некој да ја тероризира! Ние не толерираме да лажат и крадат. Ние таквите ги казнуваме“, истакна на вечерашниот митинг во Кичево носителот на листата на пратеници на ВМРО-ДПМНЕ во ИЕ 5, Ѓорѓија Сајкоски.
Тој исто така повика на уште помасовна излезност на 8 мај за да се донесе историска победа за Македонија.
„Сакам исто така да ве повикам на 8 мај да излеземе во што поголем број и да донесеме историска победа на Македонија. Да донесеме историска победа за ВМРО-ДПМНЕ и коалицијата „Твоја Македонија“, потенцираше Сајкоски.
Тој истакна и дека оваа е историска победа бидејќи граѓаните во ВМРО-ДПМНЕ препознаа луѓе коишто можат да ја донесат правдата во Македонија.
„Ние почитувани испишуваме историја. Испишуваме историја затоа што првпат од позиција на опозиција води некој политички субјект во Македонија со 180 илјади гласови. Испишуваме историја затоа што во нас препознаа македонските граѓани луѓе коишто се чесни, коишто се трудољубиви и луѓе коишто можат да ја донесат правдата во Македонија“.
Тој упати порака и до оние кои не излегоа на гласање дека ако сакаат да живеат во подобра Македонија треба да се придружат во големата победа на ВМРО-ДПМНЕ.
„Ако сме согласни дека треба да имаме подобро здравство, подобро образование, дека инфраструктурата во ИЕ 5 е катастрофална и дека треба да направиме комплетно нова, придружете се. Придружете се во голема победа за Македонија. Придружете се и само така, само единствени може да победиме и може да донесеме влада којашто никој не може да ја уценува и може да донесеме премиер што испорачува. Да испорача да имаме одлична инфраструктура, да бидеме први во регионот наместо последни и да направиме економски бум“, истакна Сајкоски и додаде:
„Поканете го секој, разговарајте со секој затоа што ВМРО-ДПМНЕ и коалицијата „Твоја Македонија“ се политички субјекти којшто мислат добро за сите во Македонија. ВМРО-ДПМНЕ и коалицијата го заслужува вашиот глас, бидејќи ВМРО-ДПМНЕ беше и остана браник на македонската државност“.