Македонија
Политички реакции за вчерашниот инцидент
ДПА ја повика ДУИ веднаш да ја напушти власта, СДСМ бара некој во МВР да понесе политичка одговорност, а ВМРО ДПМНЕ ја осуди вчерашната тепачка
ДПА ја повика ДУИ веднаш да ја напушти власта, СДСМ бара некој во МВР да понесе политичка одговорност, а ВМРО ДПМНЕ ја осуди вчерашната тепачка помеѓу „Комитите“ жителите на Нерези
ДПА смета дека владата на Македонија уште еднаш покажала дека Aлбанците се граѓани до втор ред и дека секој можел да ги тепа и за нив никој не се интересира.
„Вчерашниот случај каде група македонски хулигани тепаа Aлбанци среде Скопје, демолираа коли и домови, малтретираа жени и деца, личи на Кристалната вечер во Берлин, кога нацистите нападнаа се што не е германско“, се вели во реакцијата на ДПА, во која се апелира до ДУИ веднаш да ја напушти владата.
Владејачката ВМРО-ДПМНЕ најави дека ќе стори се да се спротистави на насилството и на неговата политичка злоупотреба.
Претседателот на ВМРО-ДПМНЕ, Никола Груевски го осуди инцидентот и потенцираше дека за партијата е неприфатливо и за осудување секаков чин на насилство и агресивно однесување.
Опозиционата СДСМ најостро го осуди вчерашниот инцидент и побара од надлежните институции веднаш да ги пронајдат и соодветно санкционираат сите инволвирани .
„Мора да има казни и за навивачите кои вчера вандалски постапуваа, но и за жителите на Нерези кои го блокираа мостот “Обединети Нации“ и кои се обидоа сами да ја тераат правдата“, реагира СДСМ.
Оваа партија смета дека некој во МВР мора да понесе политичка одговорност заради неодговорно однесување и пропусти во својата работа
„Надлежните во МВР морале да предвидат дека при ваков спортски настан постои висок ризик од инциденти и да ги превземат сите соодветни мерки тие да бидат спречени“, се вели во реакцијата на СДСМ. /крај/со/ап
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
ВМРО-ДПМНЕ: Над 180.000 гласови предност се обврска за ВМРО-ДПМНЕ Македонија повторно да ја врати на народот
180.000 гласа разлика во корист на Силјановска Давкова и ВМРО-ДПМНЕ пред Пендаровски и СДС е порака дека народот сака промени и крај на понижувањата, соопштија од ВМРО-ДПМНЕ.
„Народот не поддржува политика на понижување на Македонија. Граѓаните јасно кажаа дека се против криминалот на СДС и ДУИ. 7 години Македонија тоне на секое поле. На почеток на секоја учебна година немаше учебници за учениците, за болните немаше лекарства, за земјоделците немаше откуп. Народот не се чувствуваше безбеден, криминалот царуваше по улиците“, велат од ВМРО-ДПМНЕ.
Како што истакнуваат, народот не сака да живее повеќе во несигурност.
„Над 180.000 гласови предност се обврска за ВМРО-ДПМНЕ Македонија повторно да ја врати на народот. Победата во вториот круг ќе биде уште поголема, а СДС и Пендаровски, заедно со нивните газди од ДУИ никогаш повеќе нема да бидат во позиција да го понижуваат народот. Македонија повторно твоја“, завршуваат од ВМРО-ДПМНЕ.
Македонија
ЦУК: Коловозите во државата на многу места се влажни и имало ситни одрони на сите патни правци
Во Центарот за управување со кризи, имало вкупно 1 694 повици на единствениот повикувачки број за итни случаи 112.
Од нив „реални“ повици биле 49,82 отсто, а 50,18 отсто биле за други потреби на граѓаните што не биле итни. Кон полиција биле упатени 69,92 отсто и кон итната медицинска помош 28,91 отсто од реалните повици кон 112 во ЦУК.
Во последното деноноќие немало евидентирани пожари на отворено.
Од ЦУК потсетуваат дека коловозите во државата на многу места се влажни и имало ситни одрони на сите патни правци во последното деноноќие.
Екипите ги отстранувале одроните на патот и нема прекин на сообраќајот.
Сервисни информации
Преку денот сончево со мала до умерена облачност, утрото претежно ведро и наместа постудено
Времето денеска со претежно ведро и наместа постудено утро. Преку денот ќе биде сончево со мала до умерена облачност. Попладне во планинските региони ќе има услови за краткотраен локален дожд. Ќе дува слаб до умерен ветер претежно од западен правец. Минималната температура ќе биде во интервал од -1 до 7, а максималната ќе достигне од 16 до 23 степени.
Во Скопје ќе биде сончево со мала до умерена облачност и со слаб ветер од северозападен правец. Минималната температура ќе се спушти до 3, а максималната ќе достигне до 21 степен.
Во сабота попладне ќе има услови за локална нестабилност со краткотраен пороен дожд и грмежи. Потоа следува период на стабилно и топло време.