Македонија
Изучувањето на македонскиот јазик, преоптовареност или не?
Дали изучувањето на македонскиот јазик за албанските ученици претставува преоптовареност или не, беше темата на која група професори и експерти дебатираа денеска на Филозофскиот факултет во Скопје.
Дали изучувањето на македонскиот јазик за албанските ученици претставува преоптовареност или не, беше темата на која група професори и експерти дебатираа денеска на Филозофскиот факултет во Скопје.
Изучувањето на македонскиот јазик кај немакедонските етникуми според проф. д-р Димитар Митев професор по лингвистика не претставува преоптовареност за учениците.
„Во прво одделение може да се совладуваат и два и повеќе јазици. Некои соодветни образованија во 19-от век вклучувале дури четири или пет јазика од почеток. Тогаш зошто да не може и денес кога е 21 век и кога методиката на учење јазици е толку развиена“, вели професорот Митев.
Професорот Бранислав Саркањац исто така смета дека изучувањето на повеќе јазици е нужност.
„Учењето на повеќе јазици е добро и тоа треба да се почне уште од најмала возраст. Пред се затоа што ние живееме во свет каде што се зборуваат многу јазици. Светските искуства покажуваат дека учењето на два јазици има позитивни страни“, рече Саркањац.
Според професорот по педагогија Фатби Османи кој исто така беше учесник на дебатата вакви дебати на кои ќе се дискутира за изучувањето на македонскиот јазик во албанските одделенија требало да се дискутира од поодамна, затоа што истите ќе биле поуспешни и ќе вроделе со плод.
Според него не треба да се поставува прашањето дали треба да се изучува македонскиот јазик или не, туку кога е најдобро да се почне со изучување. Тој изрази согласност дека изучувањето на јазикот е општо богатство, но како што рече, кај албанската популација и другите етникуми покрај албанскиот јазик се изучува и англискиот јазик, за кој и нема некои перфектни резултати покажани со неговото изучување од прво одделение.
„Оваа иницијатива претставува воведување на трет јазик, затоа според мое мислење и англискиот јазик од прво одделение е промаршена работа. Според психофизичките способности на учениците сметам дека македонскиот јазик треба да се изучува од второ одделение, додека англискиот јазик од трето одделение“, истакна Османи.
Министерот за образование и наука Никола Тодоров рече дека оваа дебата е првата сесија од дебатите кои што ќе се организираат. Тој најави дека следната ќе се одржи на Државниот универзитет во Тетово и ќе биде на темата „Уставност“./крај/бд
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Сервисни информации
Преку денот сончево со мала до умерена облачност, утрото претежно ведро и наместа постудено
Времето денеска со претежно ведро и наместа постудено утро. Преку денот ќе биде сончево со мала до умерена облачност. Попладне во планинските региони ќе има услови за краткотраен локален дожд. Ќе дува слаб до умерен ветер претежно од западен правец. Минималната температура ќе биде во интервал од -1 до 7, а максималната ќе достигне од 16 до 23 степени.
Во Скопје ќе биде сончево со мала до умерена облачност и со слаб ветер од северозападен правец. Минималната температура ќе се спушти до 3, а максималната ќе достигне до 21 степен.
Во сабота попладне ќе има услови за локална нестабилност со краткотраен пороен дожд и грмежи. Потоа следува период на стабилно и топло време.
Скопје
Без струја делови од општините Петровец, Ѓорче Петвов и Сарај
ЕВН Македонија АД известуваат дека без електрична енергија денеска ќе останат делови од општините Петровец, Ѓорче Петвов и Сарај.
– во периодот од 08.30 до 14.30 часот, корисниците од с. Кожле, Тунел Катланово, с.Бадар (општина Петровец)
– во периодот од 09.00 до 11.00 часот, корисниците од дел од ул. 52 кон обиколница во Стопански Двор ( општина Ѓорче Петвов )
– во периодот од 09.00 до 11.00 часот, дел од корисниците во Сарај кај општината (општина Сарај)
Македонија
Сајкоски: Вчера докажавме дека Македонија не толерира некој да ја тероризира– граѓаните во нас препознаа луѓе кои ќе донесат правда во државата
„Вчера докажавме дека само заеднички, единствени како никогаш досега можеме да успееме. Можеме да успееме заеднички и да прегазиме секој противник, секој оној којшто прави штета на нашата држава и затоа ќе го снајде она што го снајде овој наш противник вчера. Ќе го снајде истото и на 8 мај. Голема победа на ВМРО-ДПМНЕ и коалицијата „Твоја Mакедонија“, голема победа на македонските граѓани и македонскиот народ. Почитувани кичевчани вие го покажавте револуционерниот дух. Тој никогаш не згаснал во вас. Покажавме дека можеме и дека ќе направиме се, дека имаме храброст, дека имаме елан да се спротивставиме и дека ние сме победнички расположени. Победнички за да ја донесеме Македонија онаму каде што и е местото Им дадовме јасно до знаење дека Кичевчани не толерираат повеќе изживување врз нив. Дека Македонија не толерира повеќе некој да ја тероризира! Ние не толерираме да лажат и крадат. Ние таквите ги казнуваме“, истакна на вечерашниот митинг во Кичево носителот на листата на пратеници на ВМРО-ДПМНЕ во ИЕ 5, Ѓорѓија Сајкоски.
Тој исто така повика на уште помасовна излезност на 8 мај за да се донесе историска победа за Македонија.
„Сакам исто така да ве повикам на 8 мај да излеземе во што поголем број и да донесеме историска победа на Македонија. Да донесеме историска победа за ВМРО-ДПМНЕ и коалицијата „Твоја Македонија“, потенцираше Сајкоски.
Тој истакна и дека оваа е историска победа бидејќи граѓаните во ВМРО-ДПМНЕ препознаа луѓе коишто можат да ја донесат правдата во Македонија.
„Ние почитувани испишуваме историја. Испишуваме историја затоа што првпат од позиција на опозиција води некој политички субјект во Македонија со 180 илјади гласови. Испишуваме историја затоа што во нас препознаа македонските граѓани луѓе коишто се чесни, коишто се трудољубиви и луѓе коишто можат да ја донесат правдата во Македонија“.
Тој упати порака и до оние кои не излегоа на гласање дека ако сакаат да живеат во подобра Македонија треба да се придружат во големата победа на ВМРО-ДПМНЕ.
„Ако сме согласни дека треба да имаме подобро здравство, подобро образование, дека инфраструктурата во ИЕ 5 е катастрофална и дека треба да направиме комплетно нова, придружете се. Придружете се во голема победа за Македонија. Придружете се и само така, само единствени може да победиме и може да донесеме влада којашто никој не може да ја уценува и може да донесеме премиер што испорачува. Да испорача да имаме одлична инфраструктура, да бидеме први во регионот наместо последни и да направиме економски бум“, истакна Сајкоски и додаде:
„Поканете го секој, разговарајте со секој затоа што ВМРО-ДПМНЕ и коалицијата „Твоја Македонија“ се политички субјекти којшто мислат добро за сите во Македонија. ВМРО-ДПМНЕ и коалицијата го заслужува вашиот глас, бидејќи ВМРО-ДПМНЕ беше и остана браник на македонската државност“.