Контакт

Македонија

ДОМ бара прогласување вонредна состојба за спас од загадениот воздух

Објавено пред

 

dobivaj vesti na viber

ДОМ предлага Владата да прогласи вонредна состојба поради екстремното аерозагадување.

„Податоците за 1200 смртни случаи и финансиски загуби од 250 милиони евра годишно како резултат на загадениот воздух се поразителни“, сметаат до ДОМ.

Владата требаше уште на почетоков на зимата да го свика меѓусекторското координативно тело формирано уште во 2011 година од служби на Градот Скопје, Министерството за животна средина и сите надлежни инспекторати и институции задолжени за животната средина. Тоа тело може на експресен начин да ги утврди состојбите со загадувањето и да ги задолжи сите министерства и други надлежни институции да преземат сериозни мерки за спас од загадениот воздух.

„Во изминативе години ДОМ безброј пати јавно предлагаше итни, среднорочни и долгорочни мерки за справување со аерозагадувањето. Некои мерки влегоа во законска регулатива, други во програмските документи на институциите, но недостасуваше волја за нивно доследно спроведување“, велат од ДОМ.

Поради тоа што во воздухот иа 20 пати повисока од дозволената концентрација на ПМ10 честички, ДОМ инсистира на следниве итни мерки во градовите воведување пар-непар, по примерот на Париз и Сараево.бесплатен јавен превоз, повеќе автобуси во јавниот превоз и јавен превоз во градови кај што го нема, воведување ефтина дневна тарифа за струја на домаќинствата, затворање на градилиштата, зелена зона за пешаци и велосипедисти во центарот, забрана за возила под Еуро 4 стандард во градскиот сообраќај. Потоа бараат субвенции за печки со целосно согорување и квалитетни горива во домаќинствата, редовно миење на улиците со калциум-магнезиум ацетат, строга контрола на индустриските објекти, особено ноќе и за време на викенди, редовно собирање на отпадот.

Од ДОМ ги повикаа сите граѓани да се приклучат на утрешниот Протест за чист воздух и здрави деца./крај/со/бб

Скопје

Кисела Вода – единствената македонска општина дел од мрежата на Партнерството за отворена власт

Објавено пред

Денес, Партнерството за отворена власт (ПОВ) објави дeка Кисела Вода е една од новите 55 нови општини на својата растечка мрежа од 75 земји, кои гi унапредуваат иницијативите за отворена власт ширум светот.

dobivaj vesti na viber

Како единствена општина од Македонија, која беше избрана меѓу 138 апликанти, за Кисела Вода ова претставува значаен чекор во поттикнувањето на транспарентноста, учеството на граѓаните во креирањето на локалните политики и одговорноста на локално ниво. Градоначалникот Орце Ѓорѓиевски денес оствари средба со партнерите во овој процес, директорот на ИРИ, Крис Бренан и високите претставници од ИРИ, Илина Мангова и Марија Саздевски, со националниот координатор за ПОВ, Гордана Гапиќ Димитровска од МИОА, како и со претставниците од здружението КРИК Константин Карадафов и Ангела Здравковска. Од сите нив доби честитки за успехот, кaко и за сета досегашна работа, за ентузијазмот и најавениот акциски план кој ќе ја унапреди состојбата во општината и пошироко, со оглед на тоа што градоначалникот Ѓорѓиевски е и Претседател на ЗЕЛС, а Кисела Вода исто така е дел од Б40 Мрежата на градови од Балканот, информираат од општината.

Градоначалникот го изрази своето задоволство што преку можноста да се биде дел од Партнерството за отворена власт (ПОВ), на граѓаните ќе им се овозможи зголемена транспарентност и со тоа зголемена доверба во институцијата.

-Чест и привилегија е да се биде дел од Партнерството за отворена власт (ПОВ), од оваа значајна мрежа на општини од светот кои преку својата работа во изминатите 15-тина години дадоа големи резултати во насока на отворање на институциите кон граѓаните. Драго ми е што нашите досегашни заложби и реализирани проекти во изминатите две години, со посебен акцент на зголемената транспарентност и дигитализацијата беа препознаени помеѓу други 138 апликанти и Општина Кисела Вода денес ги доби овие убави вести. Ова за нас како општина и за мене како градоначалник претставува уште поголема обврска за да испорачаме уште подобри политики за граѓаните. Стекнатото знаење и помошта од експерти кои треба произлезат од членството во ПОВ за Општина Кисела Вода ќе значи постигнување на уште подобри резултати во транспарентноста, учеството на граѓаните во креирањето на политиките и одговорноста на локално ниво. Со оглед на тоа што сум и Претседател на ЗЕЛС, ова ќе овозможи споделување на позитивните искуства со останатите 80 општини, со што бенефитот ќе го почувствуваат и останатите граѓани ширум државата. Верувајќи во сопствените потенцијали, сметаме дека со членството во ПОВ ќе можеме да го стимулираме развојот и на други членови на оваа престижна организација и градење на капацитети кои ќе бидат мостови при решавањето на проблеми од сличен карактер.

Дополнително, како дел од мрежата Б40 Мрежата на градови од Балканот, Општина Кисела Вода ќе може своите стекнати искуства да ги вложи и во насока на унапредување на соработката и зајакнување на демократијата, подобрувајќи го дијалогот меѓу локалните заедници“, изјави градоначалникот Орце Ѓорѓиевски.

Партнерството за отворена власт (ПОВ) e доброволна меѓународна иницијатива започната од осум земји во 2011 година. Република Македонија веднаш по започнувањето стана дел од оваа глобална инцијатива во рамките на која Владите и граѓанските организации се залагаат за Влади кои се поотворени и поодговорни кон граѓаните. Денес во иницијативата учествуваат 78 земји членки и голем број граѓански организации.

Со приклучувањето кон иницијативата, Владата на Република Македонија потпиша Декларација со која се обврза заедно со граѓанските организации и граѓаните да подготвува и спроведува конкретни заложби за промовирање на транспарентноста, поддршка на граѓанското учество, борба против корупцијата и искористување на новите технологии во јавната администрација и надвор од неа за поддршка на иновациите, и слично. Покрај процесот на ПОВ од извршната власт, во нашата земја се спроведуваат исти процеси и од страна на законодавната (Отворен парламент), судската власт (Отворено судство), а сега веќе со членството на Општина Кисела Вода, и од локалната власт.

Прикажи повеќе...

Македонија

Османи: Човечка должност ни е да осудиме геноцид, со цел тоа никогаш да не се повтори

Објавено пред

Денеска министерот за надворешни работи, Бујар Османи учествуваше на отворена дискусија за коспонзорството на Северна Македонија на резолуцијата на ОН за геноцидот во Сребреница, при што истакна дека осудувањето и сеќавањето на меѓународно признатиот геноцид во Сребреница е човечка должност. Воедно, потенцира дека Република Северна Македонија одлучи не само да ја поддржи, туку и да ја коспонзорира резолуцијата на Обединетите Нации за сеќавање на жртвите од геноцидот во Сребреница.

dobivaj vesti na viber

„Осуда на геноцид е универзална човекова должност и тоа не е поврзана со било која припадност. Во 2010-тата година нашето Собрание има донесено одлука по однос на Сребреница, прифаќајќи ја резолуцијата од Европскиот парламент. Значи како држава никогаш не сме имале дилема по однос на тоа што се случило во Сребреница, кога во еден ден се убиени 8 372 цивили и тоа не може да се нарече поинаку. Најголемите критики во текот на вчерашниот ден беа: обид на Министерот за надворешни работи да нé скара со пријателска Србија. Напротив, оваа не е поврзано со Србија, не е поврзано со Српскиот народ, бидејќи осудувањето на геноцидот ги надминува било каквите дипломатски врски и односи помеѓу двете држави и нсроди. Човечка должност ни е да осудиме, да ги промовираме фактите, со цел тоа никогаш да не се случи“, истакна Османи.

На денешната отворена дискусија на тема: Северна Македонија коспонзор на резолуцијата на ОН за сеќавање на жртвите од геноцидот во Сребреница, Османи ги отфрли обвинувањата дека целта на овој акт на Министерството е влошување на билатералните односи на државата со соседна Србија, тврдејќи дека се работи за однос на земјата кон злосторво против човештвото кој меѓународните надлежни институции го имаат именувано како геноцид и дека како таков не смее да го негира.

„Војните во Балканот завршија и на земјите од регионот им треба помирување“, рече Османи апелирајќи им на Србија и Босна и Херцеговина да го следат примерот на Германија и Франција по Втората светска војна.

На дискусија, со видео-обраќање учествуваше и министерот за надворешни работи на Босна и Херцеговина, Елмедин Конаковиќ, кој упати благодарност до Северна Македонија за конспонзорирањето на резолуцијата, убеден дека прогласувањето на 11 јули за меморијален ден значително ќе придонесе за мирот и безбедноста на регионот и ќе ја зајакне вербата во институциите на Обединетите нации, што според него, на светот му е потребно.

„Дозволете ми да ве потсетам на геноцидот извршен во јули 1995 година во заштитената безбедна зона на Обединетите нации, Сребреница, брутално беа убиени повеќе од 8000 момчиња и мажи, 1000 беа насилно раселени, цели семејства беа уништени, а нивните домови беа опустошени. Бројни сторители беа изведени пред правдата, а најстрашното злосторство, систематското убивање на бошњачкото население во заштитената зона на Сребреница, беше законски признато како геноцид од страна на Меѓународниот суд на правдата и Меѓународниот кривичен трибунал за поранешна Југославија. И никогаш не смее да биде предмет на различни толкувања. Ова го препознаа одговорните луѓе кои спроведуваат одговорни политики во Северна Македонија“, истакна Конаковиќ.

На дискусија со свои гледишта учествуваа и Претседателот на Бошначкиот национален совет, Џевад Хот, граѓанската активистка, Мерсиха Смајловиќ и адвокат, Едина Зекировиќ Фазлагиќ, кои покрај изразите на благодарност кон Министерот Османи за донесената одлука за коспонзорирање на резолуцијата, ги изнесоа и своите гледишта зошто ова е праведна одлука и за важноста на воспоставување на ден заодбележување на масакарот од Сребреница.

Прикажи повеќе...

Македонија

Со Арсовска ќе се видиме на суд да објасни како јас сум знаела, а не сум пријавила пожар во Универзалната сала, најави министерката за култура

Објавено пред

За министерката за култура Бисера Костадиновска-Стојчевска, вчерашните обвинувања од градоначалничката на Скопје, Данела Арсовска, се лаги, скандалозни тврдења и обид да се манипулира со чувствата на граѓаните што ѝ ја дале довербата да го води Градот. Министерката денес на прес-конференција еден по еден ги покажуваше документите за Универзалната сала, меѓу кои и мислење од ИЗИИС за безбедноста што градоначалничката ја доведе во прашање, потпишано токму од неа, а за личните навреди најави дека ќе ја тужи.

dobivaj vesti na viber

„Обвинувањата што таа лично кон мене ги насочува со нејзиното многу лошо сценарио за филмот ‘Универзална’ не заслужуваат внимание затоа што тоа е една измислена приказна. Инсуинирањето на Арсовска дека сум знаела за пожарот, а не сум пријавила, низата небулози изјавени на вчерашниот прес во следните денови ќе бидат предмет пред судските инстанци, па самата таа ќе има можност подетаљно да објасни за изнесените тврдења за мене поврзани со Универзалната сала. Такви клевети дека јас сум знаела, таа да претпоставува кој кога пријавил пожар, се само предмет да го решиме преку суд. Па да видиме, кога веќе сака да биде обвинител и истражител, нека повели“, рече министерката Костадиновска-Стојчевска.

Таа ги отфрли сите вчерашни обвинувања од градоначалничката како невистини. Извести дека градоначалничката Арсовска со манипулативниот прес скала да го скрие сопствениот неуспех оти изгубила судски спор за одложената реконструкција на Универзалната сала, што граѓаните ги чини 20 милиони денари, а има и уште еден активен судски спор за Универзалната сала.

Министерката уверува дека Министерството ќе продолжи со реконструкцијата на Универзалната сала кога ќе заврши истрагата. Нагласи дека барањето од градоначалничката за раскинување на договорот за преземање на Универзалната сала што го добил нејзиниот Кабинет не е законско.

„Сите одлуки што се поврзани со имотот на Град Скопје и граѓаните се одлуки што ги носи Советот, односно советниците, а не лично таа. Во таа насока нејзиното барање за еднострано раскинување на договорот, кое вчера пристигна до мојот Кабинет, не може да има никакво правно дејство бидејќи тоа треба да е донесено од Советот на Скопје. Доколку Советот одлучи да го раскине договорот со Министерството за култура, Градот ќе мора да ги врати сите средства што досега сме ги вложиле од државниот буџет, а се сомневам дека Градот во овој момент има капацитет за тоа“, рече министерката Костадиновска-Стојчевска.

Министерката не знаеше да каже каде е осигурено градилиштето на Универзалната сала оти тоа го направил изведувачот, а не Министерството како инвеститор. Извести дека во Град Скопје за реконструкцијата доплатил 146.000 денари за комуналии за дополнителна деловна површина. Упати порака дека за разлика од оние што имале прокет и имале пари обезбедни од Владата, а немале капацитет да направат ништо, Министерството како инвеститор ќе ја доврши салата во предвидениот рок.

Прикажи повеќе...

Најново

Македонија37 минути

Со Арсовска ќе се видиме на суд да објасни како јас сум знаела, а не сум пријавила пожар во Универзалната сала, најави министерката за култура

За министерката за култура Бисера Костадиновска-Стојчевска, вчерашните обвинувања од градоначалничката на Скопје, Данела Арсовска, се лаги, скандалозни тврдења и обид...

Македонија1 час

Грејната сезона продолжува поради временските услови

АД ЕСМ ги информира потрошувачите приклучени на системот за централно греење со кој управуваат компаниите формирани од АД ЕСМ, како...

Македонија3 часа

Училиштата не може да објаснат како е направен изборот на фирмите за чии услуги плаќаат родителите: набавките за униформи за учениците, за фотографирање и за ужина се нетранспарентни

Центарот за граѓански комуникации го објави истражувањето „Отсуство на процедури, транспарентност и отчетност кај набавките што се финансираат со пари...

Регион4 часа

По високите температури, Србија во снег: мештаните шокирани

Силниот дожд во утринските часови на територијата на западна Србија прерасна во лапавица и снег, а на Златибор веќе е...

Свет5 часа

ОН се обидуваат да го спречат гладот ​​во Газа: „Постојано некои нови проблеми“

Обединетите нации(ОН) се уште се борат да се обидат да го спречат гладот ​​во Појасот Газа. Иако има одредено подобрување...

Македонија5 часа

Мицкоски: 13-ти ден од кампањата, а Пендаровски не кажа ни збор за криминалите на ДУИ, за „Соравија“, за грабежот – тоа значи дека го прифаќа

Најголемата трагедија е што овие години полека, но сигурно системот е срушен. Системот кој е создаден да служи на народот,...

Свет5 часа

Израел го остава Иран во неизвесност во врска со нивниот одговор за нападот: „Нека бидат нервозни“

Ставот на израелскиот воен кабинет е дека Иран треба да продолжи да погодува каков ќе биде одговорот на Израел на...

Македонија5 часа

Пендаровски: Tие што беа против преспанскиот договор сега се фалат со НАТО-членството

Кандидатот за претседател Стево Пендаровски вчера вечер во Велес рече Силјановска да избере што ќе биде, претседател или врховен командант...

Македонија23 часа

Врз основа на кој проект е продолжена реконструкцијата на Универзалната сала, праша Арсовска

Градоначалничката на град Скопје, Данела Арсовска, праша врз основа на кој проект е продолжена реконструкцијата на Универзалната сала, како и...

Македонија1 ден

Намален е бројот на ученици во училиштата во државата

Намален е бројот на ученици во основните и средните училишта, во учебната 2022/2023 година, укажуваат податоците во извештајот на Државниот...

Македонија1 ден

Со нова систематизација Синдикатот на „Македонска пошта“ сам ќе ги укине вработените што не доаѓаат на работа оти Владата и Управниот одбор молчат

Синдикатот на „Македонска пошта“, во соработка со вработените и со ангажирање експерти, ќе подготви нова систематизација, која ќе ја достави...

Македонија1 ден

„Немам партиска книшка, само крводарителска“ – приватните специјализанти реагираат на изјавата на Демири за политичка заднина на штрајкот

Штрајкот на приватните специјализанти продолжи и денес и како што најавуваат ќе трае додека не добијат на писмено од Владата...

Свет1 ден

Израел: Мораме да го запреме Иран пред да биде предоцна, воведете му санкции

Министерот за надворешни работи на Израел, Израел Кац, денеска ги повика земјите да воведат санкции за ракетната програма на Иран...

Свет1 ден

Иран: Следниот напад ќе биде во рок од неколку секунди

Се’ повеќе високи ирански претставници ги предупредуваат и Израел и Западот за последиците од можната израелска одмазда. Така, иранскиот воен...

Македонија1 ден

ВМРО-ДПМНЕ: Во ЕУ не се оди со политичари како Пендаровски

Во ЕУ не се оди со политичари како Пендаровски. Во ЕУ се почитуваат основните човекови права и се унапредуваат, а...

Македонија1 ден

Стојаноска во Тетово: угостителите сезонски се селат во други држави, не се задоволни од актуелната власт

Вчерашниот ден Дафина Стојаноска – членка на ИК на ВМРО-ДПМНЕ го искористи и за средба со Здружението на угостители од...

Регион1 ден

Го искористи правото да не сведочи: заврши сослушувањето на мајката на осомничениот за убиството на Данка Илиќ

Светлана Драгијевиќ, мајката на Дејан Драгијевиќ, кој е осомничен за убиството на двегодишната Данка Илиќ го искористи законското право да...

Свет1 ден

Полицијата нападот во црквата во Сиднеј го карактеризира како терористички чин, напаѓачот уапсен

Австралиската полиција го прогласи прободувањето со нож во црква во Сиднеј за верски мотивиран „терористички чин“. Момче (15) е уапсено...

Свет1 ден

Иран зад себе има незамислива сила, која е закана за целиот свет: група од најбруталните терористи подготвени да интервенираат

Иранскиот напад врз Израел го отвори патот за нова ескалација на Блискиот Исток. Директен конфликт меѓу овие две земји ќе...

Регион1 ден

Земјотрес ја погоди Грција

Земјотрес со јачина од 3,5 степени според Рихтеровата скала утрово ја погоди Грција. Епицентарот на земјотресот бил на Крит на...