Македонија
Јанкулоска: Со Законот за оружје не е опфатено службеното оружје
Во случајот со тројното убиство во Злетово се користеше службено оружје, а со Законот за оружје беше опфатено само приватното оружје, изјави Министерката за внатрешни работи, Гордана Јанкулоска, која најави построга регулатива за вработените во институциите кои ракуваат со оружје.
„Во конкретниот случај потребно е да се направи дистинкција, затоа што кривичното дело односно убиството е сторено со службено оружје. Тоа значи дека службеното оружје не потпаѓа под законот за оружје. Службеното оружје има целосно поинаков режим на ракување, од оружјето кое потпаѓа под Законот за оружје или популарно кажано приватното оружје. Токму тоа е оној сегмент којшто ние би сакале да го зајакнеме односно регулативата што се однесува на сите органи или институции каде што вработените ракуваат со оружје да биде построга и попрецизна“, рече Министерката.Министерката не одговори директно на прашањето дали Министерството за внатрешни работи доставило информација до Министерството за одбрана и Генералштабот на АРМ дека нивен вработен бил пријавуван за семејно насилство, по тројното убиство што се случи во Злетово кога професионален војник кој претходно бил пријавуван за насилство, со службената пушка ги уби родителите на сопругата и уште еден жител на селото. За одговор на ова прашање упати во судот и Јавното обвинителство.„Ќе мора да се обратите до судот и обвинителот, бидејќи за судските постапки постапува судот, а по однос на кривичните пријави овластен е јавниот обвинител“, изјави Јанкулоска.Владата во средата најави нова, построга регулатива за вработените во институциите кои ракуваат со оружје, којашто ќе предвидува одземање на оружјето на сите насилници. Министерката вели дека сите мерки што би се презеле не би го дале посакуваниот резултат, доколку целото општество не се вклучи во една поширока општествена кампања.„Во делот на располагањето и ракувањето со оружје владата веќе најави една нова иницијатива по однос на која ние постапуваме и очекувам сите институции каде вработените ракуваат со оружје, а ги има повеќе во државава, да ги изанализираат интерните прописи и процедури, регулативата која ја регулира нивната работа и да се предложат решенија кои ќе значат дополнителна превентивна активност. Сепак, би потенцирала дека сите овие мерки не би го дале целокупниот резултат доколку целото општество не се вклучи во една поширока општествена кампања за нетолеранција на насилството од каков и да е вид“, рече Јанкулоска.
Taa ја објасни регулативата што се користи при вакви ситуации во Министерството за внатрешни работи.
„Доколку наш вработен стори кривично дело со елементи на насилство или добиеме информации дека наш вработен поради кои и да се околности во неговиот приватен живот, постои можност да стори кривично дело со елементи на насилство, поради условно речено нарушени односи во семејството, консумирање алкохол или слично, тогаш вработениот подложи на дисциплински мерки кои подразбираат негова суспензија и раздолжување со неговата лична опрема и разоружување што значи дека вработениот не ракува со оружје до завршувањето на таа постапка“, нагласи Јанкулоска.
Тројното убиство во Злетово беше второ по ред овој месец. На 9-ти ноември во Кавадарци, поранешен припадник на резервниот состав на безбедносните сили во конфликтот на 2001 конфликтот, со оружје кое го поседуваше со дозвола ги уби родителите и сестрата на својата поранешна сопруга./крај/мф/ффс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
ВМРО-ДПМНЕ: Над 180.000 гласови предност се обврска за ВМРО-ДПМНЕ Македонија повторно да ја врати на народот
180.000 гласа разлика во корист на Силјановска Давкова и ВМРО-ДПМНЕ пред Пендаровски и СДС е порака дека народот сака промени и крај на понижувањата, соопштија од ВМРО-ДПМНЕ.
„Народот не поддржува политика на понижување на Македонија. Граѓаните јасно кажаа дека се против криминалот на СДС и ДУИ. 7 години Македонија тоне на секое поле. На почеток на секоја учебна година немаше учебници за учениците, за болните немаше лекарства, за земјоделците немаше откуп. Народот не се чувствуваше безбеден, криминалот царуваше по улиците“, велат од ВМРО-ДПМНЕ.
Како што истакнуваат, народот не сака да живее повеќе во несигурност.
„Над 180.000 гласови предност се обврска за ВМРО-ДПМНЕ Македонија повторно да ја врати на народот. Победата во вториот круг ќе биде уште поголема, а СДС и Пендаровски, заедно со нивните газди од ДУИ никогаш повеќе нема да бидат во позиција да го понижуваат народот. Македонија повторно твоја“, завршуваат од ВМРО-ДПМНЕ.
Македонија
ЦУК: Коловозите во државата на многу места се влажни и имало ситни одрони на сите патни правци
Во Центарот за управување со кризи, имало вкупно 1 694 повици на единствениот повикувачки број за итни случаи 112.
Од нив „реални“ повици биле 49,82 отсто, а 50,18 отсто биле за други потреби на граѓаните што не биле итни. Кон полиција биле упатени 69,92 отсто и кон итната медицинска помош 28,91 отсто од реалните повици кон 112 во ЦУК.
Во последното деноноќие немало евидентирани пожари на отворено.
Од ЦУК потсетуваат дека коловозите во државата на многу места се влажни и имало ситни одрони на сите патни правци во последното деноноќие.
Екипите ги отстранувале одроните на патот и нема прекин на сообраќајот.
Сервисни информации
Преку денот сончево со мала до умерена облачност, утрото претежно ведро и наместа постудено
Времето денеска со претежно ведро и наместа постудено утро. Преку денот ќе биде сончево со мала до умерена облачност. Попладне во планинските региони ќе има услови за краткотраен локален дожд. Ќе дува слаб до умерен ветер претежно од западен правец. Минималната температура ќе биде во интервал од -1 до 7, а максималната ќе достигне од 16 до 23 степени.
Во Скопје ќе биде сончево со мала до умерена облачност и со слаб ветер од северозападен правец. Минималната температура ќе се спушти до 3, а максималната ќе достигне до 21 степен.
Во сабота попладне ќе има услови за локална нестабилност со краткотраен пороен дожд и грмежи. Потоа следува период на стабилно и топло време.