Македонија
Се одложи судењето за Божиновски, ќе се менува судијката во случајот
Судењето за новинарот Зоран Божиновски коешто требаше да се одржи во вторник во 10 часот, повторно се одложи бидејќи судијката што го води овој случај, Сандра Крстиќ е на боледување, а случајот се очекува да го преземе судијката Ленка Давиткова.
Како што информираат од Основниот суд Скопје 1, преземањето на случајот е во процедура и деновиве Давиткова треба да го преземе овој предмет. Од Судот во понеделникот испратија соопштение до јавноста во кое се вели дека судијката Сандра Крстиќ од лични и семејни причини побарала да биде прераспоредена во друг оддел за да не се одолговлекуваат судските постапки и итно да се постапува по притворскиtе предмети. На нејзино место од Одделот – Кривично полнолетни е префрлена судијката Ленка Давиткова и таа ќе ги преземе сите предмети на Крстиќ. На местото на Давиткова пак е прераспределен судијата Васил Динковски од Одделот – Претходна постапка. Минатиот пат судењето за Божиновски беше одложено затоа што Основниот суд Скопје 1- Скопје не можеше да ги добие доказите бидејќи предметот „Шпион“ беше на јавна седница во Апелациониот суд.Божиновски беше дел од предметот „Шпион“, но постапката за него беше раздвоена бидејќи тој беше недостапен. Во 2014 година беше донесена пресуда за овој случај во којшто се осудени главно сегашни и поранешни припадници на разузнавачката агенција, Управата за безбедност и контраразузнавање, како и Министерството за одбрана.Осудените се товарат дека се занимавале со шпионажа, но и со уцена на влијателни личности во Македонија од кои барале пари за да не им објават детали во јавност од нивните приватни животи.Во меѓувреме, надлежноста над предметот ја презеде Специјалното јавно обвинителство кое на јавната седница на Апелација ги отфрли сите жалби на обвинетите и единствено побара да им се намалат затворските казни на осудените. Апелациониот суд се уште нема донесено одлука за овој случај, а во вторникот ги пушти од притвор двајца обвинети во случајот, Миќо Насковски и Цветан Дамјановски./крај/ффс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
ВМРО-ДПМНЕ: Над 180.000 гласови предност се обврска за ВМРО-ДПМНЕ Македонија повторно да ја врати на народот
180.000 гласа разлика во корист на Силјановска Давкова и ВМРО-ДПМНЕ пред Пендаровски и СДС е порака дека народот сака промени и крај на понижувањата, соопштија од ВМРО-ДПМНЕ.
„Народот не поддржува политика на понижување на Македонија. Граѓаните јасно кажаа дека се против криминалот на СДС и ДУИ. 7 години Македонија тоне на секое поле. На почеток на секоја учебна година немаше учебници за учениците, за болните немаше лекарства, за земјоделците немаше откуп. Народот не се чувствуваше безбеден, криминалот царуваше по улиците“, велат од ВМРО-ДПМНЕ.
Како што истакнуваат, народот не сака да живее повеќе во несигурност.
„Над 180.000 гласови предност се обврска за ВМРО-ДПМНЕ Македонија повторно да ја врати на народот. Победата во вториот круг ќе биде уште поголема, а СДС и Пендаровски, заедно со нивните газди од ДУИ никогаш повеќе нема да бидат во позиција да го понижуваат народот. Македонија повторно твоја“, завршуваат од ВМРО-ДПМНЕ.
Македонија
ЦУК: Коловозите во државата на многу места се влажни и имало ситни одрони на сите патни правци
Во Центарот за управување со кризи, имало вкупно 1 694 повици на единствениот повикувачки број за итни случаи 112.
Од нив „реални“ повици биле 49,82 отсто, а 50,18 отсто биле за други потреби на граѓаните што не биле итни. Кон полиција биле упатени 69,92 отсто и кон итната медицинска помош 28,91 отсто од реалните повици кон 112 во ЦУК.
Во последното деноноќие немало евидентирани пожари на отворено.
Од ЦУК потсетуваат дека коловозите во државата на многу места се влажни и имало ситни одрони на сите патни правци во последното деноноќие.
Екипите ги отстранувале одроните на патот и нема прекин на сообраќајот.
Сервисни информации
Преку денот сончево со мала до умерена облачност, утрото претежно ведро и наместа постудено
Времето денеска со претежно ведро и наместа постудено утро. Преку денот ќе биде сончево со мала до умерена облачност. Попладне во планинските региони ќе има услови за краткотраен локален дожд. Ќе дува слаб до умерен ветер претежно од западен правец. Минималната температура ќе биде во интервал од -1 до 7, а максималната ќе достигне од 16 до 23 степени.
Во Скопје ќе биде сончево со мала до умерена облачност и со слаб ветер од северозападен правец. Минималната температура ќе се спушти до 3, а максималната ќе достигне до 21 степен.
Во сабота попладне ќе има услови за локална нестабилност со краткотраен пороен дожд и грмежи. Потоа следува период на стабилно и топло време.