Спорт
Поранешна југословенска кошаркарска велесила Македонија

Без ниту една НБА-ѕвезда и со само неколку интернационалци, кошаркарите на Македонија им одржаа вистинска лекција на своите колеги од земјите од некогашна СФР Југославија за тоа како се сака својата држава и како се игра во дресот со национални обележја
Македонија во моментов е убедливо најдобрата кошаркарска нација од просторот на поранешна СФР Југославија, која во времето на своето постоење важеше за една од најголемите велесили во светот на играта со портокаловата топка.
Таков заклучок може да се изведе од постигнатите резултати во досегашниот дел од Европското првенство (ЕП), кое се одржува во Литванија, а на кое првпат во историјата учествуваа селекции од сите држави што произлегоа од некогашниот кошаркарски гигант.
Македонската репрезентација е единствената од некогаш братските републики што успеа да избори пласман меѓу четирите најдобри во Европа, иако апсолутно никој не им даваше шанси за тоа. Хероите предводени од селекторот Марин Докузовски на крајот ќе остварат подобар пласман дури и од една Србија, убедливо најтрофејната селекција од овие простори, каде што, барем до неодамна, за македонската кошарка се зборуваше со максимално потценување. По вчерашниот пораз од Грција, српските кошаркари денеска, против Словенија (17 ч.), ќе се борат за седмата позиција на Евробаскетот, додека жолто-црвените утре (17 ч.) ќе се обидат да направат уште една сензација и дојдат до бронзениот медал на ЕП, што значи дека не можат да бидат полошо пласирани од четвртата позиција. Кошаркарите на Хрватска, БиХ и на Црна Гора, пак, ќе се обидат што е можно побрзо да го заборават литванскиот континентален собир, со оглед на нивниот катастрофален учинок и елиминација уште по првата фаза од ЕП.
Ова е исклучително голем успех за македонските кошаркари, со оглед на тоа што далеку зад себе оставија исклучително силни и во европски рамки респектабилни тимови. Без ниту една НБА-ѕвезда, за разлика од речиси сите други селекции, и со само неколку играчи што можат да се пофалат со респектабилна интернационална кариера, жолто-црвените им одржаа вистинска лекција на своите колеги од поранешните братски републики за тоа како се сака својата држава и како се игра во дресот со национални обележја. Во Литванија, од земјите од поранешна СФРЈ, избраниците на Докузовски ја совладаа Хрватска, и тоа првпат во досегашната историја, како и селекциите на Словенија и на БиХ, а загубија несреќно по едно продолжение од Црна Гора, и тоа во првиот меч од континенталниот шампионат.
„Вие единствени во името на вашата држава имате директна поврзаност со поранешната држава. Затоа вие денеска сте најдобар репрезент на некогашната југословенска кошарка, која важеше за една од најреспектабилните во светот“, беше коментарот на еден босански новинар во прес-центарот во Каунас, кој алудираше на референцата Поранешна југословенска република Македонија, која постојано беше повторувана од официјалниот спикер во салите низ Литванија.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
(Видео) Интер маршира кон титулата, ја победи Аталанта во Бергамо

Интер ја совлада Аталанта во Бергамо со 2:0 во 29. коло од Серија А и ја презеде лената позиција на табелата во Серија А.
Ова беше еден од најважните натпревари за двата тима во трката за титулата, вториот против третиот на табелата и уште една во низата победи на Интер против Ла Деа“.
Стрелци за гостите беа Карлос Аугусто во 54. минута и Лаутаро Мартинез во 87.
Ова беше осма последователна победа на Интер против Аталанта во сите натпреварувања.
Екипата на Џан Пјеро Гасперини очигледно не знае да игра против „неро-азурите“, а тоа беше случај и вечерва, а немоќта на домашните беше видлива по нервозните реакции кои доведоа до жестоки расправии и на крајот и до црвени картони.
Еден доби Џанпјеро Гаспреини поради бурни протести, а во 81. минута и Едерсон, кој поради протест доби жолт, по што следеше ироничен аплауз во лицето на судијата, поради што мораше да замине во соблекувалната.
Интер на врвот има 64 бодови, три повеќе од Наполи и шест од Аталанта.
Спорт
(Видео) Барселона со спектакуларен пресврт на „Метрополитано“, од 2:0 до 2:4 против Атлетико

Атлетико и Барселона одиграа уште еден спектакуларен натпревар, овојпат на „Метрополитано“ во Мадрид. Во 28.коло, Барселона победи со 4:2 иако до 72.минута имаше негатива од два гола.
Атлетико поведе со голот на Хулијан Алварез во 45.минута. Аргентинецот ја реализраше акцијата која ја започна Гризман, а Симеоне му асистираше на сонародникот.
„Јорганџиите“ предноста ја зголемија во 70.минута преку Серлот. Ова е шести натпревар по ред на кој Норвежанецот постигнува гол против Барселона.
Тука, Атлетико застана, дали остнаа играчите на Чоло Симеоне без енергија, по исцрпувачкиот меч против Реал во средата, најдобро може да одговори тој самиот.
Левановдки намали на 2:1 во 72.минута, а шест минути подцна Феран Торес го изедначи резултатот.
Во судиското надополнување целосен шок за „јорганџиите“. Ударот на Јамал од 20 метри во 92.минута удри во Реинилдо, топката целосно го смени правецот го измами Облак и заврши зад неговиот грб.
Точка на мечот ставо Феран Торес во 97.минута.
Барселона, со натпревар помалку, се изедначи со Реал на првото место. Двата тима имаат по 60 бодови, четири повеќе од Атлетико.
Спорт
(Видео) Гол и две асистенции за Фернадеш, Јунајтед победи во Лестер

Манчестер јунајтед забележа победа од 3:0 на стадионот „Кинг Пауер“ против Лестер. Повторно, капитенот Бруно Фернандеш имаше клучна улога во победата на „црвените ѓаволи“.
Португалскиот играч за врска повторно беше движечка сила, дури и кога енергијата на теренот опаѓаше. Фернандеш му асистираше на Хојлунд во 28. минута за првиот гол на гостите.
До тој момент, Лестер воопшто не остави лош впечаток. „Лисиците“ имаа добри шанси но беа лоши во реализацијата.
Во вториот дел избраниците на Рубен Аморим сакаа што поскоро да ја обезбедат победата, а Гарначо во 57. минута постигна гол, кој беше поништен поради офсајд.
Десет минути подцна повторно Фернандеш одигра важна улога и му асистираше на Аргентинецот кој овојпат можеше да го прослави голот.
Лестер можеше да се врати во 74. минута. Варди ја украде топката, го пронајде Буонаноте, но Де Лигт во последен момент со лизгачки старт спречи гол.
Бруно ја круниса играта со феноменален гол во 90. минута од 18 метри за конечени 0:3.
Со оваа победа Јунајтед ги прескокна Тотенхем и Евертон во поредокот, сега на 13. место со 37 бодови, додека Лестер е 19. со 17 бодови.