Тренерот на Арсенал, Микел Артета, по поразот од Манчестер Сити изјави дека шампионската трка се врати на почеток.

Со натпревар повеќе од „граѓаните“, тимот од Лондон има три бода повеќе, на пет кола до крајот.

Тимот на Пеп Гвардиола ја заврши најважната работа во овој дел од сезоната во недела попладне, го победија својот директен конкурент за титулата и ќе водат речиси рамноправна трка за тронот до крајот.

„Топџиите“ го добија најтешкиот удар врз нивните шампионски аспирации на „Етихад“, а вистинската драма допрва доаѓа.

„Направивме многу работи како што треба за да го однесеме натпреварот таму каде што сакавме. Имавме подобри шанси, но не ги искористивме и тоа е реалноста“, рече тренерот на Арсенал, Артета.

Сепак играчите дека Арсенал веруваат дека трката за трофејот ќе биде со среќен крај за Арсенал, тврди Шпанецот.

За промената на пристапот:

„Секој натпревар е различен пристап. Потребно е да се процени состојбата на тимот. Ни недостасуваат некои големи играчи. Ни требаат назад што е можно поскоро затоа што мора да бидеме посилни и подобри“.

Трката за шампионатот е повторно жива.

„Премиер лигата речиси повторно започнува. Тие имаат натпревар помалку, ние водиме со три бода, имаме уште пет натпревари“.

Foto/ EPA

Вардар 1961 ја освои титулата во Купот на Македонија, откако во драмаѕичното финале, во Струмица го победи ГРК Охрид со 24:23 (13:12). Црвено-црните 18-ти пат го кренаа трофејот наменет за победникот во Купот.

Финалниот меч понуди голема борба, пресврт на Вардар 1961 во последните 15 минути и незивесна завршница, во која ракометарите на Охрид имаа 35 секунди, но не успеаја да изборат продолженија.

Црвено-црните подобро влегоа во натпреварот, водеа со 6:2, 8.4, Охриѓани полека фаќаа ритам, дојдоа до 12:12, а на полувреме црвено-црните заминаа со гол предност.

Второто полувреме, започна израмнето, во 39-та минута беше 17:17, кога во серија одбрани влезе голманот Пилиповиќ и му овозможи на својот тим предност 20:17, потоа 21:18.

Од тој момент започнаа проблемите во играта на Охрид, како да се исплашија од победата играчите на тренерот Ројевиќ. Голема улога во пресвртот на Вардар 1961 имаше голманот Валах, со неколку брилијантни интервенции.

До крајот на натпреварот постигнаа само два гола, еден од игра еден од седум метри, промашија два седмерци, а кога имаа шанса да изборат продолженија, цели 35 секунди одиграа ужасен напад.

Малус го предводеше скопскиот тим со со осум гола, два помалку постигна Хориха, голманот Валах на крајот собра 10 интервенции, една повеќе од колегата Пилиповиќ на спротивната страна. Стрелците кај ГРК Охрид ги предводеа Ѓукиќ и Јасухира со по пет гола.

Foto/ facebook.com/rkvardar

Фудбалерите на Баерн го победија Штутгарт со 4:2 и станаа национални шампиони по 35-ти пат.

Тимот на Винсент Компани четири кола пред крајот е недостижен за ривалите, имаат 15 поени повеќе од второпласираната Борусија Дортмунд.

До рајот на сезоната Баварците ќе се борат за уште два трофеи, во Купот на Германија и во Лигата на шампионите.

Во недела, пред преполната „Алијанц“ Арена, откако гостите од Баден-Виртемберг поведоа во 21-та минута (Фирих), следеше препознатливиот напаѓачки ритам на Баерн и три гола во 31-та до 37-та минута.

Во тој интервал стрелци беа Гереиро, Џексон и Дејвис, а потоа можеше да започне големата прослава. Немилосрдниот Хари Кејн стави точка со својот 32-ри гол во сезоната.

На крајот од натпреварот, Штутгарт ја искористи славеничката атмосфера во Минхен и само го ублажи поразот преку Андрес.

Foto/ EPA