Свет
Американски затвореник не сака врз него да се тестира нов метод на егзекуција
Еден осуденик на смрт од Алабама не сака да биде првиот човек што ќе биде погубен со азот. Новиот метод на егзекуција со азотна хипоксија предизвикува смрт принудувајќи го затвореникот да дише само азот лишувајќи го од кислород. Властите во Алабама сакаат да го погубат Кенет Смит користејќи го овој метод, но адвокатите на затвореникот тврдат дека тој не треба да се користи како тест.
Адвокатите на Смит тврдеа дека државата објавила малку информации за тоа како ќе функционираат егзекуциите со азот нарекувајќи го методот недокажан. Азотната хипоксија е одобрена за употреба во три американски сојузни држави, но сè уште не е користена при егзекуции.
Азотот сочинува 78 % од воздухот што луѓето го дишат и е безопасен кога се дише со соодветна количина кислород. За време на егзекуцијата, на затвореникот ќе му биде ставена маска на лицето и ќе му се замени воздухот со азот додека не му застане срцето.
Поддржувачите на новиот метод сугерираа дека тој ќе биде безболен, но противниците се убедени дека се работи за човечко експериментирање. Трип Питман, поранешниот сенатор на државата Алабама, кој го предложи новиот метод на егзекуција, ги оспори критиките дека методот бил експериментален.
Тој посочи дека иако ниту една држава не ја спровела смртната казна со азот, луѓето умреле при вдишување азот при индустриски несреќи и обиди за самоубиство, така што ефектите се познати. Адвокатите на Смит рекоа дека тој „веќе поминал низ еден неуспешен обид за егзекуција“ во ноември кога државата се обидела да го убие со смртоносна инјекција.
Смит беше осуден за убиство на Елизабет Сенет во 1988 година. Обвинителите тврдеа дека Смит бил еден од двајцата мажи што платиле по 1.000 долари за да ја убијат Сенет во име на нејзиниот сопруг, кој бил длабоко во долгови и сакал да наплати од осигурувањето.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Потона брод во близина на брегот на Црното Море, се трага по исчезнатите членови на екипажот
Романските спасувачки тимови денеска трагаа по тројца исчезнати членови на екипажот на товарен брод што потона во близина на брегот на Црното Море, соопштија поморските власти.
Информациите кои ги добиле се дека рано утрината дека бродот „Мохамад З“ под знаме на Танзанија потонал на 26 наутички милји од дунавското село Сфанту Џорџ.
Во потрагата и спасувањето биле вклучени Морнаричкиот центар за координација на спасување (МРЦЦ), граничната полиција и два блиски комерцијални брода.
Засега не се познати причините поради кои бродот потонал.
Европа
Шолц ја откажа изборната кампања и ги посети поплавените региони во Германија
Германскиот канцелар Олаф Шолц денеска ги посети поплавените региони во западната германска сојузна покраина Сарланд, каде обилните дождови предизвикаа поплави и лизгање на земјиштето, а неколку згради беа евакуирани.
Шолц ја откажа својата изборна кампања во Сар, на границата со Франција, и наместо тоа, го обиколи делумно поплавениот пат во селото Клајнблитерсдорф заедно со регионалниот гувернер Анке Релингер.
Тој ја потврди солидарноста на сојузната влада со Сарланд.
„За жал, не е првпат да треба да се справиме со голема природна катастрофа, па ќе разгледаме што треба да се направи овде и што е неопходно“, им рече Шолц на новинарите.
Службите за итни случаи одговорија на илјадници повици за помош во главниот град на покраината, Сарбрикен.
Регион
Во Будва уловена сина ајкула тешка 200 килограми
Сина ајкула долга повеќе од три метри и тешка 200 килограми е уловена во Будва.
Уловите на сина ајкула од минатите години покажуваат дека овој вид ајкула најчесто се среќава во Јадранското Море на пролет.
Рајко Бојановиќ, член на спортскиот риболов клуб „Ширун“, улови ајкула и рече дека ќе биде препарирана во Природонаучниот музеј на Црна Гора, а изложбата е планирана за септември.