Свет
Африканската унија доби статус на постојана членка на Г20
Африканската унија доби статус на постојана членка на Групата 20 на водечките светски економии, објави денеска индискиот премиер Нарендра Моди, што дава дополнителна динамика на неговата аспирација да му даде „посилен глас“ на глобалниот југ, како домаќин на овогодинешниот самит на Г20.
Самитот се одржува во време на растечки глобален јаз и со отсуство на некои клучни играчи.
Имаше широка поддршка за членството на Африканската унија, која се состои од 55 земји, и таа стана вториот регионален блок во Групата 20, по Европската унија.
„Го поканувам претставникот на Африканската унија да го заземе неговото место како постојана членка на Г20“, најави Моди кој му подаде рака на актуелниот претседавач на АУ, претседателот на Коморските Острови, Азали Асумани и го прегрна.
На отворањето на самитот, најмалку една петтина од лидерите на Г-20 не беа во Њу Делхи.
Претседателите на Русија и Кина, Владимир Путин и Си Џинпинг одлучија да не доаѓаат, шпанскиот премиер Педро Санчез не можеше да присуствува бидејќи беше позитивен на коронавирус, додека мексиканскиот претседател Андрес Мануел Лопез Обрадор исто така одлучи да го пропушти самитот.
Американскиот претседател Џо Бајден пристигна во Њу Делхи, а американските власти се обидоа да го минимизираат фактот дека украинскиот претседател Володимир Зеленски не беше поканет да се обрати на самитот на Г-20, како што правеше досега, виртуелно или лично, на слични меѓународни форуми по нападот на Русија пред повеќе од 18 месеци.
Русија го испрати министерот за надворешни работи Сергеј Лавров на самитот на Г20, додека Турција ја претставува претседателот Реџеп Таип Ердоган.
Самитот на Г20, кој се состои од Аргентина, Австралија, Бразил, Канада, Кина, Франција, Германија, Индија, Индонезија, Италија, Јапонија, Мексико, Русија, Саудиска Арабија, Јужна Африка, Јужна Кореја, Турција, Велика Британија, САД и претставници на Европската унија, односно на администрацијата во Брисел, се одржува на 9 и 10 септември.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
(Видео) Момче почина по нападот во Лондон: Бесен манијак со меч сечел луѓе на улица, дете им подлегна на повредите
Тринаесетгодишно момче загина, а уште четворица се повредени по напад што се случи во североисточен Лондон во близина на метро станица.
Пет лица биле итно префрлени во болница по инцидентот кога маж прво удрил во куќа со возило, а потоа со меч ги повредил минувачите и полицајците кои се обиделе да го задржат.
„Повредените лица бараат лекарска интервенција, но веруваме дека нивните повреди не се опасни по живот“, соопштија од полицијата.
Според главниот надзорник Стјуарт Бел, 36-годишниот маж кој беше уапсен утринава бил приведен нешто пред 7 часот наутро, 22 минути откако полицијата го примила првиот повик.
Тој моментално е во притвор.
„Би сакал во овој момент да потврдам дека не веруваме дека постои закана за пошироката јавност и не бараме други поединци“, додаде Супт Бел.
„Се чини дека инцидентот не е поврзан со никаков терористички акт“, рече тој.
🚨🇬🇧BREAKING: STABBING INCIDENT IN LONDON.
In London, an individual wielding a sword has attacked homes, injuring two police officers and two residents.
Authorities have preliminarily stated that the incident does not seem to be a terrorist attack.
And of course since the… pic.twitter.com/GQXgHPTFbc
— Suppressed News. (@SuppressedNws) April 30, 2024
Пред нападот, маж во жолта качулка удрил со својот автомобил во куќа, а потоа излегол од возилото и почнал да мавта со самурајски меч.
На видеата направени од случајни минувачи, тој може да се види како шета од куќа до куќа.
Се се случило околу 7 часот утринава, а на терен се голем број полицајци.
Метро станицата Хаинолт беше веднаш затворена.
Свет
Почна европска истрага против Фејсбук и Инстаграм
Европската Комисија покрена истрага против социјалните мрежи Фејсбук и Инстаграм, во сопственост на технолошкиот гигант Мета, поради сомнежи дека не ги почитуваат своите обврски во борбата против дезинформациите. Овие обврски произлегуваат од Законот за дигитални услуги.
„Оваа Комисија создаде средства за заштита на европските граѓани од насочени дезинформации и манипулации од трети земји и ако се сомневаме дека има прекршување на правилата, ние постапуваме“, рече претседателката на Европската комисија Урсула фон дер Лајен.
Таа додаде дека борбата против дезинформациите е особено важна за време на изборната кампања.
Комисијата ќе ја фокусира својата истрага на сомневањата дека Мета не ги исполнува своите обврски според Законот за дигитални услуги поврзани со ширење на погрешни реклами, кампањи за дезинформации и координирано лажно однесување во ЕУ.
Свет
Астра Зенека призна дека нејзината вакцина против Ковид-19 може да предизвика несакани ефекти
Фармацевтската компанија Астра Зенека во судски документ призна дека нејзината вакцина против Ковид-19 може да предизвика ретки несакани ефекти, вклучувајќи згрутчување на крвта и низок број на црвени крвни зрнца.
Во Велика Британија е покрената колективна акција против Астра Зенека, која тврди дека употребата на вакцината CoviShield довела до смрт и сериозни штети и бара отштета до 100 милиони фунти за 50 жртви, објави „Индепендент“.
Една од тужителите тврди дека вакцината и предизвикала трајно оштетување на мозокот и дека згрутчувањето ја оставило неспособна да работи.