Свет
Трамп: Лично би го предупредил Путин за терористичкиoт напад
Поранешниот американски претседател Доналд Трамп изјави дека лично би го предупредил рускиот претседател Владимир Путин за терористичкиот напад на „Crocus City Hall“ доколку во тоа време бил претседател на САД.
Трамп ова го изјави во интервју со Хеј Хјуит, американски радио водител.
Инсинуирајќи дека Вашингтон „знаел дека ќе се случи напад врз Москва“, Хјуит го праша Трамп дали тој лично ќе му се јави на Путин за да го предупреди, бидејќи изрази сомневање дека сегашниот претседател Џозеф Бајден го сторил тоа.
„Би го повикал. Би му го соопштил тоа“, одговори Трамп.
Во терористичкиот напад на 22 март загинаа најмалку 144 лица, од кои шест деца, а над 500 лица беа повредени. Ова е најсмртоносниот терористички напад на руска територија од почетокот на 2000-тите.
Руските органи за спроведување на законот фатија четворица вооружени лица за кои се верува дека се одговорни за масакрот, како и неколку други осомничени за помагање на терористите.
Москва тврди дека терористите имале подготвен план за преминување на границата со Украина. Додека крилото на Исламската држава (ИСИС-К) со седиште во Авганистан ја презеде одговорноста за нападот, шефот на руската Федерална служба за безбедност (ФСБ) Александар Бортников во март, рече дека САД, Велика Британија и Украина можеби биле вмешани.
Вашингтон и Брисел инсистираа дека Киев нема никаква врска со масакрот.
По масакрот во „Crocus City Hall“, Белата куќа објави дека САД споделиле информации со Москва за можен терористички напад. Шефот на руската служба за надворешно разузнавање (СВР) Сергеј Наришкин го потврди ова, но додаде дека „информациите се премногу нејасни и не дозволуваат целосно да ги идентификуваат оние кои учествувале во страшното злосторство“.
Претходно оваа недела, неименуван извор изјави за „Вашингтон пост“ дека САД ја предупредиле Русија за претстојниот терористички напад две недели пред трагедијата.
Според весникот, Москва добила предупредување со „висок степен на специфичност“ дека популарното место може да биде цел на терористи.
Портпаролката на руското Министерство за надворешни работи Марија Захарова во средата го отфрли тврдењето на американскиот весник, нарекувајќи го целосно лажно, пренесува „РТ Балкан“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Зеленски: Украина ќе влезе во НАТО кога ќе ја победи Русија во војната
Претседателот на Украина, Володимир Зеленски, е убеден дека Украина ќе се приклучи на Северноатлантскиот договор по победата во војната со Русија.
Зеленски ова го изјави за време на заедничката средба со офицери кои минуваат курсеви за професионално воено образование според стандардите на НАТО, со учество на генералниот секретар на Алијансата, Јенс Столтенберг, пренесе Униан.
Според мое лично мислење, во НАТО ќе бидеме само кога ќе победиме“, нагласи Зеленски. Претседателот на Украина додаде дека одлуката за пристапување на Украина во Алијансата е донесена со едногласен консензус на сите земји членки на Алијансата.
„А мнозинството е политичко прашање, за да може Украина политички да биде прифатена во Алијансата, потребна е победа“, додаде Зеленски. Тој изјави дека една од причините за војната на Русија против Украина е фактот што Украина порано не била примена во НАТО.
„Пред многу години имаше и соодветен скептицизам кај некои членки, а Русија работеше многу напорно со нашите сегашни партнери, тие водеа дијалог. Таа направи се за да ја спречи Украина да биде примена не само во НАТО, туку и во Европската унија, така што Украина едноставно не се развиваше и не беше отсечена од влијанието на Руската Федерација. Затоа, за да се оттргне од ова влијание, неопходно е да се заштити нејзината независност со победа“, нагласи Зеленски.
Свет
(Видео) Момче почина по нападот во Лондон: Бесен манијак со меч сечел луѓе на улица, дете им подлегна на повредите
Тринаесетгодишно момче загина, а уште четворица се повредени по напад што се случи во североисточен Лондон во близина на метро станица.
Пет лица биле итно префрлени во болница по инцидентот кога маж прво удрил во куќа со возило, а потоа со меч ги повредил минувачите и полицајците кои се обиделе да го задржат.
„Повредените лица бараат лекарска интервенција, но веруваме дека нивните повреди не се опасни по живот“, соопштија од полицијата.
Според главниот надзорник Стјуарт Бел, 36-годишниот маж кој беше уапсен утринава бил приведен нешто пред 7 часот наутро, 22 минути откако полицијата го примила првиот повик.
Тој моментално е во притвор.
„Би сакал во овој момент да потврдам дека не веруваме дека постои закана за пошироката јавност и не бараме други поединци“, додаде Супт Бел.
„Се чини дека инцидентот не е поврзан со никаков терористички акт“, рече тој.
🚨🇬🇧BREAKING: STABBING INCIDENT IN LONDON.
In London, an individual wielding a sword has attacked homes, injuring two police officers and two residents.
Authorities have preliminarily stated that the incident does not seem to be a terrorist attack.
And of course since the… pic.twitter.com/GQXgHPTFbc
— Suppressed News. (@SuppressedNws) April 30, 2024
Пред нападот, маж во жолта качулка удрил со својот автомобил во куќа, а потоа излегол од возилото и почнал да мавта со самурајски меч.
На видеата направени од случајни минувачи, тој може да се види како шета од куќа до куќа.
Се се случило околу 7 часот утринава, а на терен се голем број полицајци.
Метро станицата Хаинолт беше веднаш затворена.
Свет
Почна европска истрага против Фејсбук и Инстаграм
Европската Комисија покрена истрага против социјалните мрежи Фејсбук и Инстаграм, во сопственост на технолошкиот гигант Мета, поради сомнежи дека не ги почитуваат своите обврски во борбата против дезинформациите. Овие обврски произлегуваат од Законот за дигитални услуги.
„Оваа Комисија создаде средства за заштита на европските граѓани од насочени дезинформации и манипулации од трети земји и ако се сомневаме дека има прекршување на правилата, ние постапуваме“, рече претседателката на Европската комисија Урсула фон дер Лајен.
Таа додаде дека борбата против дезинформациите е особено важна за време на изборната кампања.
Комисијата ќе ја фокусира својата истрага на сомневањата дека Мета не ги исполнува своите обврски според Законот за дигитални услуги поврзани со ширење на погрешни реклами, кампањи за дезинформации и координирано лажно однесување во ЕУ.