Свет
Министрите на ЕУ за светските проблеми
Шефовите на дипломатиите на Европската унија (ЕУ), денеска ќе ги разгледуваат надворешно-политичките прашања од интерес на Европа.
Шефовите на дипломатиите на Европската унија (ЕУ), денеска ќе ги разгледуваат надворешно-политичките прашања од интерес на Европа. Западен Балкан не е на денешниот дневниот ред, а министерската расправа за придружување на овој регион кон ЕУ, ќе се одржи во втората половина на јуни.Воочи средбата на шефовите на дипломатиите на ЕУ, Комитетот за Западен Балкан, го разгледал нивниот развој, особено во преземањето на мерки во борбата против организираниот криминал.Заклучено е дека треба да се поздрават сите мерки што се преземени затоа што тоа значи зајакнување на владеењето на правото и институциите на демократските власти на регионот.Министрите за надворешни работи на ЕУ, денеска ќе посветат внимание на настојувањето да се сузбијат гусарските напади на трговските бродови во Аденскиот залив, односите со стратешките партнери во Кина, Јапонија и Русија, но главна тема ќе биде економската состојба, како и иранската нуклеарна програма./крај/бета/см
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Словенија го повика на разговор израелскиот амбасадор: „Израел го ескалира насилството“
Словенечкото Министерство за надворешни работи денеска го повика на разговор израелскиот амбасадор поради нападите во Либан кои веќе однесоа повеќе од 500 животи, изјави министерката за надворешни работи Тања Фајон на маргините на Генералното собрание на Обединетите Нации во Њујорк.
Според извори во словенечкото Министерство за надворешни работи, разговорот е закажан за утре, пренесува агенцијата СТА.
Како што рече министерката Фајон, се чини дека Либан станува новата Газа, а ситуацијата ја оцени како загрижувачка. Таа рече дека Израел го „ескалира насилството“ во Либан, Газа и Западниот Брег.
„Словенија ќе направи се што е во нејзина моќ, истовремено почитувајќи го меѓународното право и, се разбира, Повелбата на Обединетите нации“, најави таа.
Таа, исто така, најави дека наскоро ќе се сретне со либанскиот министер за надворешни работи за да разговара што друго може да се направи.
Франција, постојана членка на Советот за безбедност на ОН, побара итен состанок на тоа тело денеска откако Израел го започна најсилниот бран воздушни напади против Хезболах во Либан во последните децении, во кои загинаа стотици луѓе, меѓу кои и деца.
Свет
Либанскиoт министер: Ќе бидеме во тешка позиција ако Хезболах продолжи да се коцка
Либан ќе биде во многу тешка позиција доколку Хезболах „продолжи да се коцка“ во конфликтот со Израел, изјави министер од либанската влада за „Скај њуз“.
Како што расте стравот од ескалација, министерот за економија Амин Салам, кој како член на либанската влада не ја претставува шиитската милитантна група Хезболах, поддржана од Иран, рече дека Либан е веќе „во центарот на бурата“ и дека „се случува војна со потенцијално страшни последици“.
„Потребна е одлука дали сакаме да го вовлечеме Либан во понатамошна ескалација и мизерија или дали сакаме да донесеме мудра одлука“, вели Салам.
„Многу е јасно, ако решиме или ако Хезболах одлучи да преземе голем ризик и да се коцка повеќе во оваа војна, ќе платиме многу висока цена што ќе го стави Либан во многу тешка позиција и ќе бидат потребни многу години за да се врати назад“, предупреди Салам.
Тој посочи дека економијата на земјата е во „ужасна ситуација“ со „десетици илјади луѓе кои бегаат“ во потрага по засолниште.
Свет
Германија нема да ги укине ограничувањата за употреба на западно оружје со долг дострел
Германскиот канцелар Олаф Шолц потврди дека Германија нема да ги укине ограничувањата на Украина за напади од западно оружје на руска територија.
„Јасно е дека ние секогаш сме многу фокусирани да го поддржиме она што навистина помага и што е неопходно… Ова го подразбира и фактот дека Германија нема да ги укине ограничувањата за употреба на западно оружје со долг дострел. Ова не зависи од мојот личен став. Тоа нема да го направиме, а имаме добри причини за тоа“, им рекол Шолц на новинарите непосредно пред средбата со претседателот на Украина Володимир Зеленски во Њујорк, пренесува Тагешау.
Истовремено, тој ја повика ЕУ итно да и ја обезбеди на Украина ветената финансиска помош од 35 милијарди евра.
„Ова е важно за да можат да придонесат и пријателите во Канада, САД, Велика Британија и Јапонија“ додаде германскиот канцелар.
Шолц рече дека неговата позиција нема да се промени дури и ако САД ги укинат ограничувањата.