Свет
Антикорупциската си ја знае работата за „Фершпед“
Антикорупциската комисија постапува во рамките на своите овластувања и може тоа да го бара, а за тоа треба да се изјасни извршната власт, изјави вчера во Охрид претседателката на Републичкиот судски совет Ленче Софрониеска.
Антикорупциската комисија постапува во рамките на своите овластувања и може тоа да го бара, а за тоа треба да се изјасни извршната власт, изјави вчера во Охрид претседателката на Републичкиот судски совет Ленче Софрониеска. Ова е реакција на Софрониевска во врска со барањето на антикорупциската комисија да се преиспита приватизацијата на Фершпед и постапувањето на правобранителката Зоја Лега-Станоевска.
Софрониеска смета дека упатувањето на други институции е во рамките на системот и дека не треба да се прејудицира ништо пред да завршат постапките, бидејќи, како што рече, доколку не се ценат законите не може ниту да се планира ниту да се има правна држава.
Во врска со претставката на родителите на починатата Наташа Кметовска, Софрониевска рече дека за тоа разбрала од медиумите и дека таа веќе е во процедура.
РСС ќе ја разгледа претставката, а потоа ќе се изјасни за неа, но во никој случај нема да расправа за одлуката на судот, бидејќи тоа исклучиво е во надлежност на судовите – рече Софрониевска.
Како претседател на РСС, Софрониеска вчера беше домаќин на средбата на претставниците на РСС и Високиот совет на правосудство на Албанија што се одржа во Основниот суд во Охрид.
И.О.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Повеќе од сто килограми кокаин пронајдени меѓу банани во супермаркети во Германија
Вработени во неколку германски супермаркети во Берлин и Бранденбург откриле повеќе од 100 килограми кокаин во пакувања со банани, пренесува „Билд“ повикувајќи се на полициски извори.
Во Бранденбург, како што се наведува, во најмалку четири продавници биле пронајдени меѓу 20 и 100 килограми кокаин, пренесува „Танјуг“.
Полицијата во моментот спроведува истрага со проверка на стоката во продавниците поради што сѐ уште не се знае конечната количина дрога во нив, но не и информацијата во колку продавници има.
Регион
Двајцата осомничени за убиството на малата Данка испратени во Специјалната затворска болница
Двајцата осомничени Срѓан Јанковиќ и Дејан Драгијевиќ денеска се испратени во Специјалната затворска болница во Белград на психијатриско вештачење, пишува „Телеграф“.
Во написот медиумот пишува дека осомничениот Дејан Драгијевиќ (50) деталите за убиството на детето ги изнесе во Вишото јавно обвинителство во Заечар. Сепак, тој не сакаше да открие каде го оставил телото на Данка.
Срѓан Јанковиќ (50) не зборувал за делото.
Во Вишото јавно обвинителство во Заечар биле сослушани и родителите на Данка, Ивана и Милош, кои, како што се наведува, опишале како течел денот кога исчезнала ќерка им.
Додека давале исказ, во иста просторија седеле и осомничените за убиството на детето.
Пред рочиштето исказ за „Телеграф“ дал таткото на убиената Данка.
„Смртната казна не им е доволна, треба да бидат во затвор до крајот на животот. Тоа се чудовишта, она што постојано го доживуваме не се опишува. Тоа може да го разбере само родител. Неколкупати ни дојде полиција, ѝ зедоа разни работи на Данка, ништо не знаеме, ниту за крвта на патот ниту во автомоблилот, ништо. Не ни е јасно зошто не се јавиле во итната помош, зошто не помогнале, но го направиле ова што го направиле. Тоа што јас и Ивана постојано страдаме е страшно, разни луѓе ни се јавуваат, нѐ навредуваат, ни ја префрлаат вината. Морав да побарам да го сменам бројот, не можеме повеќе. Кога сѐ ќе заврши, ќе кажеме сѐ“, рече тој.
Свет
Израел ја бобмардира Рафа, најмалку пет лица загинаа, меѓу кои и две деца
Здравствените власти соопштија дека најмалку пет лица загинале во израелските воздушни напади врз јужниот град Рафа во Појасот Газа.
Две деца, идентификувани во болничката евиденција како Шам Наџар (6) и Џамал Набахан (8), се меѓу убиените во нападите извршени во текот на ноќта и денеска, објави АП.
Членовите на семејството за американската агенција изјавиле дека биле убиени додека се обидувале да се преселат во северниот дел на Газа и дека израелската армија ги спречува луѓето да се вратат во своите домови.