Свет
Мажот Черепналкоски плаќа,жената Черепналкоска праќа по саеми
Трајче Черепналкоски, генерален директор на државниот оператор за пренос на струја МЕПСО, ги праќал вработените на светски познатите саеми низ Европа преку туристичка агенција чија сопственичка е неговата сопруга Маја Новак-Черепналкоска, тврдат за „Време“ извори од компанијата.
КОНФЛИКТ НА ИНТЕРЕСИ ИЛИ СЛУЧАЈНОСТ
Трајче Черепналкоски, генерален директор на државниот оператор за пренос на струја МЕПСО, ги праќал вработените на светски познатите саеми низ Европа преку туристичка агенција чија сопственичка е неговата сопруга Маја Новак-Черепналкоска, тврдат за „Време“ извори од компанијата. Станува збор за реномираната туристичката агенција „Новак фаирс“, која во најголем дел организира тури претежно за домашни фирми што сакаат да се претстават или да ги посетат бизнис-манифестациите што се одржуваат во неколку земји од Европа.
Според информациите, на саемот за висока технологија во Хановер, кој годинава се одржа во првата половина на март, заминале најмалку четворица вработени на сметка на компанијата, а аранжманот бил во организација на агенцијата на Черепналкоска. Не е позната цената што државната компанија ја платила на организаторите, а според сознанијата „Новак фаирс“ своите аранжмани до Хановер ги нуди по цена од 520 до 1.000 евра по корисник, во зависност од пакетот што ќе го одбере клиентот што решил да патува. Во другите домашни агенции што организираат посета на саеми велат дека не е можно да се споредуваат цените бидејќи зависи од избраниот пакет-аранжман. Сопствениците на некои агенции што работат бизнис дестинации велат дека не забележале МЕПСО да распише тендер преку која ќе бара агенција со најповолна понуда.
Вработени од фирмите што произлегоа од старото „Електростопанство на Македонија“, ЕЛЕМ и ЕСМ-Дистрибуција кажуваат дека и минатите години кога ЕСМ не беше правно поделено на три независни компании, дел од персоналот летал во организација „Новак фаирс“. Најголем дел аранжмани на таа агенција се токму за специјализирани манифестации во Загреб, Хановер, Келн и Дизелдорф, а во овој бизнис со саеми е повеќе од 17 години.
За евентуалниот конфликт на интереси став побаравме од Черепналкоски. Тој потврди дека вработените ги праќа на саемски манифестации на сметка на МЕПСО, но одби да го искоментира прашањето дали некои од дестинациите ги организира агенцијата на неговата сопруга.
– Нема смисла да ми поставувате такви прашања – рече кратко Черепналкоски.
Маја Новак-Черепналкоска вели дека 17 години го работи „ЦЕБИТ“ (саемот за висока технологија во Хановер).
– Проверете дали годинава МЕПСО воопшто беше на саемот и дали патуваа со нас – ни предложи Черепналкоска.
„Време“ ги има и имињата на вработените од секторот за телекомуникации во МЕПСО што во март, преку „Новак фаирс“ заминаа за Хановер. Познавачите велат дека добро е тоа што Черепналкоски ги праќа вработените на вакви манифестации што може да им донесат нови знаења, но во случајов, како што велат, очигледен е судирот на интереси бидејќи прв човек на државна компанија соработува со фирма која е во сопственост на негова сопруга. Како што дознаваме, за овој случај веќе бил испратен предмет и до антикорупциската комисија. Нејзините членови велат дека ќе може да се изјаснат откако ќе го разгледаат предметот.
Според законот за спречување на корупцијата, во ваква корелација приватните фирми блиски на носител на висока функција во некое државно претпријатие не смеат да соработуваат. Така, велат познавачите, и да имало тендер, агенцијата на Черепналкоска ќе немала право на учество.
Неодамна, антикорупциската комисија утврди конфликт на интереси кај Черепналкоски бидејќи МЕПСО соработувало со приватната фирма „Неоком“, во која тој се јавува и како еден од акционерите.
М. К.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
„САД сакаат да распоредат оружје во вселената и да ја направат арена на воена конфронтација“: Русија со обвинувања до САД
Руските власти ги обвинија САД дека сакаат да распоредат оружје во вселената, еден ден откако Советот за безбедност на ОН ја отфрли нацрт-руската резолуција на оваа тема, и по сличното обвинување од Вашингтон до Москва.
Тие обвинувања и контраобвиненија ги оживуваат стравовите, отсутни уште од Студената војна, за можна трка во вооружување и покрај постоењето на договор за вселената од 1967 година кој повикува „да не се развива нуклеарно оружје или кое било друго оружје за масовно уништување специјално за сместување во орбита”.
Портпаролката на руската дипломатија, Марија Захарова оцени дека американското отфрлање на нацрт-резолуцијата покажува дека САД имаат за цел „да го стават оружјето во вселената и да го направат арена на воена конфронтација“.
„Пропуштена е нова можност да се спречи трката во вооружување во вселената по вина на САД и нивните сојузници“, рече Захарова.
Во април, САД и Јапонија претставија своја нацрт-резолуција до Советот за безбедност на ОН за да се спречи милитаризација на вселената, но Русија стави вето, критикувајќи го фактот дека текстот се фокусира само на еден вид оружје, нуклеарното оружје.
Нацрт-резолуцијата претставена од Русија и Кина во понеделникот, која делумно го содржи текстот блокиран во април, исто така ги повикува сите земји-членки да преземат „итни мерки“ за трајно да го спречат поставувањето оружје во вселената и заканата или употребата на сила во вселената.
Сепак, тој нацрт не ги собра деветте гласови потребни за усвојување.
Американскиот заменик-амбасадор Роберт Вуд ја нарече руската иницијатива „лицемерна“, велејќи дека Москва сака „да го одвлече вниманието од нејзините опасни напори да го стави нуклеарното оружје во орбитата“.
Во февруари Белата куќа даде гаранции дека Русија развива антисателитско нуклеарно оружје, обвинувања кои Москва ги отфрли.
Свет
Американската министерка за финансии: Санкциите против Русија најмногу се заобиколуваат преку Кина, Обединетите Арапски Емирати и Турција
Американската министерка за финансии Џенет Јелен денеска ги повика директорите на европските банки да ја зајакнат контролата врз спроведувањето на американските санкции против Русија.
„Ги повикувам сите институции овде строго да се придржуваат до мерките и уште повеќе да се фокусираат на руските обиди да се избегнат санкциите“, рече Јелен, пренесе Ројтерс.
Таа изјави дека санкциите воведени во декември 2023 година ги попречиле напорите на Русија за производство на стоки неопходни за војната во Украина, но во исто време додаде дека треба да се направи повеќе на ова поле.
Јелен побара од шефовите на европските банки да се погрижат нивните филијали и подружници во странство да ги почитуваат санкциите против Русија.
Таа нагласи дека американските санкции против Русија во моментов се заобиколуваат најмногу преку Кина, Обединетите Арапски Емирати или Турција.
Американското Министерство за финансии продолжува да истражува нови можности кои би го намалиле приходот на Русија и би ја спречиле Москва да набавува производи што ги користи за војната во Украина, заклучи Јелен.
Свет
Политико: Украина најверојатно ќе ги започне преговорите за членство во ЕУ во јуни
Целта на Европската унија (ЕУ) е да ги започне официјалните преговори за пристапување на Украина и Молдавија веќе на 25 јуни, кога се одржува самитот на Европскиот совет, изјавија за бриселски Политико неименувани дипломати од Брисел.
Кога лидерите на ЕУ ги отворија вратите за Украина и Молдавија во декември, потегот беше поздравен како прв чекор во историското проширување на Унијата, пишува во објава на Политико и се додава:
„Официјалното зелено светло за почеток на пристапните преговори со ЕУ би било голем поттик за Украина, која е во третата година од војната.“.