Свет
Обама не сака да го менува капиталистичкиот систем
Ова го пишува поранешниот кубански претседател Фидел Кастро, кој по подолгото отсуство од јавниот и политичкиот живот, закрепнат почна се’ почесто да се јавува во медиумите
Фидел Кастро смета дека крајната американска десница, ќе стори се’ за да го намали авторитетот и влијанието на претседателот Барак Обама.„Обама е роден, воспитуван и се занимава со политика, и тоа со успех, во самиот капиталистички систем на САД. Тој не сака и не може да го менува системот“, пишува неприкосновениот водач на комунистичката кубанска револуција на интернетскиот портал cubadebate.cu.Кастро во продолжение на текстот „Се надевам дека грешам!“ додава дека иако Обама не го потресува американскиот систем на капиталистичка доминација, крајната десница го мрази бидејќи е афроамериканец. Тој исто така изразува убедување дека Обама стана американски претседател само затоа што САД се наоѓаат во длабока и политичка и стопанска криза.Фидел во текстот наведува и дека многу луѓе во светот лажно се надеваа дека ќе дојде до промена во американската надворешна политика, споменувајќи ги притоа војните во Ирак и Авганистан, кои ги нарекува осумгодишен авантуризам, демагогија и лаги во кои загинаа илјадници американски војници. „Тој беше (Обама – з.н.) во состојба да сфати дека САД е само 4 отсто од светската популација, а троши 25 отсто од фосилните енергенси и е најголемиот предизвикувач на ефектот на стаклената градина“, пишува Кастро коментирајќи го односот на Барак Обама кон климатските промени, кој е во спротивност од она што го преферираше неговиот претходник Џорџ Буш. Инаку, Барак Обама досега демонстрираше дека се залага за нормализација на односите со комунистичка Куба која безмалку пет децении се наоѓа под американско ембраго.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Јенс Столтенберг: Украина се уште може да ја добие војната против Русија
Генералниот секретар на НАТО Јенс Столтенберг изјави дека Украина се уште може да победи во војната против Русија, но дека сојузниците ќе мора повеќе да се ангажираат за Киев да ја добие поддршката што ја вети Алијансата.
Во четвртокот, на состанокот на непрофитната организација „Атлантски мост“ во Берлин, Столтенберг рече дека членките на НАТО сега треба да го претворат она што и го ветија и обврзаа на Украина во итна испорака на оружје и муниција, објави Киев Индипендент.
„Во последните месеци, членките на НАТО не ја дадоа поддршката што ја ветија“, рече Столтенберг.
Свет
Во Аргентина откриен нов вид диносаурус
Аргентинските палеонтолози објавија дека откриле нов вид диносаурус, наречен Chakisaurus nekul, кој живеел пред околу 90 милиони години во областа на денешна Патагонија.
Chakisaurus nekula е тревојаден диносаурус со средна големина, а фосилот е пронајден во природниот резерват Пуебло Бланко, во јужната провинција Рио Негро, каде што претходно биле пронајдени бројни остатоци од други диносауруси, цицачи и риби.
Се смета дека најголемиот чакисаурус достигнал големина од три метри во должина и 70 сантиметри во висина, а новите студии покажуваат дека овој тип на диносаурус трчал брзо и имал невообичаено закривена опашка, наведува Ројтерс.
Свет
Израел е подготвен да прифати ослободување на помалку од 40 заложници, пишуваат медиуми
Израел е подготвен да го ублажи барањето од Хамас и да ослободи 40 заложници во замена за привремен прекин на огнот во Појасот Газа, откако палестинската милитантна група ја одби понудата подготвена од преговарачите од Катар, Египет и САД, пишува The Times of Israel повикувајќи се на израелски портали.
Воениот кабинет на Израел сега е подготвен да прифати ослободување на само 20 заложници во првата фаза од договорот под услов жените, мажите над 50 години и тешко болните да бидат ослободени, а кабинетот во четвртокот го овласти преговарачкиот тим на Израел да разговара за повеќе флексибилен пристап со египетската делегација, која денеска во Тел Авив ќе има дополнителни разговори, објави израелската веб-страница Инет.
Неименуван висок израелски функционер подоцна изјави за веб-страницата дека Израел всушност се согласил да ослободи 33 заложници, а веб-страницата наведе дека Хамас инсистирал бројот на ослободените заложници да биде приближно 20.
Претходниот предлог вклучуваше ослободување на 40 заложници во тие категории, но Хамас рече дека нема толку многу жени, мажи над 50 години и тешко болни кои се уште се живи.