Свет
Во пет експлозии најмалку 36 загинати во Авганистан
Најмалку 36 се загинати а 64 се ранети во јужниот град Кандахар во синхронизарани експлозии на пет автомобили-бомби. Во борбени акции, во провинцијата во вторникот загинаа и четири американски војници
Авганистански извори изјавиле дека речиси целосно била уништена зградата на јапонска градежна фирма во која работата најмногу инженери од Пакистан. Покрај неа, многу биле оштетени и десетина околни згради а од силните експлозии биле искршени прозорците на многу домови во подалечни делови од градот. Репортерите јавуваат и за пожари кои се јавиле по експлозиите. Биел уништени и околу педесетина локали. Репортерот на Associated Press, вели дека ова е најсилната експлозија што ја чул и идел иако осум години веќе живее во Кандахар. „Експлозијата уби најмалку 36 а рани 64 лица“, изјавил генералот Ѓулам Али Вахабат, началник на авганистанската полиција за јужните провинции од земјата. „Уше еднаш тие убија деца, жени, невини Авганистанци. Тие не се луѓе. Тие се животни. Можете да ја видите деструкцијата на овој непријател“, изјавил заменикот на полицискиот началник, Мохамед Шер Шах. Член на провинцискиот совет, Хаџи Ага Лалаи рекол дека петте возила полни со експлозиви детонирани во исто време предизвикале огромна експлозија. Послдните неколку години талибаните во Кандахар имаат извршено неколку големи напади, кој се смета за нивен духовен центар. Крај градот има голема база на НАТО, но бунтовниците ја имаат контролата во западните делови од градот. Американскиот армиски портпарол, наредничката Кристин Сајденстрајкер, потврди дека во јужниот дел од Авганистан денеска смртно настрадале четири американски војници. Со ова бројката на загинати американски војници во август се искачи на 41, што го прави барем досега втор по загуби месец откако е почната инвазијата на САД во Авганистан во 2001 г. Во јули бројката загинати американски војници изнесуваше 44. Вкупно, пак, досега оваа црна бројка изнесува 172 загинати војници на САД во авганистанската војна, во која се ангажирани околу 60 илјади.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Уапсен украински министер
Украинските антикорупциски тела денеска го уапсија министерот за земјоделство Микола Солски. Судот на министерот му изрече превентивна мерка притвор во траење од 60 дена, до 24 јуни. Сепак, Солски ќе биде ослободен од притвор доколку плати кауција од 75,7 милиони гривни (околу 1,7 милиони евра).
Обвинителството побара притвор поради ризик од попречување на истрагата, влијание врз сведоци и бегство. Тие истакнаа дека Солски во текот на вонредната состојба неколку пати ја минувал границата.
Адвокатот одговори дека Солски ја преминал границата поради службени патувања, освен во еден случај кога заминал на договорено отсуство. Тој се осврна и на тоа дека Солски како функционер може да патува во странство само со согласност на премиерот. Тој исто така изјави дека нема докази дека Солски би можел да се меша во истрагата или да влијае на сведоците.
Солски вчера понуди оставка откако беше осомничен за вмешаност во незаконско стекнување државно земјиште. Обвинителите тврдат дека Солски бил фатен дека поседува државно земјиште во вредност од 291 милион гривни и дека се обидел да добие друго земјиште во вредност од 190 милиони гривни.
Солски ги негира обвиненијата, за кои обвинителите велат дека се однесуваат на настани од 2017 до 2021 година, пред да стане министер за земјоделство во март 2022 година. Солски е еден од најбогатите функционери во администрацијата на претседателот Володимир Зеленски.
Ако плати кауција, ќе мора да ја предаде својата обврзница на властите и нема да му биде дозволено да разговара со други осомничени и сведоци во случајот.
Свет
Хаос на факултетите ширум Америка: апсењата на студенти продолжуваат поради антиизраелските протести
Стотици американски студенти се уапсени низ американските кампуси додека полицијата ги задушува антиизраелските протести со кои се бара повлекување на Израел од Појасот Газа.
108 студенти беа уапсени на протест во Бостон во американската држава Масачусетс, а 93 беа уапсени на протест на приватниот универзитет во Јужна Калифорнија во Лос Анџелес, додека 28 студенти беа уапсени на Универзитетот Емори во Атланта во американската држава Џорџија. , соопшти полицијата, пренесува Си-ен-ен.
На Универзитетот Колумбија во Њујорк, епицентарот на демонстрациите, студентите рекоа дека нема да се разотидат додека факултетот не се согласи да ги прекине врските со израелските академски институции. Студентите од другите кампуси имаат слични барања, а во протестите учествуваат и Палестинци, Арапи, Евреи и муслимани, според Си-ен-ен.
Полицијата во Бостон во четвртокот наутро насилно ги отстрани шаторите поставени од студентите на колеџот Емерсон, при што уапси 108 од нив, објавија медиумите. На видеото може да се видат студенти како се штитат со раце и користат чадори за да и се спротивстават на полицијата.
Уште 93 студенти беа уапсени во средата навечер за време на протестите на Универзитетот во Јужна Калифорнија, соопшти полицискиот оддел во Лос Анџелес. Полицијата соопшти дека едно лице е уапсено под сомнение за напад со оружје, но не соопшти детали за инцидентот.
Студентите исто така протестираат од минатиот четврток во Технолошкиот институт во Масачусетс, Универзитетот во Тексас во Остин, Универзитетот во Мичиген, Универзитетот во Ново Мексико, Беркли, Јеил и Харвард, според Си-ен-ен.
Регион
(Видео) Уапсени Срби во Атина, поранешни членови на „Пинк Пантер“: осомничени се за украден накит вреден 315.000 евра
Двајца Срби, кои во минатото биле членови на организацијата „Пинк Пантер“, се уапсени во Атина под сомнение дека ограбиле две познати златарници во центарот на грчката престолнина, соопшти атинската полиција.
Според соопштението на грчката полиција, уапсените оперираат најмалку од минатиот декември, а се претпоставува дека имале соодветна мрежа за канализирање на украдени предмети, бидејќи оствариле добивка од над 315.000 евра.
По претресот во нивните домови, меѓу другото, пронајден е алат користен при кражбата, три рачни часовници, накит, 190 евра, лажна возачка дозвола, три мобилни телефони, лични предмети, како и дополнителен мотоцикл и автомобил што служеле за превоз.