Свет
Истрага на НАТО за гинењето цивили во Авганистан
Меѓународните вoени сили под водство на Алијансата во Авганистан во четврток објавија дека отвориле истрага за последниот случај на загинување цивили, кога се обвинети дека вчера нејзини војници по грешка убиле седум цивили на југ од земјата
Во соопштението на командата на мисијата ИСАФ, се наведува дека врз воените сили во јужната покраина Хелманд која е бастион на талибаните бил отворен жесток оган и дека тие побарале воздушна поддршка за успешно да го одбијат нападот на бунтовниците.„Во текот на денот телата на ранетите и загинатите авганистански цивили се однесени до контролната точка“, се наведува во соопштението на ИСАФ при што се додава дека повредените биле веднаш пренесени во полската болница на мисијата и дека ќе биде отворена истрага за инцидентот, пренесува Agence Grance Presse.„Формиравме комисија која ја сочинуваат припадници на ИСАФ и Авганистанци, за прецизно да се утврди што навистина се случило“, изјавил портпаролот на меѓународната мисија за поддршка на Авганистан, американскиот полковник Рафаел Томас.Во првите шест месеци од годинава се убиени повеќе од 1.200 цивили, што е 25 отсто повеќе во однос на истиот период во 2009 г., објавија во вторникот Обединетите нации.Од оваа бројка три четвртини се жртви на талибаните, а 12 отсто се „колатерална штета“ во акции на сојузничките или авганистанските безбедносни сили.Засилувањето на судирите во Авганистан придонесе и за голем пораст на бројката жртви на меѓународните сили во земјата. Така, од почетокот на 2010 г. загинале 426 странски војници, што е само за стотина помалку од црнито биланс за целата мината година, предупредува специјализираната за водење ваква статистика француска интернет страница icasualties.org.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Професорите на Универзитетот во Амстердам протестираа во знак на солидарност со студентите
Наставниот кадар на Универзитетот во Амстердам одржа протест во знак на солидарност со студентите, чии демонстрации против војната во Газа претходно беа насилно расчистени од полициските сили.
Полицијата со булдожер ги урна барикадите и уапси околу 140 демонстранти, а постојано има судири меѓу безбедносните сили и студенти, пренесува Ројтерс.
„Учениците и вработените пријавиле употреба на полициски палки и кучиња, како и булдожери во обид на полицијата насилно да ги отстрани. Поради прекумерната употреба на насилство, луѓето се повредени“, велат од групата Холандски научници за Палестина.
Европа
Венеција заработи огромна сума на пари со наплата на влезници во градот за само 11 дена
Новововедениот билет за туристите на еднодневно патување во Венеција на градот му донесе приход од 975 илјади евра во првите 11 дена од пробниот период.
Билетот, кој првпат беше воведен на 25 април, се наплаќа по стандардна цена од пет евра.
Градот објави дека продал вкупно повеќе од 195.000 билети, што е малку над очекувањата, пренесува Независне новине.
Влезот ќе се наплаќа во повеќето саботи и недели до средината на јули, кога градот ќе ја разгледа цената.
Како општо правило, целодневните посетители помеѓу 8:30 и 16:00 часот се обврзани да платат влезница и да добијат QR код, кој служи како доказ за плаќање. Ако не го сторат, може да платат казна од 300 евра.
Домашните жители, гостите кои преноќуваат, студентите и децата под 14 години се ослободени од плаќање.
Со околу 15 милиони посетители годишно, Венеција е една од најпосетуваните туристички дестинации во светот.
Масовниот туризам му носи многу приходи на градот, но и гужвите создаваат големи проблеми. Не е познато дали Венеција ќе ја задржи таксата по пробниот период.
Свет
Хамас планира да предаде 33 заложници, некои од нив се мртви
Хамас планира да ги предаде останките на неколку заложници кои се меѓу 33-те за кои се наведува дека ќе бидат ослободени во првата фаза од предложениот договор за прекин на огнот, пишува Њујорк Тајмс.
Во извештајот, во кој се цитирани две лица блиски до преговорите за договорот, се вели дека Хамас ги информирал посредниците дека веќе не се живи сите оние што требаше да бидат ослободени. Се очекуваше во првата фаза да бидат ослободени жени, деца, стари и болни лица, потсетуваат израелските медиуми.
Израел претходно инсистираше да се ослободат само живите заложници во таа фаза и се согласи со помалку од 40-те луѓе што првично ги бараше, со разбирање дека сите што требаше да бидат ослободени се живи. Хамас синоќа соопшти дека го прифатил договорот предложен од посредниците. Израел, пак, оцени дека договорот е многу поинаков од она на што се согласила земјата.
Официјални лица на Хамас рекоа дека првата фаза од договорот ќе вклучи 42-дневно примирје и ќе ослободи 33 израелски заложници во замена за голем број палестински безбедносни затвореници кои се чуваат во израелските затвори.
Кабинетот на израелскиот премиер Бенјамин Нетанјаху оцени дека понудата на Хамас не ги исполнува основните израелски барања, но најави дека ќе испрати преговарачи да продолжат со преговорите со американските, египетските и катарските посредници.
Се верува дека уште 128 заложници се држат во Газа, од околу 250 киднапирани во нападите на палестинските екстремисти предводени од Хамас на 7 октомври минатата година, но не се знае дека сите се живи. За време на еднонеделниот прекин на огнот на крајот на ноември минатата година беа ослободени сто и пет цивили, а пред тоа четворица.
Тројца живи заложници беа ослободени од војниците, а телата на 12 од нив беа пронајдени, вклучувајќи и тројца убиени по грешка од војниците.
Израелската војска ја потврди смртта на 35 заложници кои сè уште ги држи Хамас, повикувајќи се на нови разузнавачки информации од војниците кои дејствуваат во Газа.