Свет
„Фобос-Грунт“ во декември ќе се урне во САД, Кина, Африка или Украина
Доколку не бидат придвижени моторите на руската меѓупланетарна станица „Фобос-Грунт“ (Фобос – Површина), во почетокот на декември несогорувајќи во густа атмосфера на Земјата, делови од вселенското летало може да паднат во неколку земји
Доколку не бидат придвижени моторите на руската меѓупланетарна станица „Фобос-Грунт“ (Фобос – Површина), во почетокот на декември несогорувајќи во густа атмосфера на Земјата, делови од вселенското летало може да паднат во неколку земји, во САД, Кина, во Африка, на Блискиот исток или неколку европски држави, како и во Австралија, Јапонија, Украина и Русија, изјави во петокот за РИА Новости, руски балистички експерт кој побарал анонимност.„Доколку не можеме да ги ставиме моторите во погон, ќе се случи неконтролирано спуштање. Но, во овој случај не може да се рече точно дека атерирањето ќе биде надвор од контролата. Имено во моментот на влегувањето на вселенското летало во орбитата, а тоа е почетокот на декември, балистичарите од Русија, САД и Европа ќе бидат во можност точно да ја идентификуваат областа на влегување во атмосферата и претпоставените области на паѓање на делови од него“, изјави изворот на агенцијата.Според податоците објавени на интернет страницата на еден од порталите за следење сателити Visual SAT, листата на земји над кои минува патеката на „Фобос-Грунт“ е многу проширена. Особено тоа се однесува на САД, Шпанија, Франција, Италија, Кина, Блискиот исток, Австралија, Украина и Казахстан. На територијата на Русија, тоа се областите на Кавказ, Приморие и Сахалин.На прашањето над која точка во атмосферата на Земјата може да влезе слегувачкиот „Фобос-Грунт“, соговорникот на агенцијата одговара „Ви ја зборувам вистината: никој на светот не може да го знае тоа“.„Една работа во овој момент може да се каже со сигурност: вселенското летало нема да ја напушти патеката на неговиот лет. Исто така, дефинитивно е познато дека орбитата на неговиот лет секојдневно ќе се намалува за околу два километра. Но, како Земјата во моментот на влегувањето на „Фобос-Грунт“ ќе сврт – никој не може да предвиди. Секој час се добиваат повеќе податоци, а од кои потоа во одредено време ќе ја знаеме областа на падот многу попрецизно“, вели соговорникот на РИА Новости.Според него, пресметките за точката на влезот во атмосферата на Земјата на влселенското летало се прават во текот на ткн „тест кампањи“.„Меѓународниот координативен комитет за космичките остатоци го определува објектот и тој почнува да се следи внимателно од целиот свет – за да се одреди каде тој ќе падне. Имајќи предвид дека.„Фобос-Грунт“ е голем објект кој потенцијално спаѓа во категоријата опасни остатоци, мислам дека комисијата ќе даде препорака за прецизно пресметување на локацијата на падот. Како што покажува досегашната практика, прогнозите на руските балистичари се покажале како извонредно прецизни“, заклучува рускиот експерт за движење на вселенските тела.Сондата „Фобос-Грунт“, наменета за вселенски транспорт и испорака на примероци од површината на месечината на Марс – Фобос, беше лансирана од космодромот Бајконур вечерта на 9-ти ноември. Таа беше лансирана со помош на двоетапната ракета „Зенит-2 Сб“ и работеше нормално, односно сондата без проблем се одвои од ракетата. Меѓутоа, моторите на меѓупланетарна станица не се активираа и таа не можеше да се движи по определената траекторија за нејзиниот меѓупланетарен лет и остана во орбитата на Земјата./крај/сн/мф/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Америка и испраќа на Украина скап пакет оружје, откриeно што може да има во него
Веќе во петок, САД би можеле да објават нов пакет оружје за помош на Украина во вредност од шест милијарди долари, објави порталот Политико, цитирајќи неименуван американски функционер.
Според официјални лица, пакетот оружје вклучува контраартилериски радар, тактички возила, пресретнувачи Патриот, беспилотни летала, артилерија, прецизна муниција и системи против беспилотни летала.
На почетокот на неделава Претставничкиот дом на американскиот Конгрес донесе закон за пакет воена помош за Украина, Израел и кинескиот регион Тајван во вредност од 95 милијарди долари, од кои 61 милијарда долари се наменети за помош на Украина.
Лидерот на Демократите во Сенатот Чак Шумер изјави дека оставил порака за украинскиот претседател Володимир Зеленски, која гласи: „Завршивме. Сега – победи“.
„Овој предлог-закон е една од најважните мерки усвоени од Конгресот долго време за заштита на американската безбедност и безбедноста на западните демократии“, рече Шумер.
Регион
Лекари во Загреб вградиле мозочен стимулатор на маж со Паркинсонова болест : „Може да вози велосипед, да плива“
Уште еден голем успех на хрватските лекари. Тим хирурзи во болницата Дубрава прв во овој дел од Европа вгради мозочен стимулатор. Пред еден месец новата технологија ја примил загрепчанец кој поради Паркинсоновата болест речиси станал неподвижен.
„Поентата на таа електрода е што стимулира дел од мозокот и на тој начин ја подобруваме клиничката слика, а батеријата освен што стимулира, купува и информации од тој дел од мозокот што го стимулираме и на тој начин можеме да ги подобриме симптомите“, изјави неврохирургот Фади Алмахарик за RTL.
Во КБ Дубрава изминативе 24 години се врши длабока мозочна стимулација, но првиот пациент беше опериран со оваа најнова технологија на крајот на март. Станува збор за 67-годишен загрепчанец со Паркинсонова болест, кој сега е пуштен на домашно закрепнување.
„Во договор со неврологот, стимулацијата се вклучува, терапијата се намалува, пациентот веднаш по вклучувањето на стимулацијата покажува знаци на моторно подобрување. Беше отпуштен дома на физикална терапија и дополнително прилагодување на стимулацијата“, изјави неврохирургот Марина Рагуж.
Веднаш штом ги отстранивме шевовите по 10 дена, почнавме со стимулација и денес пациентот може да вози велосипед, да плива, да се врати на своето секојдневие“, вели хирургот.
Свет
Русите уапсија двајца нивни војници за грозоморни злосторства
Двајца руски војници се приведени под сомнение дека убиле пет лица во окупираниот дел од областа Херсон. Александар Осипов и Александар Кајгородцев веќе ги признале злосторствата што ги направиле во селата Подо-Калиновка и Абрикосовка, пишува рускиот медиум Ура.ру.
Меѓу жртвите се двајца полицајци и началникот на селото Љубов Тимчак, кој е назначен од Русија. Телото на началникот било пронајдено во средата, а на него биле видливи рани од огнено оружје, оган и експлозивни направи.
Полицијата набрзо добила дојава од заменик началникот на округот Алешински за откривање на уште две изгорени и осакатени тела на маж и жена. Безбедносните сили ги уапсиле осомничените истиот ден, а набрзо се испоставило дека станува збор за руските војници Александар Осипов и Александар Кајгородцев.