Европа
Politico: Европската унија се врти кон Исток

Со посетата на премиерот на Јапонија Шинзо Абе на Брисел, Европската унија се соочува со зголемен притисок да го покаже ветеното свртување кон Азија и да склучи нов трговски договор, со што ќе се потврди стратешкото политичко партнерство со Јапонија, пишува во понеделникот Politico.
По изборот на Доналд Трамп за претседател на САД европските лидери побрзаа да се претстават како новите лидери на слободната трговија во светот и ветија дека ќе го пополнат вакуумот создаден од зголемениот протекционизам на САД.
Трансакциите со Азија не се новост за Европската унија, која има големи договори со Јужна Кореја, Сингапур и Виетнам. Високи функционери во Брисел изразуваат оптимизам во врска со склучувањето договор со Токио, што ќе биде нивна најголема комерцијална трансакција.
Се повеќе се зголемува поддршката за сличен договор од страна на германските автомобилски производители, кои се меѓу највлијателните групи во европската индустрија.
“Европа ќе продолжи да се бори за отвореноста во економијата заснована на правилата на слободна трговија, бидејќи за нас тоа е важно и поради знаците на зародиш на протекционизмот кој се појавува на друго место”, коментира претседателот на Европскиот совет, Доналд Туск. “Трговијата зазема централно место во нашиот економски успех”, истакна тој.крај/мф/кс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Европа
Зеленски пристигнува на погребот на папата

Украинскиот претседател Володимир Зеленски ќе присуствува на погребот на папата Франциско, пренесе АФП повикувајќи се на извор од украинскиот претседателски кабинет.
Според истиот извор, канцеларијата на Зеленски ја подготвува неговата посета на Рим за Зеленски лично да се прости од поглаварот на Католичката црква.
Како што претходно беше најавено, погребот на папата Франциско ќе се изврши в сабота, 26 април, во 10 часот по локално време. Досега Трамп и Макрон потврдија дека ќе бидат на погребот, но се очекува да присуствуваат многубројни светски лидери и стотици илјади верници.
Европа
Украина: Русите го зголемуваат военото присуство во Мариупол

Руските сили продолжуваат да го зголемуваат своето воено присуство во привремено окупираниот град Мариупол. Како што соопшти денеска на „Телеграм“ градскиот совет на Мариупол, во градот веќе се формирани две воени бази.
„Руските окупатори го прошируваат своето воено присуство во Мариупол“, се вели во соопштението.
Според Центарот за проучување на окупацијата, во текот на март и април 2025 година се појавиле две нови воени бази: една во областа Калмиус на северозапад од градот и логистичка база во областа Ливобережњи, во станбената зона Шхидни. Втората база, како што се наведува, главно се користи за сместување персонал и воена опрема.
„На овој начин руските окупатори постепено го зголемуваат своето присуство во Мариупол. Центарот за проучување на окупацијата нагласува дека ова е план за трансформирање на градот во главна и полноправна логистичка и воена база не само за стоки туку и за опрема и персонал, со широка мрежа на паркинзи, бази за поправка и точки на трајно и привремено распоредување персонал. Ова е олеснето и со развојот на железничките и пристанишните врски што ги спроведуваат окупаторските власти“, се вели во соопштението на градскиот совет на Мариупол.
Европа
Знамиња со кукасти крстови се појавија во Стокхолм на роденденот на Хитлер, полицијата почна истрага

Три нацистички знамиња со кукасти крстови беа поставени на влезот на автопат во областа Есингеледен во Стокхолм, главниот град на Шведска, на 20 април, на роденденот на Адолф Хитлер.
Портпаролот на полицијата во Стокхолм, Матс Ериксон, изјави дека започнале истрага за злосторство од омраза.
Ериксон нагласи дека не е соодветно да се случуваат такви работи во Шведска. Тој посочи дека на влезовите на автопатите често се појавуваат транспаренти со политички пораки.
„Конкретно активистите споделуваат политички пораки бидејќи тука има густ сообраќај. Не е убаво да се споделуваат такви пораки“, рече Ериксон.
Тој додаде дека нацистичкото знаме најверојатно било поставено за да го одбележи роденденот на нацистичкиот диктатор Адолф Хитлер, кој е роден на 20 април.