Свет
Хокинг отпуштен од болницата во Рим

Познатиот британски физичар и космолог Стивен Хокинг отпуштен е во саботата од болницата во италијанската престолнина Рим по дводневните испитувања, соопштија лекарите.
Седумдесет и четиригодишниот Стивен Хокинг во Рим учествуваше на Понтофикалната (папска) академија на науките. На 25-ти ноември во Ватикан одржа предавање „За потеклото на Вселената“ а во понеделникот се сретна со поглаварот на Римокатоличката црква, папата Франциск, а во четвртокот ноќта беше сместен во римската болница „Гемили“.
Болницата, којашто се смета за една од најдобрите во која се лекуваат папите,објави во саботата дека Хокинг се чувствува добро и дека се враќа во Велика Британија.
Хокинг, кој се прослави со книгата „Куса историја на времето“, продадена во тиражи од 10 милиони примероци, зборува преку компјутер и патува со придружба во која се вклучени и две болничарки. Тој одржа говор во Ватикан, на 25-ти ноември за потеклото на Вселената.
Хокинг, теоретски физичар е познат како популаризатор на науката, се занимава со потеклото на космолошката посебност, односно привичната состојба на Вселената, од којашто таа, според теоријата за Големиот тресок, постојано се шири.
Во 1963 година, на тогаш 22-годишниот Стивен Хокинг му била дијагностицирана „амиотрофична латерална склероза“ (АЛС). Лекарите тогаш сметале дека му преостануваат уште две до три години живот. За среќа нивните предвидувања не се остварија, тој ја продолжи својата научна работа, двапати се женеше и е татко на три деца. Дури и целосно парализиран и врзан за специјално опремената количка, Хокинг води доста активен живот, се занимава со науката, предава, и настапува на научни собири ширум светот, општејќи со светот преку специјалниот компјутеризираниот синтетизатор на говорот./крај/мф/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
(Видео) Шахта во Њујорк експлодира неколку секунди откако по неа помина жена со деца

Безбедносна камера во американскиот град Паукипси, Њујорк, снимила драматичен момент кога капак на шахта експлодирал неколку секунди откако покрај неа поминала жена со количка и две деца, објави Би-Би-Си.
На видеото се гледа како жена турка количка и држи дете за рака додека оди по улица. Во моментот кога се оддалечени само неколку чекори има силна експлозија и од земјата избива оган и чад.
Според соопштението на противпожарната служба во инцидентот нема повредени, но во неколку згради во блокот била откриена висока концентрација на јаглерод моноксид.
„Жителите од околните згради се евакуирани додека нивото на гас не се сведе на безбедно ниво“, соопштија пожарникарите.
Причината за експлозијата се уште не е официјално потврдена, но се сомнева дека има технички дефект во електричната или гасната инфраструктура под коловозот.
Свет
Објавен мистериозниот портрет на Трамп кој Путин му го подари на американскиот претседател

Американската телевизиска мрежа Си-Ен-Ен го објави портретот што рускиот претседател Владимир Путин му го испрати на подарок на американскиот претседател Доналд Трамп во март.
На него е претставен американскиот претседател по обидот за атентат, а автор на портретот е рускиот уметник Никас Сафронов.
Сликата го покажува Трамп со крената тупаница и траги од крв на лицето – потсетување на моментот на атентатот за време на настап во кампањата во Пенсилванија на 13 јули 2024 година.
Зад него се вее американско знаме, а во позадина се видливи Статуата на слободата и Менхетен во Њујорк.
Свет
Зеленски: Спремни сме на директни разговори со Русија

Украинскиот претседател, Володимир Зеленски, изјави дека Украина е подготвена за директни разговори со Русија по прекинот на огнот
„Подготвени сме да седнеме во кој било формат“, изјави украинскиот претседател за новинарите на брифинг.
Да потсетиме дека вчера и рускиот претседател Владимир Путин изјави дека е подготвен за директни преговори со Киев.
Во изјавата за новинарите, Путин рече дека би било можно директно да се разговара со Киев за прекин на нападите врз цивилната инфраструктура.
„Имаме позитивен став кон прекинот на огнот“, рече Путин, мислејќи на одлуката на Русија да спроведе изненадувачки 30-часовен Велигденски прекин на огнот.