Регион
Германија ја критикува Русија поради Балканот
Германските политичари предупредуваат дека Русија води експанзионистичка политика и изразија загриженоста за наводните притисоци од Москва врз Србија и Босна и Херцеговина.
„Не станува збор само за Украина. Станува збор и за Молдавија, Грузија и доколку тоа ќе оди натаму, човек мора да се запраша мора ли да се праша за дозвола за Србија, мора ли да се праша за другите земји од западен Балкан“, се вели во изјавата цитирана од Frankfurter Allgemeine Zeitung.на германската канцеларка Ангела Меркел дадена во понеделникот на Лоуви институтот за меѓународна политика во австралиски Сиднеј, каде што престојува по завршувањето на самитот на Г20 во Бризбејн.
Според Меркел, недозволиво е Европската унија да мора да ја праша Русија за дозвола дали смее да прими во своето членство некои земји или не. „Инаку ќе мораме да кажеме мораме прво да прашаме во Москва дали е тоа воопшто можно. Така тоа беше 40 години и на таа состојба всушност не сакаме да се вратиме“, изјави Меркел што во германските медиуми се толкува како невообичаен остар тон.
Изјавата на канцеларката Меркел се совпадна со објавувањето на тајниот документ на германското министерство за надворешни работи, кој го објави германскиот неделник Der Spiegel во своето издание од понеделникот, во кој се изразува загриженоста во врска со притисок на Русија врз Србија и другите земји од западниот Балкан, во прв ред Босна и Херцеговина.
„Целта на (рускиот претседател Владимир) Путин е врз балканските земји да изврши толку силен притисок што или ќе се откажат од членството во Европската унија или, пак, како членки на ЕУ ќе спроведуваат изразено проруска политика“, се наведува изјавата на пратеникот во Европскиот парламент и политичар на владејачката партија на Меркел Христијанско-демократската унија (CDU) Елмар Брок во документот на министерството за надворешни работи под заглавие „Влијанието на Русија во Србија“. Русија, како што натаму се наведува во документот, низ сé потесната воена соработка и создавање зависност од рускиот природен гас, се обидува да ги направи зависни Србија и Република Српска.
„Се создава впечаток дека Русија се обидува преку Република Српска да влијае врз целата Босна и Херцеговина“, вели во споменатиот општ документ, германскиот министер за земјоделие Кристијан Шмид, кој неодамна престојуваше во некои земји од западен Балкан.
Германската влада, како што се истакнува во извештајот, не сака да навлегува во конкурентска војна со Русија според принципот „кој нуди повеќе“, меѓутоа смета дека на земјите од западен Балкан мора да им се даде јасна перспектива. „Ние на земјите на Балканот мораме јасно да им дадеме до знаење дека влезот во Европската унија јасно е во нивен интерес“, навел државниот секретар во министерството за надворешни работи Михаел Рот./крај/мф/сн
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Лекари во Загреб вградиле мозочен стимулатор на маж со Паркинсонова болест : „Може да вози велосипед, да плива“
Уште еден голем успех на хрватските лекари. Тим хирурзи во болницата Дубрава прв во овој дел од Европа вгради мозочен стимулатор. Пред еден месец новата технологија ја примил загрепчанец кој поради Паркинсоновата болест речиси станал неподвижен.
„Поентата на таа електрода е што стимулира дел од мозокот и на тој начин ја подобруваме клиничката слика, а батеријата освен што стимулира, купува и информации од тој дел од мозокот што го стимулираме и на тој начин можеме да ги подобриме симптомите“, изјави неврохирургот Фади Алмахарик за RTL.
Во КБ Дубрава изминативе 24 години се врши длабока мозочна стимулација, но првиот пациент беше опериран со оваа најнова технологија на крајот на март. Станува збор за 67-годишен загрепчанец со Паркинсонова болест, кој сега е пуштен на домашно закрепнување.
„Во договор со неврологот, стимулацијата се вклучува, терапијата се намалува, пациентот веднаш по вклучувањето на стимулацијата покажува знаци на моторно подобрување. Беше отпуштен дома на физикална терапија и дополнително прилагодување на стимулацијата“, изјави неврохирургот Марина Рагуж.
Веднаш штом ги отстранивме шевовите по 10 дена, почнавме со стимулација и денес пациентот може да вози велосипед, да плива, да се врати на своето секојдневие“, вели хирургот.
Регион
Додик не го признава геноцидот во Сребреница: „Ќе однесеме цвеќе, ако не навредува никого“
Во четвртокот, лидерот на Србија во Босна и Херцеговина, Милорад Додик, изрази подготвеност да го посети Меморијалниот центар Поточари во Сребреница и да положи цвеќе на заедничкиот споменик подигнат во спомен на масакрот на Бошњаците за време на војната, но тој повторно негираше дека таму имало геноцид.
Во интервју за новинската агенција на Република Српска, претседателот Додик најави дека владата и целото раководство на овој ентитет ќе заседаваат во Сребреница на 2 мај 2024 година, кога ќе се одржи дискусија пред Обединетите нации и се очекува гласање за Резолуција за осуда на геноцидот во тој град во летото 1995 година.
Резолуцијата е поддржана од дваесет земји, меѓу кои САД, Обединетото Кралство и Германија и се очекува нејзино усвојување. Целта е да се интернационализираат страдањата на Бошњаците во Сребреница.
Водечките српски претставници од Белград и Бања Лука, претседателите Александар Вучиќ и Милорад Додик, тврдат дека ова е обид да се префрли вината на српскиот народ.
„Република Српска нема да ја прифати резолуцијата за Сребреница за која ќе се одлучува во Генералното собрание на ОН бидејќи се што е напишано во неа е лага. Босна и Херцеговина не може да живее врз основа на тоа дека едната нација во неа е оквалификувана како геноцидна“, рече Додик.
Сепак, тој изрази подготвеност да им оддаде почит на жртвите од масакрот во Сребреница.
„Ако ни се укаже можност, на 2 мај ќе однесеме венци во Поточари, ако тоа не навреди никого. Не се плашам дека би можел да завршам како Вучиќ, кој дојде да им оддаде почит на жртвите, изрази сочувство, а доби камен во главата и никој не одговараше за тоа“, истакна Додик.
Тој смета дека Резолуцијата за Сребреница сепак нема да го добие потребното мнозинство на седницата на Генералното собрание на ОН.
Регион
Двајцата осомничени за убиството на малата Данка испратени во Специјалната затворска болница
Двајцата осомничени Срѓан Јанковиќ и Дејан Драгијевиќ денеска се испратени во Специјалната затворска болница во Белград на психијатриско вештачење, пишува „Телеграф“.
Во написот медиумот пишува дека осомничениот Дејан Драгијевиќ (50) деталите за убиството на детето ги изнесе во Вишото јавно обвинителство во Заечар. Сепак, тој не сакаше да открие каде го оставил телото на Данка.
Срѓан Јанковиќ (50) не зборувал за делото.
Во Вишото јавно обвинителство во Заечар биле сослушани и родителите на Данка, Ивана и Милош, кои, како што се наведува, опишале како течел денот кога исчезнала ќерка им.
Додека давале исказ, во иста просторија седеле и осомничените за убиството на детето.
Пред рочиштето исказ за „Телеграф“ дал таткото на убиената Данка.
„Смртната казна не им е доволна, треба да бидат во затвор до крајот на животот. Тоа се чудовишта, она што постојано го доживуваме не се опишува. Тоа може да го разбере само родител. Неколкупати ни дојде полиција, ѝ зедоа разни работи на Данка, ништо не знаеме, ниту за крвта на патот ниту во автомоблилот, ништо. Не ни е јасно зошто не се јавиле во итната помош, зошто не помогнале, но го направиле ова што го направиле. Тоа што јас и Ивана постојано страдаме е страшно, разни луѓе ни се јавуваат, нѐ навредуваат, ни ја префрлаат вината. Морав да побарам да го сменам бројот, не можеме повеќе. Кога сѐ ќе заврши, ќе кажеме сѐ“, рече тој.