Регион
Хаотична состојба во Турција
Различни информации пристигнуваат од минута во минута од Турција, по објавувањето дека е извршен само обид за државен удар, како и противречни соопштенија дека во тек е државен удар од војската за преземање на власта во земјата. Се очекува изјава на претседателот Реџеп Тајип Ердоган, за кого не е познато на која локација се наоѓа, а медиумите јавуваат дека војската го заземала седиштето не неговата владејачка партија AKP во Истанбул.
Челник од владејачката Партија на правдата и развојот (AKP) во телефонско јавување за CNNTürk изјави дека група војници се обидуваат да го изнесат од зградата. Тој ги повика граѓаните да излезат на улиците и да ги заштитат институциите.Објавено е дека на целата територија на Турција е прогласен полициски час. На територијата на воената воздухопловна база Инџирлик, каде што се стационирани и авиони на земјите членки на НАТО и на земјите од меѓународната коалиција предводена од САД во борбата против Исламската држава во Ирак и Сирија, запрени се сите операции и прогласена е терористичка закана.Патничките авиони кружат над Мраморното Море, во очекување да добијат дозвола за слетување на меѓународниот аеродром „Мустафа Кемал Ататурк“ кој неодамна беше цел на терористички напад кој се припишува на џихадистичката Исламска држава во кој беа убиени 45 лица. Објавено е дека „Ататурк“ е затворен. Некои авиони добиваат дозвола да слетаат на другиот истанбулски аеродром „Сабиха Ѓекчен“.Голем број оклопни возила ги попречуваат главните приоди кон Истанбул, особен кон седиштето на истанбулската полиција. Жандармеријата ги блокира мостовите во Истанбул од анадолскиот кон европскиот брег од мегалополисот. Според некои извештаи, експлозии се слушнале во анкарскиот кварт Ѓулбаши. Агенцијата Dogan јавува дека анкарската полиција ги повикала сите свои припадници веднаш да се јават на должност.Премиерот Бинали Јилдерим наведува дека Турција се соочува со обид за бунт од некои армиски кругови, известува државната агенција Anadolu, како и дека началникот на Генералштабот, Хулуси Акар е држен како заложник.Групата која себеси се именува Peace in the Country Counci, (најверојатно Мировен совет на земјата) објави соопштение кои го пренесува државниот радиодифузер TRT, во кое се наведува дека на 15-ти јули ја преземале власта со државен удар.Во соопштението се наведува дека групата која се нарекува Совет „ќе им се суди на фер судови“ на сите оние кои ја „предадоа земјата“. Се додава дека оваа група за која не е јасно кој ја води, прогласила „полициски час“.Се очекува соопштение од турскиот претседател Реџеп Тајип Ердоган, пренесува телевизијата CNNTürk. Според нејзиниот репортер, хеликоптер пукал врз седиштето на Генералштабот на турските вооружени сили во Анкара. CNNTürk јави и дека два автобуса со војници влегле во седиштето на државната телевизија TRT во Анкара. Телевизијата започна во меѓувреме да емитува само временска прогноза, но по извесно време почна да емитува редовна програма.„Ова не може да се нарече државен удар, во овој момент. Ова е бунт“, изјави во меѓувреме премиерот Јилдирим. Безбедносните сили се во акција за справување со ситуацијата, рекол премиерот во телефонски разговор за телевизијата NTV.„Најостро ќе биде казнет (бунтот). Нема пријавени судири уште, но нормално е да бидат преземени сите мерки. Нашите безбедносни сили ќе употребат сила на сила“, порача Јилдирим./крај/мф/сн
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Лекари во Загреб вградиле мозочен стимулатор на маж со Паркинсонова болест : „Може да вози велосипед, да плива“
Уште еден голем успех на хрватските лекари. Тим хирурзи во болницата Дубрава прв во овој дел од Европа вгради мозочен стимулатор. Пред еден месец новата технологија ја примил загрепчанец кој поради Паркинсоновата болест речиси станал неподвижен.
„Поентата на таа електрода е што стимулира дел од мозокот и на тој начин ја подобруваме клиничката слика, а батеријата освен што стимулира, купува и информации од тој дел од мозокот што го стимулираме и на тој начин можеме да ги подобриме симптомите“, изјави неврохирургот Фади Алмахарик за RTL.
Во КБ Дубрава изминативе 24 години се врши длабока мозочна стимулација, но првиот пациент беше опериран со оваа најнова технологија на крајот на март. Станува збор за 67-годишен загрепчанец со Паркинсонова болест, кој сега е пуштен на домашно закрепнување.
„Во договор со неврологот, стимулацијата се вклучува, терапијата се намалува, пациентот веднаш по вклучувањето на стимулацијата покажува знаци на моторно подобрување. Беше отпуштен дома на физикална терапија и дополнително прилагодување на стимулацијата“, изјави неврохирургот Марина Рагуж.
Веднаш штом ги отстранивме шевовите по 10 дена, почнавме со стимулација и денес пациентот може да вози велосипед, да плива, да се врати на своето секојдневие“, вели хирургот.
Регион
Додик не го признава геноцидот во Сребреница: „Ќе однесеме цвеќе, ако не навредува никого“
Во четвртокот, лидерот на Србија во Босна и Херцеговина, Милорад Додик, изрази подготвеност да го посети Меморијалниот центар Поточари во Сребреница и да положи цвеќе на заедничкиот споменик подигнат во спомен на масакрот на Бошњаците за време на војната, но тој повторно негираше дека таму имало геноцид.
Во интервју за новинската агенција на Република Српска, претседателот Додик најави дека владата и целото раководство на овој ентитет ќе заседаваат во Сребреница на 2 мај 2024 година, кога ќе се одржи дискусија пред Обединетите нации и се очекува гласање за Резолуција за осуда на геноцидот во тој град во летото 1995 година.
Резолуцијата е поддржана од дваесет земји, меѓу кои САД, Обединетото Кралство и Германија и се очекува нејзино усвојување. Целта е да се интернационализираат страдањата на Бошњаците во Сребреница.
Водечките српски претставници од Белград и Бања Лука, претседателите Александар Вучиќ и Милорад Додик, тврдат дека ова е обид да се префрли вината на српскиот народ.
„Република Српска нема да ја прифати резолуцијата за Сребреница за која ќе се одлучува во Генералното собрание на ОН бидејќи се што е напишано во неа е лага. Босна и Херцеговина не може да живее врз основа на тоа дека едната нација во неа е оквалификувана како геноцидна“, рече Додик.
Сепак, тој изрази подготвеност да им оддаде почит на жртвите од масакрот во Сребреница.
„Ако ни се укаже можност, на 2 мај ќе однесеме венци во Поточари, ако тоа не навреди никого. Не се плашам дека би можел да завршам како Вучиќ, кој дојде да им оддаде почит на жртвите, изрази сочувство, а доби камен во главата и никој не одговараше за тоа“, истакна Додик.
Тој смета дека Резолуцијата за Сребреница сепак нема да го добие потребното мнозинство на седницата на Генералното собрание на ОН.
Регион
Двајцата осомничени за убиството на малата Данка испратени во Специјалната затворска болница
Двајцата осомничени Срѓан Јанковиќ и Дејан Драгијевиќ денеска се испратени во Специјалната затворска болница во Белград на психијатриско вештачење, пишува „Телеграф“.
Во написот медиумот пишува дека осомничениот Дејан Драгијевиќ (50) деталите за убиството на детето ги изнесе во Вишото јавно обвинителство во Заечар. Сепак, тој не сакаше да открие каде го оставил телото на Данка.
Срѓан Јанковиќ (50) не зборувал за делото.
Во Вишото јавно обвинителство во Заечар биле сослушани и родителите на Данка, Ивана и Милош, кои, како што се наведува, опишале како течел денот кога исчезнала ќерка им.
Додека давале исказ, во иста просторија седеле и осомничените за убиството на детето.
Пред рочиштето исказ за „Телеграф“ дал таткото на убиената Данка.
„Смртната казна не им е доволна, треба да бидат во затвор до крајот на животот. Тоа се чудовишта, она што постојано го доживуваме не се опишува. Тоа може да го разбере само родител. Неколкупати ни дојде полиција, ѝ зедоа разни работи на Данка, ништо не знаеме, ниту за крвта на патот ниту во автомоблилот, ништо. Не ни е јасно зошто не се јавиле во итната помош, зошто не помогнале, но го направиле ова што го направиле. Тоа што јас и Ивана постојано страдаме е страшно, разни луѓе ни се јавуваат, нѐ навредуваат, ни ја префрлаат вината. Морав да побарам да го сменам бројот, не можеме повеќе. Кога сѐ ќе заврши, ќе кажеме сѐ“, рече тој.