Uncategorized
Судот и адвокатите бараат СЈО на судење да презентираат доказ со кој ќе може да се користат класифицирани информации

Иако никогаш порано кривичниот суд не побарал од Обвинителството да достави документ со кој би се отстраниле и формалните пречи за употреба на класифицирани документи како доказ во судска постапка, на такво нешто инсистира скопскиот кривичен суд и адвокатите на седумтемина обвинети во предметот кој беше оформен по иницијатива на Специјалното јавно обвинителство.
Првиот судски процес отворен по поднесен обвинителен предлог на СЈО, односно првото судско рочиште започна со барање на бранителот на поранешниот началник на УБК, Горан Грујовски, адвокатот Никола Додевски, да се отфрлат дел од доказите кои што ги предложило СЈО, бидејќи, спроед него, тие биле обезбедени на незаконски начин.
Судот се согласи дека доказите се обезбедени на законски качин, но дека СЈО треба да озбезбеди формален акт со кој ќе се дозволи непречено користење на класифицираните докази во судска постапка.
Јавните обвинители Ленче Ристоска и Трајче Пеливанов го потестија судот дека тие до УБК, уште во април оваа година, поднеле формално барање, но дека поради опструкции такво нешто се уште не им е доставено. Специјалните обвинители потсетија дека кривичниот суд еднаш веќе им го врати предметот со идентично барање, но дека тие немаат намера повеќе да обезбедуваат ништо што не е неопходно за судењето, притоа повикувајќи се на Законот за класифицирани информации.
Судијката Лидија Петровска не донесе формална одлука, но на Обвинителите им даде копија од судскиот записник, а потоа најави дека главниот претрес го закажа за 17. јануари следната година.
На судењето, освен екс-началникот на УБК Горан Грујовски беа присутни и службеничките кои според СЈО учествувале во уништувањето на доказите кои се во насока на потврда за масовното прислушување./крај/мф
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Uncategorized
Охрид Трчат – Македонија се радува(т) (Фотогалерија)

Бодрење, натпреварувачка атмосфера и укинати случувања викендов во Охрид. Новото издание од „Охрид Трчат“ каде се трча рекреативна трка, полумаратон и штафета, беше причина за сите љубители на спортот да се соберат на едно место. Над 1.500 пријавени имаше за трката на 5 километри. Меѓу нив и градоначалникот на Охрид, Кирил Пецаков, кој поради оваа причина отворањето на маратонот го препушти на спортскиот директор.
Помеѓу тркачите, имаше и јавни фаци, познати спортисти, а учество земаа и деца. Десетици компании, неколку училишта и институции имаа свои тимови. Меѓу многуте учесници, имаше и девојчиња кои трчаа во македонски народни носии, а не им пречеше ниту сончевото време и високите температури.
„Кревет дан требит“, „Ен ти езеро, свежни се“, „Ко ќе ме опулиш, насмеј се“, „Превоз дан требит?“, беа само дел транспарентите на охриѓани со кои ги мотивираа учесниците.
„Охрид Трчат“ стана традиција во Охрид. Се одржува секоја година, пред почетокот на летната сезона.
Uncategorized
Протести во Белград против насилството: Ако има дно, го допревме тој ден

Во 18 часот пред Собранието на Србија започна нов протест „Србија против насилството“, петти по ред по трагедиите во белградското основно училиште и во две села кај Младеновац. Намерата на демонстрантите е во поворката од српскиот парламент да го опколат квартот каде што се наоѓа седиштето на претседателот на Републиката.
Денешниот протест можеби е уште помасовен поради острите реакции во јавноста откако претставници на владејачката Српска напредна странка во српскиот парламент ги нарекоа „ѓубриња“ актерите кои ги поддржаа демонстрантите и нивните барања. Оваа недела актерите објавија проглас во кој оценките на претставниците на СНС ги нарекуваат насилство.
Актерот и режисер Драган Бјелогрлиќ вечерва рече дека мисли оти денес има повеќе демонстранти од кога било.
„Посебно сакам да им се обратам на младите во Србија, пред еден месец бевме опфатени со трагедија каква што нашите луѓе не помнат. Трагедија која никогаш нема да ја преболиме и не треба да ја преболиме. Сите наши порази и несреќи , сите злосторства што сме ги направиле на другите и самите нас го допреле дното, а ако има дно, го допревме тој ден“, рече Бјелогрлиќ. „Тоа што вие младите излеговте на улица, што не сакате да живееме во ова соголено општество, дава надеж дека ќе се издигнеме од тоа дно“, рече Бјелогрлиќ.
Uncategorized
Турција гласаше – вечерва ќе се знае дали на чело на земјата ќе остане Ердоган или ќе застане Киличдароглу

Турција денеска за прв пат во историјата одлучува за претседател во вториот круг од изборите, а гласачките места се затворени.
Повеќе од 64 милиони граѓани со право на глас денеска избраа меѓу актуелниот претседател Реџеп Таип Ердоган и кандидатот на опозициската Национална алијанса, Кемал Киличдароглу.
Ердоган, говорејќи пред новинарите по гласањето во училиште во Истанбул, истакна дека ова е првпат во Турција да се организира втор круг од претседателските избори.
Тој, исто така, го пофали високиот одѕив на гласачите во првиот круг и рече дека очекува одѕивот на гласачите денеска повторно да биде голем.
„Му се молам на Бога тие (изборите) да бидат корисни за нашата земја и нација“, рече тој.
Киличдароглу (74) вториот круг го опиша како референдум за иднината на земјата.
„Овие избори се одржаа во многу тешки околности, имаше разни клевети“, рече Киличдароглу по гласањето, додавајќи дека верува во здравиот разум на луѓето.
„Ќе дојде демократијата, ќе дојде слободата, луѓето ќе можат слободно да ги критикуваат политичарите на улиците“, рече Киличдароглу.
Тој гласаше во исто време со Ердоган, а локалната телевизија ги прикажа ривалите како гласаат на поделен екран.
Турција нема излезни анкети, но прелиминарните резултати се очекуваат да бидат познати за неколку часа.
Ердоган, кој ја водеше Турција 20 години, се смета за фаворит за освојување на нов петгодишен мандат во вториот круг, откако не успеа да победи во првиот круг на 14 мај за помалку од еден процент од гласовите.
Народната алијанса на Ердоган предводена од владејачката Партија на правдата и развојот освои мнозинство во државниот парламент во првиот круг.