Домашен
Стартува Мундијалот во Катар, Македонија сонува четвртфинале
Со натпреварот меѓу домаќинот Катар и Бразил, во четврток (18:30 ч), ќе започне 24-то Светско првенство во ракомет. На шампионатот ќе учествуваат 24 репрезентации, меѓу кои е и Македонија, која четврти пат е дел од светскиот ракометен собир. Титулата на првенството ќе ја брани Шпанија, која пред две години на домашна почва триумфираше пред Данска и Хрватска.
Ракометниот Мундијал кое ќе се игра во два града (Доха и Лусаил), кои еден од друг се оддалечени само 24 километри, ќе биде најскапото и без сомнение најдобро организараното уште од 1939 година кога се одигра првото светско првенство.Натпреварите на СП ќе се игра во три сали, најголема со капацитет од 15.300 седишта е Лусаил Спорт Арена, капацитетот на салата Али бин Хамад ал-Атијах изнесува 7.700 седишта, додека најмал капацитет од 5.500 седишта има салата Дубаи Хандбал.Првенството во Катар е прво кое ќе се игра во Азија по Мундијалот во Јапонија кое се одржа во 1997 година, а исто така ќе биде и прв на кое ќе се игра топките на производителот Молтен, познат по производство на кошаркарски топки и чие седиште се наоѓа во Хирошима.Катар не штедеше пари за организација, па според информациите за организација на Мундијалот потрошил 80 милиони евра. Исто така, домаќинот има намера и на теренот да остави добар впечаток па поради тоа состави репрезентација во која има неколкумина квалитетни ракометари од балканските простори.Титулата во Катар ќе ја брани Шпанија, која на Мундијалот ќе настапи без својот главен адут голманот Арпад Штербик. Шпанците пред две години триумфираа во конкуренција на Данска и Хрватска. Токму овие три селекции заедно со Франција се вбројуваат меѓу најсериозните кандидати за распределба на медалите и на овој Мундијал.Покрај споменатите четири селекции како фаворити од сенка ракометните познавачи сметаат дека Полска, Шведска и Германија можат да се вмешаат во борбата за медали.Дел ракометниот спектакл во Катар ќе биде и македонската репрезентација, која и на ова големо натпреварување ќе биде предводена од најдобриот стрелец во историјата на едно СП, Кире Лазаров.Катар ќе биде четврто СП на кое учествува Македонија, на претходните три Египет 1999, Хрватска 2009 и Шпанија 2013 ‘црвено-жолтите’ во конечниот пласман завршуваа на 18-то, 11-то о 14-то место. Македонија на СП-а има одиграно 22 натпревари со скор од осум победи, 13 порази и еден нерешен резултат. Целта на оваа репрезентација која од клупата ја предводи Ивица Обрван е да се стигне до седмото место кое оезбедува настап на квалификациски турнир за пласман на Олимписките игри во Рио де Жанеиро. Македонија во првата фаза на СП ќе игра во Б групата заедно со Хрватска, БиХ, Австрија, Тунис и Иран. Според сите прогнози Хрватска е фаворит за првото место, Иран е аутсајдер, а останатите четири селекции ќе се борат за местата кои водат во осминафиналето.Македонија Мундијалот ќе го отвори в петок против Тунис, натпреварот ќе започне во 15 часот. Останатите натпревари македонската репрезентација ќе ги одигра во терминот од 17 часот, редоследно противници на ‘црвено-жолтите’ ќе им бидат Иран (17.јануари), Босна и Херцеговина (19.јануари), Хрватска (21.јануари) и Австрија (23.јануари). Составот на Македонија:Борко Ристовски, Петар Ангелов, Никола Митревски, Дејан Манасков, Владо Недановски, Филип Лазаров, Наумче Мојсовски, Филип Миркуловски, Немања Прибак, Кире Лазаров, Ренато Вугринец, Ванчо Димовски, Стојанче Стоилов, Никола Марковски, Велко Марковски и Ацо Јоновски./крај/мф/нц
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Домашен
Денеска во Прилеп 11. планинска трка „Крали Марко Треилс“
Во Прилеп денеска ќе се одржи 11. трка во планинско трчање „Крали Марко Треилс“. Од 250-те пријавени учесници, 78 отсто се од земјава, а останатите 50-тина се од други 12 држави, најмногу од регионот: Србија, Косово, Грција, Албанија,… На трката ќе учествуваат повеќето од најбрзите македонски планински тркачи, репрезентацијата во планинско трчање на Србија, како и поранешната шампионка на Шведска во 100 километарски ултра маратон Лиса Ринг.
„Крали Марко Треилс“ предвидува две трки со различни должини. Пократката, долга 18 километри, е најстарата и најпопуларна планинска трка во државава, наречена „Трескавец Треил“. Почнува од Варош во Прилеп и преку Марковите Кули и пејсажните ритчиња ги води 160-те натпреварувачи кон манастирот Трескавец, а потоа назад во Прилеп.
Подолгата трка, „Камена Баба Треил“, долга 35 километри, исто така почнува од Варош и ја следи патеката до манастирот Трескавец, но оттаму продолжува низ карпести предели преку Камена Баба. За неа се пријавени 80-тина планински тркачи.
Настанот е во организација на здружението ТРЕКС од Скопје и е наменет за рекреативни, аматерски и професионални спортисти со различно ниво на физичка подготвеност.
Домашен
(Видео) Бугарски навивачи се судрија со полицијата на стадион: фрлаа со предмети, па следуваше апсење
Бугарски навивачи се судрија со македонската полиција на арената „Тодор Проевски“ каде се игра натпреварот Шкупи (Македонија) и Левски Софија (Бугарија).
Турканицата продолжи со вадење на ремени од страна на навивачите и фрлање предмети како што се лименки пива, сокови и слично. По ова, имаше и неколкумина уапсени. Полицијата ги извади од стадионот и однесе со комбиња во станица.
„Макфакс“ контактираше со МВР од каде проверуваат зошто дошло до судирот, како и, како е постапено со уапсените лица.
Ова е втор инцидент. Претходно, во Чаир, беа каменувани два автомобили со бугарски натпреварувачи. На ова претходеа низа провокации на социјалните мрежи и телевизиски изјави со навредувачки пароли за Македонија. Навредувачки навивачки песни, се пееа и на трибините.
Домашен
(Видео) Оформен предмет за полицаецот кој со пендрек го нападна Талески: Имало турканица, службеник преземал и физички мерки
МВР отвори предмет против полицаецот кој со пендрек го удри ракометарот Филип Талески, за да се утврди зошто се решил на таков потег и дали ќе следи казна. Чинот наиде на лавина коментари во јавноста и осуда. Досега, во МВР не е поднесена пријава за ударот на Талески.
„По завршување на спортскиот натпревар, поради меѓусебна турканица на неколку ракометари од двете екипи на терен, најнапред реагираше обезбедувањето на натпреварот, а потоа од страна на еден полициски службеник од полициската станица од општа надлежност Охрид преземени се физички мерки. По службена должност Одделот за внатрешна контрола, криминалистички истраги и професионални стандарди при МВР оформи предмет и презема мерки за целосно расчистување на случајот, велат од МВР за „Макфакс“.
Тие додаваат дека пријава досега не добиле.
„По вчера одиграниот ракометен натпревар КУП на Македонија-финале помеѓу ракометните екипи „Еурофарм Пелистер“ од Битола и „Вардар“ од Скопје, во СВР Охрид не е поднесена преставка, поплака или друг вид на пријава од ракометари, делегати или други официјални спортски претставници против полициски службеници кои извршуваа обезбедување на натпреварот што го следеа околу 4000 лица“, додава МВР.