Свет
Советникот на Трамп во Москва навестува признавање на Крим за руска територија
Советникот на изборниот штаб на новоизбраниот американски претседател Доналд Трамп, Картер Пејџ, во интервјуто за агенцијата РИА во текот на неговиот престој во руската престолнина Москва, го опишува како „катастрофално“ нивото на „дезинформации“ на кои почивале одлуките на странските актери во врска со настаните во Украина и околу Крим.
Според Картер Пејџ, историјатот на случувањата последните години во Украина во целост и особено во врска со црноморскиот полуостров Крим се едни од најфлагрантните примери на ткн „лажни вести“ во последниот период.
„Уверен сум дека ќе има нови можности за надминување на овие заблуди и погрешниот курс кој е утврден во врска со Украина“, вели Пејџ за РИА Новости одговарајќи на прашањето дали според него новата американска администрација ќе ја реализира политиката на признавање на присоединувањето на Крим и каква улога ќе има украинското прашањево политиката на новиот американски претседател Доналд Трамп.
.Црноморскиот полуостров Крим, на кој живее мнозинско етнички руско население (58 отсто, покрај 16 отсто Украинци и 12 отсто кримски Татари), откако со февруарските протести во Киев беше соборен претседателот Виктор Јанукович, на 16-ти февруари 2014 година со референдум и огромно мнозинство изгласа враќање на автономијата укината во 1990 година со осамостојувањето на Украина и присоединување на Руската Федерација, што западот го смета за руска анексија на украинска територија.
Портпаролот на рускиот претседател, Дмитриј Песков, коментирајќи ја изјавата на Пејџ во врска со Крим, истакна дека Кремљ ги оценува само изјавите кои доаѓаат од актуелната американска администрација.
Трамп, уште во период кога беше само кандидат за претседателска номинација, изјави дека доколку биде избран ќе го разгледа прашањето за признавање на статусот на Крим како руски. Републичките власти на Крим сега изразуваат уверување дека избраниот американски претседател нема да се откаже до својата изјава.
Пејџ во интервјуто се осврнува и на целта на неговата посета на Москва. Според него, можноста за соработка со рускиот приватен сектор во скоро време ќе биде поволна, и оти тој работи на редица потенцијални проекти во таа сфера/
Зборувајќи за неодамнешната ненадејна приватизација на дел од државниот удел во рускиот нафтен гигант „Роснефт“, коа беше постигната рекордната цена на акцијата на компанијата и поставен нов рекорд според пазарната капитализација. Според него, тоа покажува дека санкциите на Западот против Русија наметната поради нејзината наводна улога во украинската криза не им наштетиле на руските компании, туку повеќе на западниот бизнис.
„Американските, како и европските компании се многу заинтересирани за враќање на рускиот пазар. Нивниот интерес опфаќа широк спектар на сектори“, додава Пејџ.
Пејџ во четвртокот допатува во Москва на средби со тамошни претприемачи и политичари, а истакна дека во руската престолнина ќе остане до 13-ти декември./крај/мф/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Хамас: Нападот на Израел ги загрозува животите на стотици илјади цивили во Рафах
Израелската окупација на преминот Рафах во јужниот дел на Појасот Газа е опасна ескалација што ги загрозува животите на стотици илјади раселени цивили во Рафа, како и објекти под заштита на меѓународното право, објави палестинската милитантна група Хамас.
Во соопштението се додава дека нападот на израелската армија ќе ја влоши хуманитарната ситуација во Газа и ќе го спречи протокот на толку потребната итна помош за цивилите, пренесува Ал Џезира.
„Ова злосторство, кое доаѓа веднаш откако Хамас објави дека го прифаќа предлогот на посредникот за прекин на огнот, ја потврдува намерата на окупаторите да ги нарушат напорите за посредување за прекин на огнот и враќање на затворениците“, се вели во соопштението, повикувајќи ги САД и меѓународната заедница да изврши притисок врз Израел да ја запре ескалацијата.
Свет
Белорусија почна да ја проверува подготвеноста на вооружените сили за распоредување нуклеарно оружје
Белорусија почна да ја проверува подготвеноста на своите вооружени сили за распоредување на тактичко нуклеарно оружје паралелно со подготовките за нуклеарна вежба што ја спроведува Русија, објавија белоруските државни медиуми.
Државната новинска агенција Белта го цитираше белорускиот министер за одбрана Виктор Кренин дека претседателот Александар Лукашенко наредил ненајавена инспекција на силите одговорни за овој тип на оружје, пренесува Ројтерс.
„За време на инспекцијата ќе биде проверен целиот опсег на активности од планирање, подготовка и употреба на тактичко нуклеарно оружје“, рече Кренин, додавајќи дека проверките ја вклучуваат ракетната дивизија „Искандер“ и ескадрилата на авионите СУ-25.
Европа
Полскиот премиер: Европа мора да ја зголеми одбраната
Полскиот премиер Доналд Туск денеска изјави дека Европа ќе мора да ги зголеми своите одбранбени капацитети за да избегне конфликти и да биде побезбедна и повторно повика на развој на заеднички европски систем за противвоздушна одбрана.
Минатата година Полска одвои речиси четири отсто од својот бруто домашен производ (БДП) за одбраната со цел да ги зајакне сопствените воени капацитети.
На Европскиот економски конгрес на југот на Полска, Туск ги повика земјите од ЕУ да ги зголемат трошоците за одбрана за најмалку 100 милијарди евра.
„Европа мора да биде подготвена во следните десет месеци и следните пет години за ситуација во која ниту една сила нема да се осмели да крене рака против неа“, рече Туск.
„Голема сума пари (за европска безбедност) ќе ја оддалечи војната од европските граници долго време, можеби и трајно“, смета Туск, повторувајќи ја потребата од заеднички систем за противвоздушна одбрана.
„Мора да бидеме способни да го одбраниме нашето небо“, порача Туск.
Претседателката на Европската комисија, Урсула фон дер Лајен, исто така присутна на конгресот, се согласи дека Европа мора да троши повеќе за одбраната и вети дека доколку остане на чело на Комисијата, ќе предложи нови проекти во областа на одбраната. .
Таа претходно предложи назначување постојан европски комесар за одбрана.