Европа
Путин: Русија сака нормални односи со Западот, но и рамноправност
Русија сака да развива нормални односи со Западот, базирани на меѓусебно почитување и еднаквост, но токму Западот е виновен за украинската криза, изјави во четвртокот рускиот претседател Владимир Путин на маратонската повеќе од три часа прес-конференција пред 1.259 домашни и странски новинари.
Русија сака да развива нормални односи со Западот, базирани на меѓусебно почитување и еднаквост, но токму Западот е виновен за украинската криза, изјави во четвртокот рускиот претседател Владимир Путин на маратонската повеќе од три часа прес-конференција пред 1.259 домашни и странски новинари.
„Русија сака да развива односи со Западот во областа на одбраната и борбата против тероризмот, а исто так и во сферата на економијата, но на темелите на рамноправност и само со почитување на нејзините национални интереси“, порача рускиот претседател Владимир Путин на својата јубилејна десетогодишна традиционална годишна прес-конференција.
„Сметам дека ние сме во право, кога станува збор за украинската криза, а не Западот“, тврди Путин. Според него, доколку Западот навреме ги повика на запазување на редот и мирот организаторите на државниот преврат во Украина, немаше да се дојде до ситуација на граѓанска војна.
„Да беше заземен таков став, убеден сум дек сега во Украина немаше да има граѓанска војна и немаше да има бројни жртви, но напите колеги заземаа поинаков став“, рече рускиот претседател.
На прашање на украински новинар за ситуацијата во источна Украина и учеството на руски војници во судирите, Путин истакна дека оние Руси кои учествуваат во борбените операции во југоисточна Украина како доброволци не се платеници, бидејќи не добиваат пари за тоа. Рускиот челник тврди дека воената операција којашто ја спроведуваат украинските власти во југоисточна Украина е казнена операција на украинските власти и дека Русија е подготвена да посредува за постигнување на мирно решение на судирот.
Путин нагласи дека украинската криза треба да биде решена само по мирен пат, а не со воени средства, ниту со блокади. Исто така, истакна и дека Москва воопшто не се сомнева во намерата на украинскиот претседател Петро Порошенко да воспостави мир во Украина, но дека низа други високи украински функционери се противат на таа идеја.
И на прес-конференцијата Путин го повтори својот став дека САД создаваат закана за Русија со развивање на антиракетниот штит на нејзините граници. Москва одамна се противи на ваквата идеја, сметајќи ги за неискрени изјавите на западните челници дека станува збор за одбрана на Европа од можни ракетни напади од блискиот исток, сметајќи дека таква опасност реално не постои и бара потпишување на договори.
Според Путин, во Русија нема можноста за изведување дворски преврат „бидејќи нема дворци“, туку само Кремљ кој е „добро заштитен, а стабилноста во земјата се заснова на поддршката на народот“.
Коментирајќи го заклучокот на новинар дека Русија придонела за тензиите во светот, Путин одговори дека неговата земја во тоа придонела „само во таа смисла дека сé посилно го брани своите национални интереси“. „Ние не напаѓаме во политичка смисла, ние никого не напаѓаме, ние само ги штитиме своите интереси“, истакна претседателот на Русија.
„Незадоволството на нашите западни партнери, во прв ред на американските, е поврзано со тоа што ние го правиме токму тоа, а не со тоа дека во сферата на безбедноста дозволуваме некои дејствувања коишто предизвикуваат напнатости“, додаде Путин.
Истакна дека Западот се смета себеси за империја и дека на другите региони во светот гледа како на вазали. „Тие (Западот) секогаш ќе се обидуваат да ја врзат мечката (Русија)“, рече.
Западните медиуми одбележуваат, без натамошни коментари, дека иако оваа беше најпосетена прес-конференција на Путин со 1.259 новинари на кои прашања поставуваа претставници од 39 домашни и странски медиуми, со 3 часа и 10 минути била за еден час покуса од минатогодишната, кога веќе беше во Украина беа започнати прозападните протести. Според должината, рекордна беше неговата прес-конференција од 2008 година која траеше 4 часа и 40 минути./крај/мф/сн
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
(Видео) Голем пожар во фабрика во Берлин, жителите предупредени да го избегнуваат подрачјето
Голем пожар во фабрика во Берлин-Лихтерфелд, која произведува системи за противвоздушна одбрана што се користат на бојното поле во Украина.
Противпожарната бригада предупредува на отровен чад, пренесува „Билд“.
‼️ A defense-industrial company factory is on fire in Berlin
According to media reports, a fire with toxic smoke occurred at a metallurgical plant of the defense-industrial company Diehl. The company is the main contractor of the IRIS-T production program and ammunition for this… pic.twitter.com/jZBBXTEdSm
— NEXTA (@nexta_tv) May 3, 2024
Адријан Венцел, портпарол на берлинската противпожарна бригада, изјави за Билд:
„Целосно изгореа четири ката од зградата. Дел од неа е веќе урнат, а ја гаснеме однадвор. Пожарот повеќе не може да се стави под контрола однатре.
Дежураат околу 160 пожарникари. Спасувачите носат заштитни одела.
Можеме да потврдиме дека во зградата биле запалени и хемикалии. Таму биле складирани сулфурна киселина и бакар цијанид. Постои ризик да се формира водород цијанид и да се издигне во воздухот со чад“, додаде портпаролот.
Противпожарната бригада го информираше населението преку апликации за предупредување.
Feuer mit Explosionen in Berlin Lichterfelde am 03.05.2024 #Feuerwehr #brand pic.twitter.com/4hZG5XekU0
— Niko (@nl_an) May 3, 2024
Станува збор за фирма „Diehl Metal Applications“ која има сопствен систем за доработка на метални површини во објектот.
По проценка на временските услови и соодветниот правец на ветерот, чадот од фабриката се пресели на север. Противпожарната бригада советува избегнување на просторот околу претпријатието, затворање на прозорците и вратите и исклучување на вентилацијата и климатизацијата.
Сојузната држава Берлин издаде официјално предупредување за опасност, советувајќи ги луѓето да ја избегнуваат областа.
Учениците и наставниците од околните училишта беа испратени дома.
Во е-пошта до родителите, една гимназија испратила порака во која ги замолува учениците да останат дома.
Засега нема информации за причината за пожарот, но соопштено е дека нема повредени.
Европа
Борис Џонсон го вратија од гласање, дојде без лична карта: се обиде да го заобиколи сопствениот закон
Борис Џонсон (59), поранешниот британски премиер, во четвртокот бил вратен од избирачкото место, откако се обидел да гласа без лична карта, односно документ со фотографија. Како што пренесува „Гардијан“, Џонсон се обидел да го измами сопствениот закон, бидејќи токму за време на неговиот мандат во Велика Британија била донесена одредба со која се барал документ со фотографија за гласање.
Џонсон, кој поднесе оставка во 2022 година по мандатот обележан со бројни скандали, беше предупреден на избирачко место во Оксфордшир (Јужна Англија) дека мора да го има потребниот документ за докажување на неговиот идентитет. На гласачкото место му дозволија да гласа на локалните избори кои се одржаа низ цела Англија.
Портпаролот на поранешниот премиер изјави дека Џонсон гласал за конзервативците. Тој не ги демантираше пишувањата на медиумите дека поранешниот премиер немал лични документи со фотографија. Минатата година на изборите по промената на законот, околу четири отсто од испитаниците се изјасниле дека не гласале токму затоа што немаат документ со фотографија. Тоа е нешто помалку од околу 800.000 гласачи.
Владата на Џонсон го промени изборниот закон за да ја ограничи можноста за изборен фалсификат, а опозицијата остро ги критикуваше властите за потенцијално обесправување на делови од гласачкото тело. Претходно, гласачите требаше да го дадат само своето име и адреса за да гласаат.
„Мислам дека не е неразумно да се бара од оние што гласаат да покажат некаков доказ за идентитетот“, рече Џонсон во 2021 година за новите правила.
Ова е само последниот инцидент во неговата шарена политичка кариера. Како премиер беше снимен како се крие во фрижидер додека новинарска екипа го бараше за интервју, пренесува медиумот.
Истражувањето спроведено од „YouGov“ покажало дека 14 отсто од Британците пред локалните избори не знаеле дека постои правило за идентификација на гласачите со помош на лични документи.
Европа
Захарова: Секоја агресија врз Крим ќе биде проследена со силна одмазда
Портпаролката на руското Министерство за надворешни работи Марија Захарова денеска ги предупреди Вашингтон, Лондон и Брисел дека сите агресивни дејствија против Крим и мостот на Крим се осудени на неуспех и ќе бидат одговорени со силна одмазда.
„Би сакала повторно да ги предупредам Вашингтон, Лондон и Брисел дека сите агресивни дејства против Крим не само што се осудени на неуспех, туку и ќе бидат одговорени со силна одмазда“, рече Захарова на прес-конференцијата, пренесе ТАСС.
Крим е полуостров со оспорен статус, тој е под де факто контрола на Русија и е поделен на два субјекта на Руската Федерација, Република Крим и град со федерален статус Севастопол, пренесува медиумот.
Украина го смета Крим за дел од својата територија и не ја признава неговата анексија кон Русија.