Европа
Русија ја блокирала декларацијата на ОН за изборите во Донбас, Оланд ја повика Москва да не ги признава
Русија се спротиставила на другите членки на Советот за безбедност на Обединетите нации кои сакале да издадат декларација во која се осудуваат изборите во побунетите источни рускојазични региони на Украина, обвини во понеделникот навечер украинскиот амбасадор во ОН, а истовремено францускиот претседател Франсоа Оланд ја повика Москва да не ги признава резултатите неделните избори во самопрогласените ткн Народни република во Донецк и Луганск.
Петнаесет членки на Советот за безбедност на ОН работеле на усвојување на декларацијата во петокот и подоцна во текот на викендот, но Русија се спротиставила. Во текстот кој го предложила Литванија било истакнато дека гласањето организирано во неделата во регионите Луганск и Донецк, е спротивно на договорот од Минск, склучен на 5-ти септември за прекин на огнот меѓу прозападните власти во Киев и проруските бунтовници во источна Украина, со поддршка на Москва и Организацијата за безбедност и соработка во Европа (ОБСЕ).„Се обидоа да го доработат текстот во петокот и во саботата, но договорениот плaн го блокирала Русија“, обjаснил за AFP украинскиот амбасадор во ОН, Јуриј Сергеев, но информацијата засега не е потврдена од амбасадорите на земјите кои се претставени во Советот за безбедност.Претходно Генералниот секретар на ОН, Бан Ки-мун изрази незадоволство од организирањето на гласањето, и од најавите на Русија дека ќе ги признае резултатите од него. Францускиот претседател Франсоа Оланд во понеделникот навечер во текот на својот говор во парламентот на Канада во Отава ги повика руските челници да не ги признаваат изборите во источна Украина. „Го повикувам претседателот (на Русија, Владимир) Путин да се задржи во рамките на Минската спогодба“, рекол Оланд, пренесе AFP.Од своја страна новата шефица на европската дипломатија Федерика Могерини, претходно изјави дека изборите во Луганск и Донецк се нелегални и претставуваат закана за мирното решавање на украинската криза, на што Москва изрази разочарување од таквиот став на Могерини.Руското министерството за надворешни работи во своето соопштение истакна дека изборите во Донбас се исклучително „важи за да се преземат активни чекори во промовирањето на одржливиот дијалог меѓу централните украински власти и претставниците на Донбас во согласност со договорите постигнати во Минск“. Според заменикот на рускиот министер за надворешни работи, Григориј Карасин, по изборите во источна Украина се создадени сите услови за реализација на договорот од Минск.Москва потсетува дека дел е договорите во Минск е и статусот на Донбас, за кој во украинскиот парламент беше изгласан закон за „специјалниот статус“ на регионите Донецк и Луганск во следните три години, како и дека изборите легитимност на претставниците на двата рускојазични региони да преговараат со претставниците на Киев./крај/мф/сн
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
16-годишно момче избодено во училиште во Германија
16-годишно момче е тешко повредено кога утрово околу 8 часот било избодено од тинејџер (17) во училиште во Нојкирхен-Влуин.
На нападот наводно му претходела вербална расправија.
Постариот ученик наеднаш извадил нож и го ранил 16-годишникот во горниот дел од телото.
Момчето итно било пренесено во болница, а лекарите велат дека неговата состојба е стабилна.
По прободувањето напаѓачот побегнал од училиштето, но полицијата брзо го лоцирала и го уапсила.
Според инспекторот, немало опасност по безбедноста на другите деца во училиштето.
Европа
Во Англија извикал „Алах Акбар“ и убил случаен минувач: „Го направив тоа за луѓето од Газа“
45-годишниот Ахмед Алид вчера беше прогласен за виновен за убиство и обид за убиство. На 15 октомври минатата година, барател на азил од Мароко со нож го уби 70-годишниот Теренс Карни во центарот на англискиот град Хартлпул. Тој претходно го избодел со нож својот заспан цимер Џавед Нури додека викал „Алах Акбар“.
Алид и рекол на полицијата дека сето тоа го направил „за луѓето од Газа“. Само осум дена пред да убие случаен минувач и да го рани својот цимер, милитантите на Хамас го нападнаа Израел. Алид се заколнал дека ќе убиел повеќе луѓе доколку имал митралез и друго оружје, изјави обвинителот Џонатан Сендифорд во Судот во Тесајд.
Алид делел куќа со други баратели на азил во североисточна Англија. Тој бил вознемирен што Нури го прифатил христијанството. Цимерите рекле дека Алид почнал да носи нож откако на телевизија видел прилог за настаните во Газа.
Европа
Крим главна цел: Пентагон откри за што Украина ќе ги користи моќните ракети АТАКМС
Министерството за одбрана на САД ја појасни целта за испорака на ракети со долг дострел во Украина, кои неодамна беа испорачани во тајност. Како што објави „Њујорк тајмс“, целта на испораката на американските ракети АТАКМС е да се зголеми притисокот врз Крим, кој беше анектиран од Русија по референдумот во 2014 година.
Крим го претставува центарот во кој се лоцирани голем број руски воздушни и копнени сили и кој досега, како што пишува американскиот дневен весник, „за нив бил релативно безбедно засолниште“. Ова го тврди анонимен американски функционер. Сепак, Пентагон одби да каже колку точно од овие проектили со дострел од 300 километри се испорачани на украинската страна.
Советникот за национална безбедност на Белата куќа, Џејк Саливан, претходно ја потврди испораката на овие ракети без да прецизира дали тие се модифицирани и имаат зголемен дострел.
Украинските сили веќе употребија АТАКМС, што претседателот Володимир Зеленски го потврди на 17 април, објавувајќи дека бил извршен напад врз воздухопловната база Џанкој, која се наоѓа на 165 километри од линијата на фронтот. Министерството за одбрана на Руската Федерација не ги коментираше овие наводи.
Pentagon reveals Ukraine’s targets for ATACMS missiles – NYT — (the usual baffling lack of retaliation threats from #Putin– instead just the usual bleating that ‘it’s impossible to justify’..Bring Stalin back to life please, Russia) https://t.co/8pi0Lx8tbt #CapeTown #SouthAfrica pic.twitter.com/ZtI5cG3r2m
— Peter Mayson (@theforeverman) April 26, 2024
Американскиот дневен весник потсетува дека Украина првпат добила ракети АТАКМС во септември минатата година, но дека станува збор за верзија со половина дострел. Се шпекулираше дека Украина можеби користела американски ракети за да го урне кримскиот мост, што на почетокот на месецов го потврди и самиот претседател Зеленски, велејќи дека неговата влада „навистина сака да го уништи мостот на Крим“.
Тој е симбол на руската окупација и преку овој мост Русија испорачува воена опрема и ги снабдува војниците во Украина. Во неколку наврати досега мостот беше цел на украински напади.
– Мислам дека е вистинското време, а шефот (Бајден) донесе одлука дека е вистинско време да и го обезбеди на Украина оружјето неопходно за тековната борба. Тоа е добро осмислена и многу конструктивна одлука – изјави адмирал Кристофер Грејди, заменик командант на Здружениот генералштаб на американската армија.
Руската страна го осуди потегот на САД, а рускиот амбасадор во Вашингтон Анатолиј Антонов рече дека тоа „ја зголемува заканата за безбедноста на Крим, вклучително и Севастопол и другите руски градови“.