Контакт

Анализи

Spiegel: Разбивање на легендарната допинг-империја

Објавено пред

dobivaj vesti na viber

Подземната фирма „Интернешенел фармацеутикалс“, со години, ги снабдуваше атлетичарите ширум светот, со најновите дроги за подобрување на перформансите, што и’ овозможи да се здобие со култен статус на допинг-сцената и да заработи милиони. Неодамна, истражителите упаднаа во седиштето на фирмата во едно германско село. Како што изгледа на списокот на клиенти биле  и имињата на голем број врвни атлетичари, чиј идентитет сега би можел да излезе во јавноста.Денот кога вишиот царински инспектор Петер С. го направи откритието на својот живот започна со „патување кај непријателот“. Така припадниците на Царинската истражна единица во Кајзерслаутерн го нарекуваат тргнувањето во рација.Овие луѓе го бркаа фантомот со години, но овојпат беа сигурни дека се на вистинската трага. Околу еден часот попладне, истражителите, придружени од припадниците на Групата за поддршка на Централната царина, стигнаа во Нида-Валернхаусен, село со население од околу 1.100 луѓе, во германската сојузна држава Хесе, на околу 30 километри југоисточно од градот Гајзен. Нивните навигациски системи ги упатија кон улицата наречена „Фусгасе“. Тие ги сопреа возилата пред магацинската зграда со бела боја и долг покрив, облечени во обична облека, за да не привлекуваат внимание. На специјалната единица ì беше потребно повеќе време за да ја отвори вратата на магацинот, но кога таа конечно влезе во зградата не можеа да им поверуваат на своите очи. Просторијата беше исполнета со кафени картонски кутии, како и со жолти и бели кеси за ѓубре, сите полни со таблети, капсули и ампули. Магацинот беше исполнет со залихи од илегални анаболични стероиди, мали шишенца кои го содржеа средството за прихранување на телиња „кленбутерол“ и картонски кутии, на кои пишуваше имиња на производи како што се „Таблети за екстремна моќ“ и „Специјален производ број 25222“.Кратенката „ИФ“ исто така се појавуваше на повеќето картонски кутии. Буквите го означуваат називот „Интернешенел фармацеутикалс“ – фантомската фирма по која трагаа истражителите.ОГРОМНА ЗАПЛЕНА НА ДРОГАНида-Валернхаусен, кое досега беше познато по куклениот театар во гостилницата „Урнштуб“ и по свежите органски јајца, сега ќе влезе во историјата на царинските истраги. Во текот на рацијата на 29-ти септември 2010 година, агентите запленија илегални лекови во вредност од околу 10 милиони евра. Биле потребни 19 палети за да се транспортираат петте милиони, пилули, капсули и ампули. Ова е една од најголемите заплени на дрога во Европа до денешен ден и битен удар врз меѓународната трговија со лекови за подобрување на перформансите. Случајот наскоро ќе го привлече и вниманието на функционерите од светот на професионалниот спорт, затоа што се чини дека меѓу клиентите на „ИФ“ се наоѓаат и имињата на повеќе врвни атлетичари.„Интернешенел фармацеутикалс“ се легенди во светот на бодибилдерите, кои се познати по масовната употреба на лекови за подобрување на перформансите. Подземната лабораторија ги продавала своите производи на црниот пазар повеќе од 20 години. „ИФ“ се сметаше за врвен бренд, кој секогаш ги обезбедуваше најновите и најбараните лекови. На нивните интернет- форуми, клиентите ширум светот „одлепуваа“ на врвните мешавини од стероиди, за кои се велеше дека на атлетичарите им даваат „екстра погон“. „ИФ“ беше икона  – и црна кутија. Никој не знаеше каде се наоѓа магацинот и лабораторијата. И никој не знаеше кој стои зад „Интернешенел фарамацеутикалс“. Сега тајната излезе на виделина. Седиштето на подземната империја се наоѓало во внатрешноста на Германија. Еден од сопствениците, Германецот по име Лотар Х., е поранешен продавач на козметички производи. Неговиот деловен партер, Австриецот Паул Р, е поранешен полицаец, кој бил отпуштен поради нечесност.„ГЛОБАЛЕН БРЕНД“Пред девет години, САД беа потресени од скандалот со допинг поврзан со „БАЛКО“, лабораторија сместена во Калифорнија. Во 2006 година, власта во Европа откри мрежа предводена од шпанскиот експерт за допинг преку крвта, Еуфемиано Фуентес, меѓу чии клиенти беше и поранешниот победник на „Тур д’ Франс“, Јан Улрих. Сега уште еден скандал ќе го потресе светот, овој пат во Германија. „ИП“ беше глобален бренд. Лековите беа произведувани со евтина работна сила во Индија, потоа пакувани и пренесувани со авиони до Данска и Англија. Клиентите беа од Германија, од другите делови на Европа и од САД. Линијата на производи варираше од „Винстрол“, евтин анаболичен стероид, кој се продаваше за 2,75 евра за една ампула, до „Специјалниот производ“, специјално осмислен лек за подобрување на перформансите, со цена од 950 евра за 10 милилитри од супстанцата. Со профит од околу 400 проценти, дилерите заработуваа милиони. За споредба, профитот во трговијата со дроги ретко надминува 89 проценти. Лотар Х. ја основал „Интернешенел фармацеутикалс“ во 1980-те години, а Паул Р. му се приклучил подоцна. „ИП“ почна да се шири и Паул наводно се вклучил и во самиот процес на производство на агенсите. Истовремено, тој развил вџашувачки маркетинг-настап. „ЦРНАТА КНИГА“Пред седум години на пазарот се појави книга со наслов „Анаболични стероиди: црната книга“, што предизвика сензација и кај корисниците на стероиди и кај власта. Книгата всушност, беше прирачник за корисниците на лекови за подобрување на перформансите и беа продадени околу 60.000 примероци. Тековната верзија на прирачникот на 1.057 страници, илустриран со колор фотографии, нуди детални описи за тоа кои лекови нудат најдобри резултати, како да ги измамите антидопинг тестовите и, секако, каде да ги купите лековите. Цело едно поглавје е посветено на „Интернешенел фармацеутикалс“.

Авторот на книгата се криеше зад псевдонимот Д. Синер. Се вртеа голем број шпекулации за тоа кој би можел да се крие зад тоа име. Сега и таа мистерија е решена. Паул Р., еден од партнерите во „ИП“, наводно им признал на австриските истражители дека тој е авторот на трудот, со помош на експерти: доктори и хемичари. Тоа беше брилијантен деловен модел. Случајот со „ИП“ покрена многу прашања.  Како може една илегална компанија да го води бизнисот од Германија и тоа со децении? Лотар Х. регистрирал компанија за увоз – извоз. Зошто никој не забележал што навистина се случува во Нида-Валернхаусен?Дилерите си ја бркаа работата со огромна доза на дрскост. Дури и дадоа анонимно интервју за еден магазин за билдери од Флорида, каде што ги величаа инјекциите на „ИП“, тврдејќи дека тие се особено благопријатни, дека корисниците „практично не чувствуваат никаква болка“ и дека „маслото нежно минува низ иглата“.Двајцата партнери очигледно не биле загрижени дека ќе бидат фатени. „Власта во Европа главно не е заинтересирана за анаболичните стероиди“, рекоа тие во интервјуто.И токму, така, провалата на „ИП“ беше чиста случајност. Власта се сомневаше во Лотар Х. уште од 2006 година, кога во еден претрес беше пронајдена сомнителна кореспонденција и чудни рецепти. Лотар Х. се спаси само со наредба да плати 55.000 евра за заостанати даноци. „СЕ СЛУЧИ“Но, истражителите не се откажаа од истрагата. Во декември 2007 година, власта во една испостава за подигање пакети во северна Германија открија пакет со ампули од лек за подобрување на перформансите, кој потекнуваше од Пакистан. Еден од отпечатоците на Лотар Х. бил пронајден на самолепливата лента. Кога неговото име во 2009 година се појави и во врска со судски процес во Келн, беше покрената тајна истрага. Почнаа да ја надгледуваат електронската комуникација на Лотар, а агентите монтираа и камери во собата на еден хотел во Франкфурт. Видео го прикажа Лотар како прима пликоа, а за возврат дава пакети. Во текот на прислушувањето на неговите телефони, истрагата конечно ја откри адресата на магацинот во Нида-Валернхаусен, каде што, „случајно“ живее и Лотар Х. Цариниците го уапсија во неговиот дом, од каде што запленија и четири „мерцедеси“ и опрема вредна половина милион евра. Еден од членовите на неговото семејство се обидел да го предупреди Паул Р., партнерот од Австрија, кому му се јавил по телефон и кусо му рекол: „се случи“. Паул набрзина купил авионска карта за Дубаи, но австриската власт го уапси на пат кон аеродромот. НЕРВОЗНИ АТЛЕТИЧАРИСега започна ловот на клиентите кои порачувале од „ИП“. Во интервјуто од 2006 година, дилерите на „ИП“ зборуваа за посебно дизајнираниот лек, кој бил „многу популарен меѓу европските атлетичари“. „Им помогна на многу атлетичари за стероидите да ги земаат дури и на самиот ден на антидопинг тестот и никогаш не се откриени“, тврдеа тогаш тие. Покрај лековите за подобрување на перформансите, истражителите во магацинот пронајдоа и три мобилни телефони, актовка со писмени досиеја и ценовник, кои ги содржеа првите имиња на голем број клиенти. Тие, исто така, запленија 500.000 етикети и еден лаптоп компјутер. Истрагата е во полн замав и во Австрија. Како дел од огромната рација, со назив „Чекан“, откриени се неколку илегални лаборатории и уапсени повеќе лица осомничени за соработка со „ИП“.Една трага веќе ја доведе истрагата до спортовите со високи перформанси. Се чини дека постоела деловна врска помеѓу некого од „ИП“ и познат австриски спортски менаџер. При испрашувањето, истражителите дознале дека менаџерот поседува листа со имиња на многу меѓународни професионални атлетичари, кои од него порачувале лекови за подобрување на перформансите. Листата не е пронајдена при првичниот претрес. Агентите се сомневаат дека документот бил уништен. Но, сепак се уверени дека ќе успеат да ја реконструираат листата.



©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Анализи

Силјановска vs Пендаровски: Кој добива, а кој губи во битката на социјалните мрежи и медиумите?

Објавено пред

Претседателските кандидати Стево Пендаровски и Гордана Силјановска-Давкова најмногу се спомнуваат во медиумите, а најмалку се популарни меѓу твитерџиите. Во негативен контекст почесто е споменувана Силјановска на социјалните мрежи „Феjсбук“ и „Твитер“, но и во медиумите.

dobivaj vesti na viber

Ова го покажа првата сентимент-анализа на истражувачкиот центар на „Макфакс“, која се изработуваше во периодот од 1 до 9 април годинава. Процесот на изработка на анализата е базиран на компјутерски алгоритми и има задача да одреди во каков контекст (многу негативен, негативен, неутрален, позитивен или многу позитивен) е напишан одреден текст или дел од текстот.

Преку системот беа анализирани 220 медиуми, како и објавите и коментарите на над еден милион корисници на „Фејсбук“ и твитовите од 300 илјади профили. Тестирањата на платформата покажaа дека користените технологии даваат резултат со точност поголема од 80 проценти.

Според анализата, имињата на Силјановска-Давкова и на Пендаровски почесто се споменуваат во медиумите отколку на социјалните мрежи „Твитер“ и „Фејсбук“. Во првите девет дена од месецот тие биле споменати вкупно 3.515 пати. На „Фејсбук“ биле споменати речиси двојно помалку, а најмалку биле споменувани на „Твитер“.

Силјановска, според оваа анализа, најмногу била спомената на веб-порталите „Република“, „Курир“, „Инфомакс“ и на „Прес 24“, а Пендаровски на „Прес 24“, „Макпрес“, „24 инфо“ и на „Вечер“. Од инфографикот може да се види комплетната слика за тоа во кој медиум биле најмногу застапени двајцата претседателски кандидати.

Во однос на контекстот на споменување во медиумите може да се заклучи дека постои тесна разлика меѓу Силјановска и Пендаровски, иако кандидатката зад која стои опозициската ВМРО-ДПМНЕ предничи со негативните коментари.

Па, така, во многу негативен контекст Силјановска била спомената 201 пат, а Пендаровски 136 пати. Ако таа била спомната 914 пати во негативен контекст, Пендаровски во истиот контекст бил спомнат 778 пати. Тој предничи и во однос на неутралните спомнувања во медиумите, а Силјановска предничи во однос на позитивните споменувања. Тесна е разликата меѓу многу позитивните конотации, во кои биле ставени двајцата претседателски кандидати на кои се однесува анализата, во која за 8 споменувања предност има Пендаровски.

Според податоците од аналитичкиот центар на „Макфакс“, претседателскиот кандидат Пендаровски е попопуларен од Силјановска во однос на бројот на споменувања. Во многу позитивен или позитивен контекст меѓу твитерџиите тој е споменат 231 пат, а Силјановска 201. Во однос на тоа дали кандидатите се споменати во негативен или многу негативен контекст за нијанса води Силјановска, која е спомената 401 пат, а Пендаровски 389.

Слична ситуација може да се види и на „Фејсбук“, каде што Пендаровски има предност во однос на бројот на споменувања. Ако Силјановска била спомената 481 пат во многу негативен или во негативен контекст, Пендаровски е споменат 429 пати. Кај претседателскиот кандидат зад кој стои СДСМ поголем е бројот на позитивни или многу позитивни споменувања на социјалната мрежа „Фејсбук“.

Според сето ова, Силјановска има поголема вредност на вкупниот сентимент во негативен контекст на социјалните мрежи и во медиумите од Пендаровски. Важно е да се потенцира дека не станува збор за анкета што ги мери гласовите за кандидатите, туку за начинот на кој тие се прикажани и коментирани во интернет-просторот. Истражувачкиот центар на „Макфакс“ на почетокот на кампањата за претседателските кандидати спроведе анкета.

Целосната методологија за начинот на изработката на сентимент-анализите на истражувачкиот центар на „Макфакс“ е достапна на следниот линк.

Прикажи повеќе...

Анализи

СЈО со детали: Како Камчев и Мијалков ги переле парите градејќи империја

Објавено пред

Злосторничко здружение, кое функционирало повеќе од 8 години, од 2009 година, кога биле отворани и затворани фирми, перени милиони и милиони евра, биле менувани сопственици, бил купуван огромен имот, отворани фирми на офшор-дестинации за еднократна употреба, префрлувани пари преку кипарски банки, а потоа овие испрани пари влегуваат како основачки влогови за да формираат македонски фирми.

dobivaj vesti na viber

Вака накусо може да се опише случајот „Империја“ на специјалното јавно обвинителство (СЈО), каде што, меѓу другите, осомничени се едни од највлијателните луѓе во земјата, бизнисменот Орце Камчев и поранешниот директор на УБК, Сашо Мијалков.

Три месеци по почнувањето на истрагата, обвинителството излезе со детали за еден од најобемните предмети за кој засега е утврдено дека се испрани речиси 11 милиони евра.

Истрагата е проширена за „Графички центар“ и за „Медија принт Македонија“ (МПМ), извршени се претреси во фирмите, осомничените се испрашани и собрани се докази.

Соработката меѓу Македонија и Кипар е воспоставена, па сега, конечно, на виделина излегуваат и имињата на оние што се криеле зад офшор-фирмите преку кои се переле пари.

Од крајот на јуни до крајот на октомври 2018 година некои од осомничените од „Империја“ биле под посебни истражни мерки.

„Мијалков не беше под посебни истражни мерки, Камчев многу внимателно зборуваше по телефон, но не и другите осомничени“, велат од СЈО.

Без разлика како ќе се одвива понатаму истрагата за „Империја“, со оглед на тоа што статусот и истрагите на СЈО сè уште се неизвесни, оттаму велат дека собрани се речиси 90 отсто од доказите за случајот да може да продолжи понатаму.

Злосторничкото здружение се распаѓа кон крајот на 2017 и почетокот на 2018 година кога осомничените почнуваат да земаат кредити за да се раздолжат, но тоа не значи дека тука завршуваат и нивните поединечни активности.

Под лупа на СЈО е и фирмата поврзана со семејството Мијалкови, „Бест веј инвестмент“, формирана веднаш по обеледонувањето на таканаречените бомби во 2015 година, чиј сопственик е синот на Сашо Мијалков, Јордан. СЈО истражува како се ширел бизнисот и како оваа фирма успева да заработи огромни суми и да стекне голем имот само за три години работа. „Бест веј инвестмент“, ако во 2016 година имала приходи од 816 илјади евра, во 2017 година веќе приходите ѝ растат на 9,6 милиони евра, што само покажува дека независно кој е на власт, бизнисите на Мијалков работат со полна пареа.

Краен сопственик на мистериозната „Ексико“ бил Камчев

Натписот на поштенското сандаче на улицата Иван Милутиновиќ во Скопје сведочи за постоењето на „Ексико“, чие сопствеништво е скриено

Центарот на истрагата за „Империја“ се познатата офшор-фирма „Ексико“ и бизнисменот Орце Камчев.

Истрагата утврдила дека зад првата фирма-мајка на „Ексико“, „Делта инвестмент“ од Белизе, всушност се крие таткото на Орце Камчев, Илија. Од оваа фирма, која поседуваше акции во големи акционерски друштва, а се јавуваше и како еден од сопствениците на атрактивните плацови на Водно, досега сите креваа раце и демантираа дека стојат зад неа.

Истрагата на СЈО утврдила дека по Илија Камчев, набргу како краен сопственик фигурирал и поранешниот директор на македонски „Телеком“, Жарко Луковски, а кога сопствеништвото на фирмата се сели во Америка, односно сопственик станува извесна „Калвус ЛЛЦ“ (Calvus LLC) од САД, крајниот сопственик е всушност Орце Камчев.

Од оваа американска фирма кон „Ексико“ се влеваат 1,6 милион евра како прилив, а дел од овие пари завршува на личната сметка на Камчев, додека со дел се купувани имот и земјиште во Гевгелија, на кое понатаму е предвидено да се градат казина.

Подоцна, а и до ден-денеска, сопственик на „Ексико“ е фирмата со швајцарски капитал „Т&МЈ инвестмент“ од Лугано, Швајцарија, фирма зад која оперативните сознанија покажале дека краен сопственик е член на семејството Мијалкови. Од швајцарската фирма кон македонската „Ексико“ немало никаков прилив или одлив на пари.

„Ексико“ не е единствената фирма преку која функционирало ова злосторничко здружение. Колку за пример, во истатата 2009 година офшор-компанијата „Хоспитал менаџмент груп ЛЛЦ’ од Кипар ја основа клиничката болница „Систина“. Понатаму, оваа компанија го продава имотот на друга офшор-компанија од Панама. „Орка холдинг“ го купува уделот од панамската, па повторно ѝ го продава на „Систина“, со што фактички Камчев внесува удел од „Хоспитал менаџмент“ од Кипар во Македонија.

Сомнежи за перење пари преку кипарски банки

Преку кипарски банки парите влегуваат во земјата

Значаен дел од истрагата на СЈО за „Империја“ има и фирмата „Финзи“ – истата фирма за која во таканаречените бомби можеше да се слушне дека одела набавката за опрема за следење интернет-комуникации за МВР. Министерството, додека на чело на УБК беше Мијалков, наместо директно да ја набави изреалската опрема за прислушување, тоа го правела преку „Финзи“. Во текот на истрагата за случајот самоубиство изврши директорот на „Финзи“, Коста Крпач, во април 2016 година.

Сега истрагата за „Империја“ повторно допира до „Финзи“, фирма основана од „Финзи ЛЛЦ“ во САД. Краен сопственик на оваа компанија, според СЈО, повторно е Орце Камчев.

Во неколку наврати од „Финзи ЛЛЦ“ преку кипарска банка кон македонската „Финзи“ биле исплатувани 650.000 евра. Во тоа време, односно во 2009 година, директор на „Финзи“ во Македонија е Владислав Стајковиќ, брат на Небојша Стајковиќ, поранешен помошник-министер за информатичка технологија во МВР.

Овие пари понатаму влегуваат како основачки влог во „Систина кардиологија“, фирма што подоцна е преименувана во „Си-Фи-Кар“ („Систина“, „Финзи“, “Кара“). Во 2012 година, според СЈО, кога парите веќе се испрани, американската мајка-фирма се затвора и се отвора нова фирма, во која Крпач влегува како директор, а на истата сметка легнуваат парите од израелската донација за опрема за прислушување.

„Не купуваат компании за да работат со нив, туку за да извлечат што можат“

Орце Камчев и Сашо Мијалков, клучните играчи во „Империја“

Многу компании, офшор, стотици папки со документи и изјави од сведоци содржи еден од најобемните предмети на СЈО – „Империја“. Од она што беше претставено пред новинарските екипи, неизбежен е заклучокот дека од досегашната истрага и собраните докази станува збор за класични примери за сомнежи за перење пари пред кои надлежните институции со години молчеле или се откажувале од гонење поради немање докази.

Дел од истрагата е отстапен и на купувањето на „Бетон Штип“ од страна на ТИМ ДОО, „Орка холдинг“, „Езимит“ ДООЕЛ и „Ексико“.

„Кога тие купуваат компанија, не ја купуваат за да ја работат, туку да извлечат што може од имотот на компанијата“, велат од СЈО.

Па, така, и овој пат сознанијата говорат дека од „Бетон Штип“ се извлечени 4 милиони евра, односно газдите ги тераат акционерите со парите да купуваат имот, а понатаму како што се извлекуваат парите, така се инвестираат во други зделки за што патем говорат и последните информации дека речиси 250 работници веќе ги напуштаат работните места од „Бетон Штип“ и истовремено преку суд си ги бараат неисплатените плати за последните четири месеци.

Дел од истрагата го опфаќа и „Фершпед“, односно од моментот кога Кираца Трајковска, која беше еден од мнозинските акционери во “Фершпед“, поради долг во Еуростандард банка, преку посредник побарала кредит од Стопанска банка АД Битола. Камчев, кој е дел од Управниот одбор на банката, наместо кредит, според СЈО, на Трајковска ѝ понудил преку физички лица да ѝ бидат префрлени парите по што биле ослободени нејзините акции од „Фершпед“.

За да им ги продаде акциите на странски инвеститори, таа го ангажирала брокерот Јованче Тасковски. Но, за нејзината намера дознал Штерјо Наков, кој побарал помош од Мијалков, со цел тој да ги купи акциите. Мијалков се договора со Камчев да ја изиграат, па без нејзино знаење, според СЈО, Ненад Јосифовиќ ги продава акциите на физички и правни лица поврзани со Наков за 4 милиони евра повисока цена од реалната. Парите од зделката завршуваат во фирма чии сопственици се „Ексико“, „Орка холдинг“ и „Тимох“.

Во делот од истрагата за „Империја“ влегуваат и стари случаи, кои претходно во обвинителствата завршувале со откажување од гонење поради немање доволно докази. Таков пример е истрагата за „пропаѓањето“ на „Орка спорт“, „Орка текстил“ и други фирми во сопственост на сега покојниот Илија Камчев. Данокот се избегнувал да се плаќа преку лажни стечаи, обезвреднување на имотот и формирање офшор-компании, а потоа парите „чисти“ биле внесувани во земјата, односно целиот имот бил пренесуван на новоформирани компании.

На овој начин, впрочем, и се градела целата империја – преку лојални соработници, изигрување на законитe и формирање компании за еднократна употреба.

Како ќе заврши истрагата и дали случајот ќе добие епилог останува неизвесно. Засега Орце Камчев и Сашо Мијалков се во домашен притвор, а конечниот збор ќе го каже Врховниот суд.

Освен Камчев и Мијалков, осомничени во случајот „Империја“ се и Ратка Куноска-Камчева, мајка на Камчев и неизвршен член на Одборот на директори на „Орка ходинг“, Кристина Камчева-Стојческа, сестра на Камчев и неизвршен член на Одборот на директори на „Жито полог Тетово“, Лилјана Гајдоска, правник во фирмите на Камчев, неизвршен член на Одборот на директори на ЗК „Пелагонија“, Тодор Мирчевски, директор на „Ексико“, Владислав Стајковиќ, сопственик на НВСП, доскорешен директор на „Мобико“ и поранешен директор на „Финзи“, Ванче Мијалчев, извршен директор на „Бетон Штип“, Јованче Тасковски, брокер, и Дејан Јанев од „О.Т.Е. инвест“.

Прикажи повеќе...

Анализи

Политиката го подели СЈО на табори

Објавено пред

„Чарлиевите ангели“ ги нема. Катица Јанева, Ленче Ристоска и Фатиме Фетаи речиси една година не се појавуваат на заеднички прес-конференции. Во јавноста и на социјалните мрежи сè погласни се критиките за работата на специјалното јавно обвинителство и ослабената доверба во оваа институција.

dobivaj vesti na viber

Три и пол години по формирањето, целосен судски епилог има само за два случаја а сè погласни се шпекулациите дека во СЈО владее поделеност на обвинителите на табори, кои меѓусебно не се согласуваат за дејствувањето на ова обвинителство, па тие разлики во мислењата лесно се забележливи и во јавноста.

Трите жени, кои беа симбол за СЈО, ретко може се видат заедно во јавноста, а речиси една година Ленче Ристоска и Фатиме Фетаи не даваат заеднички изјави. Според нашите извори, со слични ставови на една страна биле обвинителките Катица Јанева и Лиле Стефанова, а на друга Ленче Ристоска и Фатиме Фетаи.

Од друга страна, сè поприсутна во јавноста е главната специјална обвинителка Катица Јанева, која, според најавите, во вторник ќе се појави на „1ТВ“, каде што заедно со обвинителите Лиле Стефанова и Трајче Пеливанов треба да одговараат и на прашања од гледачите. Токму во фирмата сопственик на „1ТВ“, „БМЈ медиа груп“, работи синот на Јанева, младиот гевгеличанец Лазар Јанев, за кого веќе беше објавено дека пред вработените бил претставен како директор на правна служба. Пред точно два месеца Јанева беше гостинка на „1ТВ“ и се фотографира со сопственикот на телевизијата, Бојан Јовановски, со назнака дека станува збор за работен состанок.

Во СЈО во последната година во целост се смени практиката на комуникација со јавноста. Последната прес-конференција СЈО ја одржа на 21 март минатата година.

Повеќе нема брифинзи со новинари, а на обвинителките Ристоска и Фетаи не им е дозволено да даваат интервјуа и изјави. Целосна затвореност владее и во однос на истрагите. Случајот „Империја“, во кој, меѓу другите, се осомничени и бизнисменот Јордан Камчев и ексдиректорот на УБК, Сашо Мијалков, беше отворен пред повеќе од 2 месеца, а од СЈО нема дополнителни информации, освен дека истрагата е сложена.

Сите обиди на „Макфакс“ да обезбедат брифинг за случајот беа залудни. Новинарите меѓу себе коментираат дека ова обвинителство, кое наметна транспарентно работење, последнава година се затворило, иако обвинителите поминале серија обуки за комуникација со јавноста. Тоа остава простор за шпекулации во постапувањето по предметите на обвинителството. Од друга страна, во редовното Обвинителство се спроведува тренинг за односи со јавноста на обвинителите.

Според нашите информации, во специјалното јавно обвинителство меѓу некои од вработените владее незадоволство од начинот на работа, особено по последните политички случувања, амнестии и повици за помирување, кои во голем дел влијаат и врз актуелните предмети што се во судска постапка, но и на оние што се во истрага и предистрага, а во кои, меѓу другите, се вклучени и Сашо Мијалков, Елизабета Канческа-Милевска, Али Ахмети, Бујар Османи.

Ексминистерката за култура, КанческаМилевска, е инволвирана во предистрагата за предметот „Скопје 2014“, кој е еден од најобемните предмети на СЈО, за Мијалков се водат повеќе судски постапки, а предметот за агенцијата за обезбедување СГС е во предистрага.

Во процесот на помирувањето наголемо се споменуваа и измените во Кривичниот законик, односно член 353, став 5, кој ја регулира злоупотребата на службената положба преку јавните набавки. Доколку дојде до промена на овој член, како што беше најавувано, помали казни или ослободување од одговорност ќе добијат голем број обвинети во случаите на СЈО, меѓу кои и Мијалков.

Уставниот суд сè уште не расправал по иницијативата на адвокатот Еленко Миланов, кој бара судиите да се произнесат за овој член од Кривичниот законик.

Сите овие политички инволвирања, кои допираат и до СЈО, според нашите извори, довеле до голем раздор во работата на институцијата, која има годишен буџет од 3,7 милиони евра. Некои од обвинителите се разочарани од фактот што нивните предмети и нивната работа зависат исклучително од тековната политичка ситуација, па токму затоа во последниот период и не се работи на нови предистраги бидејќи се чека исходот од тоа што ќе се случува со институцијата и дали евентуално одредени функционери од претходната, но и од актуелната власт, ќе избегнат одговорност.

Прикажи повеќе...

Најново

Топ3 часа

Исчезнаа седум Непалци кои работеле во скопски фирми

Седум лица од Непал исчезнаа во текот на вчерашниот ден. Според информациите, тие работеле во две скопски фирми, а им...

Македонија6 часа

Вонреден наздор во битолската болница и детската клиника по смртта на бебето

Заменичката-министерка за здравство, Маја Манолева испратила наредба до Државниот санитарен и здравствен инспекторат (ДСЗИ) веднаш да спроведе вонреден инспекциски надзор...

Економија11 часа

Бислимоски: Во однос на регионот, Македонија е една од земјите со највисоки загуби на вода

Претседателот на РКЕ, Марко Бислимоски кажа дека загубите на вода во Македонија се некаде околу 62 проценти на ниво на...

Топ12 часа

Тешка сообраќајна несреќа на патот Куманово – Липково, загина 19-годишник

Вчера во 17.20 часот во СВР Куманово било пријавено дека на регионалниот пат Куманово – Липково, во село Оризаре, липковско,...

Македонија13 часа

Прегазена мечка на патниот правец Гостивар – Охрид

Регионалниот ЦУК Тетово известува, дека на Единствениот повикувачки број за итни случаи 112 во ЦУК е добиена пријава за сообраќајна...

Македонија14 часа

Петмина осомничени за насилството во дворот на Клиничкиот центар: со клоци и тупаници, со метални шипки, дрвени палки претепале едно лице

Основното јавно обвинителство Скопје донесе наредба за спроведување истражна постапка против пет лица, кои се осомничени дека заедно сториле кривично...

Регион14 часа

Три земјотреси за неколку минути го погодија Крит

Три земјотреси со јачина од 3, 3,4 и 3 степени според Рихтеровата скала се случија во раните утрински часови во...

Европа15 часа

(Видео) Руски нуклеарни подморници лансираа проектили, целта била оддалечена 170 километри

Подморници на руската северна флота со нуклеарен погон лансираа крстосувачки ракети кон морските цели како дел од вежбите во Баренцовото...

Свет15 часа

Путин го нападна Западот во разговорот со Ким, лидерот на Северна Кореја порача: Ова е историски момент

Рускиот претседател Владимир Путин пристигна синоќа во својата прва посета на Северна Кореја по 24 години, ветувајќи дека ќе ги...

Европа16 часа

Американски војник осуден во Русија на речиси четири години затвор

Руски суд осуди американски војник на три години и девет месеци затвор под обвинение за кражба и закана со убиство,...

Свет17 часа

Шефот на НАТО за посетата на Путин на Северна Кореја: Загрижени сме

НАТО е загрижен за поддршката што Русија би можела да ја даде на севернокорејската ракетна и нуклеарна програма, изјави шефот...

Македонија1 ден

Топлотен бран во Македонија: Бремените и лицата над 60 години да се ослободат од работа, децата да не излегуваат на отворено до 17 часот

Владата на барање на Министерството за здравство, одржа вонредна седница, поради најавите за топлотен бран во државата и донесе соодветни...

Топ1 ден

Залутан куршум заврши во грбот на скопјанец додека возел велосипед низ Чаир

Додека 35-годишниот А.Ф. од Скопје се возел со својот велосипед во Чаир, почувствувал болка во грбот. Бил пренесен во болница,...

Македонија1 ден

(Видео) Спасовски: Каде што има големи ветувањата, одете со мала торба, предлогот за влада е без план во економијата и стратешките цели

Од она што денеска беше соопштено во јавноста при поднесувањето на предлогот за работа и состав на новата влада јасно...

Македонија1 ден

(Видео) Мицкоски: До Собранието поднесени програмата и составот на новата влада, очекувам на дневен ред да бидат ставени викендов

„Штотуку во архивата на македонското Собрание ја поднесов предлог-програмата за работа на идната влада предводена од ВМРО-ДПМНЕ како мандатар, а...

Македонија1 ден

„Тарифата на нотарите енормно зголемена – партиите на власт со нов удар по џебот на граѓаните“, велат од партијата Левица

„Министерот за правда во заминување, Кренар Лога, неколку дена пред напуштање на функцијата, која ја извршуваше катастрофално и со секојдневни...

Македонија1 ден

Од четврток активно портокалово ниво за опасност од високи температури во Македонија

Од утре до недела нашето подрачје ќе биде под влијание на стабилна и многу топла воздушна маса од југ, која...

Македонија2 дена

Колку ги чинеше граѓаните театарот за фабриката за електроавтомобили, прашуваат од партијата Левица

„Компанијата за производство на електрични возила од Ахен, Next.E.Go, банкротира и, дефинитивно, оди во стечај. Next.E.Go, или кај нас познати...

Топ2 дена

Познат идентитетот на двете лица што загинаа на Галичица, паднале во бездна длабока 200 метри

Вчера околу 13.00 часот во провалија покрај патот Охрид – Отешево, полициски службеници од Полициската станица Ресен со помош од...

Свет2 дена

Столтенберг: Ако не престане да ја поддржува Русија, Кина треба да ги сноси последиците

Генералниот секретар на НАТО Јенс Столтенберг денеска за Би-Би-Си изјави дека Кина, доколку не го промени своето однесување, треба да...