Контакт

Анализи

Вејн Медсен: Зад аферата ’Пуч’ стои најсилната тајна служба на светот?!

Објавено пред

Станува збор за активност позната како класичен дезинформациски маневар да се инсинуира голем скандал за владата на премиерот Никола Груевски, зад која може да стои најсилната тајна служба на светот а Заев притоа да дејствува како „бомбаш самоубиец“ на СДСМ, изјави во врска со актуелната афера со масивното прислушување на македонски политичари од власти и од опозицијата што ја обелодени челникот на опозицијата кој за тоа ја обвини власта, во ексклузивното интервју за Програмата „Гласот на народот со Слободан Томиќ, Вејн Медсен, американски истражувачки новинар кој ја истражува работата на американската Национална агенција за безбедност (NSA), чиј соработник бил.

dobivaj vesti na viber

Медсен притоа додава дека „Ова е директно од книгата за упатства на CIA и во моментов се спроведува против аргентинска претседателка Киршнер, челничката на Бразил Дилма Русеф и на чилеанската Мишел Башеле, и сите тие се соочуваат со псевдоскандали подготвени од CIA и од медиумите што таа ги контролира и преку нив оперира“. „Во Македонија, медиумите што се под влијание на Сорос и Радио Слободна Европа се дел од оваа операција“, истакна Медсен.

Поранешниот американски разузнувач во интревјуто за „Гласот на народот“ направи оцена и на американските реакции, за тоа кои и како би биле вмешани евентуалните странски служби кои се споменуваат од самиот почетока на аферата „Пуч.“

„Тие се истите американски сили кои стојат зад изборот на хрватската претседателка Колинда Грабар-Китаровиќ, која ја нарекуваат ’Кралицата на НАТО’, зад уличните прорсти против премиерот Виктор Орбан во Унгарија, и зад дружината Порошенко – Јацењук во Киев. Тоа се Нуланд, Томас Мелија, заменик-асистентот државен секретар во Фондот за демократија, човекови права и труд кој дојде на оваа функција од Фридом Хаус, неоконзервативниот изум со база во Њујорк, Саманта Пауер и Сузан Рајс, кои стојат зад создавањето проблеми од CIA, и во Македонија и на други места во Европа и Евроазија. Директорот на CIA, Џон Бренан, пушти тајни оперативци на многу долг ремен“, вели Медсен.

Поранешниот американски разучнувач ги коментираше и неодамнешните избори во Грција, на коишто победи радикалната левица Сириза која направи коалиција со крајната десница Независни Грци. „Новиот министер за надворешни работи на Грција е поранешен просоветски комунист кој го поддржуваше генералот Војчех Јарузелски против Лех Валенса во Полска. Ова го иритираше челникот на ЕУ, Доналд Таск, таканаречен нео-војник од периодот на Студената војна од полското движење Солидарност финансирано од CIA. Иако грчкиот министер за финансии Јанис Варуфакис си игра ’валцер’ со европските банкари, односите меѓу Грција и структурите на ЕУ се на многу ниско ниво. Се надевам, дека грчката влада нема да биде водена од нејзините ксенофобични коалициони партнери, партијата Независни Грци, и ќе го запаметат денот кога имаше солидарност меѓу вистинските грчки социјалисти и социјалистичка Југославија, и дека ќе постигнат договор за името на Македонија, како и дека ќе го остават на страна грчкиот национализам во полза на анти-банкарската солидарност“, вели.

Медсен не го изостави од својот видокруг и телефонскиот разговор меѓу премиерите Груевски и Ципрас, и вели „Секој кој ќе биде означен како пријател на Путин ќе биде нападнат од ’кучиња на војната’ – Сорос/ЦИА/НАТО. Ништо поразлично не е и за Груевски. Со исклучок на Грција, Македонија е опкружена од про ЕУ/НАТО земји, вклучувајќи ја неверојатно и српската влада. Има смисла Груевски да направи конкордат со Ципрас и неговите министри од Сириза“, истакнува Американецот.

Запрашан од водителот за тоа кој би бил неговиот совет за македеонскиот народ „кој бара мир, економски развој, сувернитет, право да го избере името на земјата и крај на вештачки наметнатата изолација“, Медсен со одговор дека „Советот би бил – да не прифаќа ’спогодби’ со Нуланд и нејзините ’ционистички кланови’. Тие носат само неволја каде и да одат како што сведочи и Украина. Македонија треба да се спогодува директно со Грција без надворешни ’медијации’ од Вашингтон, Брисел или Берлин.

„Американската ’Кралица на погачата’ Викторија Нуланд, помошник државен секретар за европски и евроазиски работи, беше во центарот на обидот за државен удар ’обоена револуција’ против владата на македонскиот премиер Никола Груевски. Нуланд и нејината ’погача’ како потпис понудени на протестантите на киевскиот плоштад Мејдан кои на крајот ја отфрлија украинската влада на претседателот Виктор Јанукович се сведок на длабоката вмешаност на Америка во неуставните владини промени во источна и централна Европа. За да се одржи во чекор со моделот на ’обоените револуции’ на Џорџ Сорос/Џин Шарп, украинскиот пуч може да се нарече ’револуција погача’“, вели натаму соговорникот.

Тој вели дека „во Македонија, Нуланд и нејзините заговорници имаат направено многу одвратен вид на обид за државен удар, таков кој врз сегашната влада е спроведен сп прислушување на видовите комуникација на кои американската NSA ја изложува Македонија и остатокот од Европа на дневна основа“.

„Овојпат, Нуланд е во соработка со дел од македонското разузнавање во заговор со лидерот на опозицијата, Зоран Заев од поддржаната од Сорос – СДСМ, и неговата заменичка Радмила Шеќеринска, да предизвикаат ткн ’обоена револуција’ против владата на десноцентрираната ВМРО-ДПМНЕ на Груевски. Груевски, за разлика од многу американски инсталирани и инфлуенцирани влади во регионот, не беше подготвен да воведе санкции против Русија поради Украина. Тоа гледиште го предизвика за владата во Скопје непријателството на администрацијата на Обама и најзабележително на Нуланд, чиј сопруг Роберт Кејган ги води неоконзервативните воено настроени јастреби кои помагаат да се направат воените линии на сенаторите како Џон МекКејн и Линдзи Грахам“, оценува Медсен.

Како одговор на обвинувањето на Заев дека Груевски прислушкувал повеќе до 20 илјади македонски граѓани, вклучувајќи ги и телефонските повици меѓу Заев и неговата ќерка, Владата обвини дека Заев и неговите соработници, соработувале со странски разузнавачки служби, за соборување на владата на Груевски. На Заев му беше наредено да го предаде својот пасош поради можно бегство од земјата. Другите, покрај Заев, коишто беа обвинети за соработување со странска разузнавачка служба за соборување на владата се Соња Верушевска и Бранко Палифров, и поранешниот директор на Управата за безбедност и контраразузнавање (ДБК), Зоран Верушевски. Груевски го обвини Заев дека се заканил деча ќе објави чувствителни информации за неговата влада кои на СДСМ му ги дала наводно странска разузнавачка служба, во македонската јавности и медиуми препознатливи како „бомби“, доколку не биде формирана ткн техничка влада која ќе ги организира предвремени парламентарни избори, но дотогаш и ќе ја води земјата. Премиерот Груевски го нарече потегот на Заев „притисок со уцена“.

„Вулгарната Нуланд на маргините од Минхенската безбедносна конференција се сретна со македонскиот министер за надворешни работи Никола Попоски и претседателот Ѓорге Иванов за да го изрази своето незадоволство околу обвинувањата на Груевски против нејзиниот ’пријател’ Заев и неговите заговорници од СДСМ. Претходно Нуланд се понуди да биде медијатор на долгата расправа меѓу Грција и Македонија за употребата на името Македонија, кое некои Грци го сметаат за грчки ексклузивитет. Македонските набљудувачи ги видоа интересот на Нуланд околу расправата за името како стапица што ќе и’ овозможи на проамериканската влада, заедно со ционистичките и глобалните банкарски багажи што доаѓаат од таквите ’обоени’ државни удари, да ја зграпчат власта во Скопје, слично на тоа што се случи во Киев во почетокот на 2014 година“, вели Медсен.

Потсети притоа дека македонската полиција, во рацијата спроведена во Скопје и во Велес, заплени пет преносни компјутери, три статични компјутера, 19 мобилни телефони, 100 ЦД-еа и ДВД, 17 хард-диска и дури девет штедни книшки на припадници на чувствителните сектори во безбедносните органи.

„Употребата на социјалните медиуми од заговорниците на државниот удар не треба да нé изненади. Социјалните медиуми беа во самата суштина на ткн обоени револуции спонзорирани од CIA и Сорос, и тоа двапати во Украина (Портокаловата револуција и Евро-Мејдан востанието), Револуцијата на јасмините (Тунис), Лотосовата револуција (Египет), Розовата револуција (Грузија), Револуцијата на лалињата (Киргистан) и Зелената револуција (Иран). Во случајот на Македонија, постојат јасни индикации дека заменикот помошник државен секретар на Бирото за демократија, човекови права и труд (ДРЛ) Томас Мелија, одговорен за работата на ова биро во Европа, вклучувајќи ги и Русија и Средниот исток и северна Африка, заговарале директно со Заев за да направат државен удар против владата на Груевски“, смета Медсен.

За Мелија, соговорникот истакнува дека е поранешен директор на Фридом Хаус, којашто ја смета за неоконзервативна група од периодот на Студената војна на американските военствени јастреби со седиште во Њујорк. „И покрај тоа што е формирана во 1941 година од такви прогресивци како што се Еленор Рузвелт, Ралф Банч, новинарката Дороти Томсон, новелистот Рекс Стут, и републиканскиот претседатески кандидат Вендел Вилки ,к ој ќе биде сметан од денешниве републиканци на САД како дијаметрално спротивно насочен либерал, Фридом Хаус стана неоконзервативен озборувачки извор што како членови на одборот во последните години има вработено јастреби како Пол Волфовиц, Кен Аделмен, Збигњев Бжежински, Доналд Рамсфелд и Ото Рајх. Фридом Хаус беше фатена на дело како ги канализира парите на CIA до опозициски групи во Иран, Судан, Русија и Кина. Во основа, Фридом Хаус, како и невладините на Сорос, служат како спроведувач на поддршката на CIA за бунтовничките опозициски сили во 12-ина земји во светот, земји во кои сега е вклучена Македонија, како и Унгарија, Венецуела, Сирија, Египет, Србија, Јордан, Мексико и Куба“, рече во разговорот за Програмата „Гласот на народот“ на ТВ Сонце, Вејн Медсен, американски аналитичар и поранешен разузнавач./крај/мф/ст

Извор: Макфакс

Анализи

Силјановска vs Пендаровски: Кој добива, а кој губи во битката на социјалните мрежи и медиумите?

Објавено пред

Претседателските кандидати Стево Пендаровски и Гордана Силјановска-Давкова најмногу се спомнуваат во медиумите, а најмалку се популарни меѓу твитерџиите. Во негативен контекст почесто е споменувана Силјановска на социјалните мрежи „Феjсбук“ и „Твитер“, но и во медиумите.

dobivaj vesti na viber

Ова го покажа првата сентимент-анализа на истражувачкиот центар на „Макфакс“, која се изработуваше во периодот од 1 до 9 април годинава. Процесот на изработка на анализата е базиран на компјутерски алгоритми и има задача да одреди во каков контекст (многу негативен, негативен, неутрален, позитивен или многу позитивен) е напишан одреден текст или дел од текстот.

Преку системот беа анализирани 220 медиуми, како и објавите и коментарите на над еден милион корисници на „Фејсбук“ и твитовите од 300 илјади профили. Тестирањата на платформата покажaа дека користените технологии даваат резултат со точност поголема од 80 проценти.

Според анализата, имињата на Силјановска-Давкова и на Пендаровски почесто се споменуваат во медиумите отколку на социјалните мрежи „Твитер“ и „Фејсбук“. Во првите девет дена од месецот тие биле споменати вкупно 3.515 пати. На „Фејсбук“ биле споменати речиси двојно помалку, а најмалку биле споменувани на „Твитер“.

Силјановска, според оваа анализа, најмногу била спомената на веб-порталите „Република“, „Курир“, „Инфомакс“ и на „Прес 24“, а Пендаровски на „Прес 24“, „Макпрес“, „24 инфо“ и на „Вечер“. Од инфографикот може да се види комплетната слика за тоа во кој медиум биле најмногу застапени двајцата претседателски кандидати.

Во однос на контекстот на споменување во медиумите може да се заклучи дека постои тесна разлика меѓу Силјановска и Пендаровски, иако кандидатката зад која стои опозициската ВМРО-ДПМНЕ предничи со негативните коментари.

Па, така, во многу негативен контекст Силјановска била спомената 201 пат, а Пендаровски 136 пати. Ако таа била спомната 914 пати во негативен контекст, Пендаровски во истиот контекст бил спомнат 778 пати. Тој предничи и во однос на неутралните спомнувања во медиумите, а Силјановска предничи во однос на позитивните споменувања. Тесна е разликата меѓу многу позитивните конотации, во кои биле ставени двајцата претседателски кандидати на кои се однесува анализата, во која за 8 споменувања предност има Пендаровски.

Според податоците од аналитичкиот центар на „Макфакс“, претседателскиот кандидат Пендаровски е попопуларен од Силјановска во однос на бројот на споменувања. Во многу позитивен или позитивен контекст меѓу твитерџиите тој е споменат 231 пат, а Силјановска 201. Во однос на тоа дали кандидатите се споменати во негативен или многу негативен контекст за нијанса води Силјановска, која е спомената 401 пат, а Пендаровски 389.

Слична ситуација може да се види и на „Фејсбук“, каде што Пендаровски има предност во однос на бројот на споменувања. Ако Силјановска била спомената 481 пат во многу негативен или во негативен контекст, Пендаровски е споменат 429 пати. Кај претседателскиот кандидат зад кој стои СДСМ поголем е бројот на позитивни или многу позитивни споменувања на социјалната мрежа „Фејсбук“.

Според сето ова, Силјановска има поголема вредност на вкупниот сентимент во негативен контекст на социјалните мрежи и во медиумите од Пендаровски. Важно е да се потенцира дека не станува збор за анкета што ги мери гласовите за кандидатите, туку за начинот на кој тие се прикажани и коментирани во интернет-просторот. Истражувачкиот центар на „Макфакс“ на почетокот на кампањата за претседателските кандидати спроведе анкета.

Целосната методологија за начинот на изработката на сентимент-анализите на истражувачкиот центар на „Макфакс“ е достапна на следниот линк.

Прикажи повеќе...

Анализи

СЈО со детали: Како Камчев и Мијалков ги переле парите градејќи империја

Објавено пред

Злосторничко здружение, кое функционирало повеќе од 8 години, од 2009 година, кога биле отворани и затворани фирми, перени милиони и милиони евра, биле менувани сопственици, бил купуван огромен имот, отворани фирми на офшор-дестинации за еднократна употреба, префрлувани пари преку кипарски банки, а потоа овие испрани пари влегуваат како основачки влогови за да формираат македонски фирми.

dobivaj vesti na viber

Вака накусо може да се опише случајот „Империја“ на специјалното јавно обвинителство (СЈО), каде што, меѓу другите, осомничени се едни од највлијателните луѓе во земјата, бизнисменот Орце Камчев и поранешниот директор на УБК, Сашо Мијалков.

Три месеци по почнувањето на истрагата, обвинителството излезе со детали за еден од најобемните предмети за кој засега е утврдено дека се испрани речиси 11 милиони евра.

Истрагата е проширена за „Графички центар“ и за „Медија принт Македонија“ (МПМ), извршени се претреси во фирмите, осомничените се испрашани и собрани се докази.

Соработката меѓу Македонија и Кипар е воспоставена, па сега, конечно, на виделина излегуваат и имињата на оние што се криеле зад офшор-фирмите преку кои се переле пари.

Од крајот на јуни до крајот на октомври 2018 година некои од осомничените од „Империја“ биле под посебни истражни мерки.

„Мијалков не беше под посебни истражни мерки, Камчев многу внимателно зборуваше по телефон, но не и другите осомничени“, велат од СЈО.

Без разлика како ќе се одвива понатаму истрагата за „Империја“, со оглед на тоа што статусот и истрагите на СЈО сè уште се неизвесни, оттаму велат дека собрани се речиси 90 отсто од доказите за случајот да може да продолжи понатаму.

Злосторничкото здружение се распаѓа кон крајот на 2017 и почетокот на 2018 година кога осомничените почнуваат да земаат кредити за да се раздолжат, но тоа не значи дека тука завршуваат и нивните поединечни активности.

Под лупа на СЈО е и фирмата поврзана со семејството Мијалкови, „Бест веј инвестмент“, формирана веднаш по обеледонувањето на таканаречените бомби во 2015 година, чиј сопственик е синот на Сашо Мијалков, Јордан. СЈО истражува како се ширел бизнисот и како оваа фирма успева да заработи огромни суми и да стекне голем имот само за три години работа. „Бест веј инвестмент“, ако во 2016 година имала приходи од 816 илјади евра, во 2017 година веќе приходите ѝ растат на 9,6 милиони евра, што само покажува дека независно кој е на власт, бизнисите на Мијалков работат со полна пареа.

Краен сопственик на мистериозната „Ексико“ бил Камчев

Натписот на поштенското сандаче на улицата Иван Милутиновиќ во Скопје сведочи за постоењето на „Ексико“, чие сопствеништво е скриено

Центарот на истрагата за „Империја“ се познатата офшор-фирма „Ексико“ и бизнисменот Орце Камчев.

Истрагата утврдила дека зад првата фирма-мајка на „Ексико“, „Делта инвестмент“ од Белизе, всушност се крие таткото на Орце Камчев, Илија. Од оваа фирма, која поседуваше акции во големи акционерски друштва, а се јавуваше и како еден од сопствениците на атрактивните плацови на Водно, досега сите креваа раце и демантираа дека стојат зад неа.

Истрагата на СЈО утврдила дека по Илија Камчев, набргу како краен сопственик фигурирал и поранешниот директор на македонски „Телеком“, Жарко Луковски, а кога сопствеништвото на фирмата се сели во Америка, односно сопственик станува извесна „Калвус ЛЛЦ“ (Calvus LLC) од САД, крајниот сопственик е всушност Орце Камчев.

Од оваа американска фирма кон „Ексико“ се влеваат 1,6 милион евра како прилив, а дел од овие пари завршува на личната сметка на Камчев, додека со дел се купувани имот и земјиште во Гевгелија, на кое понатаму е предвидено да се градат казина.

Подоцна, а и до ден-денеска, сопственик на „Ексико“ е фирмата со швајцарски капитал „Т&МЈ инвестмент“ од Лугано, Швајцарија, фирма зад која оперативните сознанија покажале дека краен сопственик е член на семејството Мијалкови. Од швајцарската фирма кон македонската „Ексико“ немало никаков прилив или одлив на пари.

„Ексико“ не е единствената фирма преку која функционирало ова злосторничко здружение. Колку за пример, во истатата 2009 година офшор-компанијата „Хоспитал менаџмент груп ЛЛЦ’ од Кипар ја основа клиничката болница „Систина“. Понатаму, оваа компанија го продава имотот на друга офшор-компанија од Панама. „Орка холдинг“ го купува уделот од панамската, па повторно ѝ го продава на „Систина“, со што фактички Камчев внесува удел од „Хоспитал менаџмент“ од Кипар во Македонија.

Сомнежи за перење пари преку кипарски банки

Преку кипарски банки парите влегуваат во земјата

Значаен дел од истрагата на СЈО за „Империја“ има и фирмата „Финзи“ – истата фирма за која во таканаречените бомби можеше да се слушне дека одела набавката за опрема за следење интернет-комуникации за МВР. Министерството, додека на чело на УБК беше Мијалков, наместо директно да ја набави изреалската опрема за прислушување, тоа го правела преку „Финзи“. Во текот на истрагата за случајот самоубиство изврши директорот на „Финзи“, Коста Крпач, во април 2016 година.

Сега истрагата за „Империја“ повторно допира до „Финзи“, фирма основана од „Финзи ЛЛЦ“ во САД. Краен сопственик на оваа компанија, според СЈО, повторно е Орце Камчев.

Во неколку наврати од „Финзи ЛЛЦ“ преку кипарска банка кон македонската „Финзи“ биле исплатувани 650.000 евра. Во тоа време, односно во 2009 година, директор на „Финзи“ во Македонија е Владислав Стајковиќ, брат на Небојша Стајковиќ, поранешен помошник-министер за информатичка технологија во МВР.

Овие пари понатаму влегуваат како основачки влог во „Систина кардиологија“, фирма што подоцна е преименувана во „Си-Фи-Кар“ („Систина“, „Финзи“, “Кара“). Во 2012 година, според СЈО, кога парите веќе се испрани, американската мајка-фирма се затвора и се отвора нова фирма, во која Крпач влегува како директор, а на истата сметка легнуваат парите од израелската донација за опрема за прислушување.

„Не купуваат компании за да работат со нив, туку за да извлечат што можат“

Орце Камчев и Сашо Мијалков, клучните играчи во „Империја“

Многу компании, офшор, стотици папки со документи и изјави од сведоци содржи еден од најобемните предмети на СЈО – „Империја“. Од она што беше претставено пред новинарските екипи, неизбежен е заклучокот дека од досегашната истрага и собраните докази станува збор за класични примери за сомнежи за перење пари пред кои надлежните институции со години молчеле или се откажувале од гонење поради немање докази.

Дел од истрагата е отстапен и на купувањето на „Бетон Штип“ од страна на ТИМ ДОО, „Орка холдинг“, „Езимит“ ДООЕЛ и „Ексико“.

„Кога тие купуваат компанија, не ја купуваат за да ја работат, туку да извлечат што може од имотот на компанијата“, велат од СЈО.

Па, така, и овој пат сознанијата говорат дека од „Бетон Штип“ се извлечени 4 милиони евра, односно газдите ги тераат акционерите со парите да купуваат имот, а понатаму како што се извлекуваат парите, така се инвестираат во други зделки за што патем говорат и последните информации дека речиси 250 работници веќе ги напуштаат работните места од „Бетон Штип“ и истовремено преку суд си ги бараат неисплатените плати за последните четири месеци.

Дел од истрагата го опфаќа и „Фершпед“, односно од моментот кога Кираца Трајковска, која беше еден од мнозинските акционери во “Фершпед“, поради долг во Еуростандард банка, преку посредник побарала кредит од Стопанска банка АД Битола. Камчев, кој е дел од Управниот одбор на банката, наместо кредит, според СЈО, на Трајковска ѝ понудил преку физички лица да ѝ бидат префрлени парите по што биле ослободени нејзините акции од „Фершпед“.

За да им ги продаде акциите на странски инвеститори, таа го ангажирала брокерот Јованче Тасковски. Но, за нејзината намера дознал Штерјо Наков, кој побарал помош од Мијалков, со цел тој да ги купи акциите. Мијалков се договора со Камчев да ја изиграат, па без нејзино знаење, според СЈО, Ненад Јосифовиќ ги продава акциите на физички и правни лица поврзани со Наков за 4 милиони евра повисока цена од реалната. Парите од зделката завршуваат во фирма чии сопственици се „Ексико“, „Орка холдинг“ и „Тимох“.

Во делот од истрагата за „Империја“ влегуваат и стари случаи, кои претходно во обвинителствата завршувале со откажување од гонење поради немање доволно докази. Таков пример е истрагата за „пропаѓањето“ на „Орка спорт“, „Орка текстил“ и други фирми во сопственост на сега покојниот Илија Камчев. Данокот се избегнувал да се плаќа преку лажни стечаи, обезвреднување на имотот и формирање офшор-компании, а потоа парите „чисти“ биле внесувани во земјата, односно целиот имот бил пренесуван на новоформирани компании.

На овој начин, впрочем, и се градела целата империја – преку лојални соработници, изигрување на законитe и формирање компании за еднократна употреба.

Како ќе заврши истрагата и дали случајот ќе добие епилог останува неизвесно. Засега Орце Камчев и Сашо Мијалков се во домашен притвор, а конечниот збор ќе го каже Врховниот суд.

Освен Камчев и Мијалков, осомничени во случајот „Империја“ се и Ратка Куноска-Камчева, мајка на Камчев и неизвршен член на Одборот на директори на „Орка ходинг“, Кристина Камчева-Стојческа, сестра на Камчев и неизвршен член на Одборот на директори на „Жито полог Тетово“, Лилјана Гајдоска, правник во фирмите на Камчев, неизвршен член на Одборот на директори на ЗК „Пелагонија“, Тодор Мирчевски, директор на „Ексико“, Владислав Стајковиќ, сопственик на НВСП, доскорешен директор на „Мобико“ и поранешен директор на „Финзи“, Ванче Мијалчев, извршен директор на „Бетон Штип“, Јованче Тасковски, брокер, и Дејан Јанев од „О.Т.Е. инвест“.

Прикажи повеќе...

Анализи

Политиката го подели СЈО на табори

Објавено пред

„Чарлиевите ангели“ ги нема. Катица Јанева, Ленче Ристоска и Фатиме Фетаи речиси една година не се појавуваат на заеднички прес-конференции. Во јавноста и на социјалните мрежи сè погласни се критиките за работата на специјалното јавно обвинителство и ослабената доверба во оваа институција.

dobivaj vesti na viber

Три и пол години по формирањето, целосен судски епилог има само за два случаја а сè погласни се шпекулациите дека во СЈО владее поделеност на обвинителите на табори, кои меѓусебно не се согласуваат за дејствувањето на ова обвинителство, па тие разлики во мислењата лесно се забележливи и во јавноста.

Трите жени, кои беа симбол за СЈО, ретко може се видат заедно во јавноста, а речиси една година Ленче Ристоска и Фатиме Фетаи не даваат заеднички изјави. Според нашите извори, со слични ставови на една страна биле обвинителките Катица Јанева и Лиле Стефанова, а на друга Ленче Ристоска и Фатиме Фетаи.

Од друга страна, сè поприсутна во јавноста е главната специјална обвинителка Катица Јанева, која, според најавите, во вторник ќе се појави на „1ТВ“, каде што заедно со обвинителите Лиле Стефанова и Трајче Пеливанов треба да одговараат и на прашања од гледачите. Токму во фирмата сопственик на „1ТВ“, „БМЈ медиа груп“, работи синот на Јанева, младиот гевгеличанец Лазар Јанев, за кого веќе беше објавено дека пред вработените бил претставен како директор на правна служба. Пред точно два месеца Јанева беше гостинка на „1ТВ“ и се фотографира со сопственикот на телевизијата, Бојан Јовановски, со назнака дека станува збор за работен состанок.

Во СЈО во последната година во целост се смени практиката на комуникација со јавноста. Последната прес-конференција СЈО ја одржа на 21 март минатата година.

Повеќе нема брифинзи со новинари, а на обвинителките Ристоска и Фетаи не им е дозволено да даваат интервјуа и изјави. Целосна затвореност владее и во однос на истрагите. Случајот „Империја“, во кој, меѓу другите, се осомничени и бизнисменот Јордан Камчев и ексдиректорот на УБК, Сашо Мијалков, беше отворен пред повеќе од 2 месеца, а од СЈО нема дополнителни информации, освен дека истрагата е сложена.

Сите обиди на „Макфакс“ да обезбедат брифинг за случајот беа залудни. Новинарите меѓу себе коментираат дека ова обвинителство, кое наметна транспарентно работење, последнава година се затворило, иако обвинителите поминале серија обуки за комуникација со јавноста. Тоа остава простор за шпекулации во постапувањето по предметите на обвинителството. Од друга страна, во редовното Обвинителство се спроведува тренинг за односи со јавноста на обвинителите.

Според нашите информации, во специјалното јавно обвинителство меѓу некои од вработените владее незадоволство од начинот на работа, особено по последните политички случувања, амнестии и повици за помирување, кои во голем дел влијаат и врз актуелните предмети што се во судска постапка, но и на оние што се во истрага и предистрага, а во кои, меѓу другите, се вклучени и Сашо Мијалков, Елизабета Канческа-Милевска, Али Ахмети, Бујар Османи.

Ексминистерката за култура, КанческаМилевска, е инволвирана во предистрагата за предметот „Скопје 2014“, кој е еден од најобемните предмети на СЈО, за Мијалков се водат повеќе судски постапки, а предметот за агенцијата за обезбедување СГС е во предистрага.

Во процесот на помирувањето наголемо се споменуваа и измените во Кривичниот законик, односно член 353, став 5, кој ја регулира злоупотребата на службената положба преку јавните набавки. Доколку дојде до промена на овој член, како што беше најавувано, помали казни или ослободување од одговорност ќе добијат голем број обвинети во случаите на СЈО, меѓу кои и Мијалков.

Уставниот суд сè уште не расправал по иницијативата на адвокатот Еленко Миланов, кој бара судиите да се произнесат за овој член од Кривичниот законик.

Сите овие политички инволвирања, кои допираат и до СЈО, според нашите извори, довеле до голем раздор во работата на институцијата, која има годишен буџет од 3,7 милиони евра. Некои од обвинителите се разочарани од фактот што нивните предмети и нивната работа зависат исклучително од тековната политичка ситуација, па токму затоа во последниот период и не се работи на нови предистраги бидејќи се чека исходот од тоа што ќе се случува со институцијата и дали евентуално одредени функционери од претходната, но и од актуелната власт, ќе избегнат одговорност.

Прикажи повеќе...

Најново

Македонија55 минути

(Видео) Стоилковски: Сопругата на Бочварски и нејзината сестра ухлебени во штипската болница директно „од клупа“?

Продолжуваме со објавување на скандалозни непотистички вработувања и злоупотреби на позиции од клептоманите на власт, додека Македонија тоне во сиромаштија...

Топ1 час

МВР: Констатирано точење на алкохол на малолетници во угостителски објекти

Утрово во временскиот период од 00.00 до 04.00 часот, полициски службеници од сите Сектори за внатрешни работи, во соработка со...

Европа4 часа

Лавров: Америка сака да ја уништи Русија, сакаат целиот свет да го претворат во свој двор

Рускиот министер за надворешни работи Сергеј Лавров се обрати пред Генералното собрание на ОН и во својот говор истакна дека...

Свет4 часа

(Видео) Најмалку пет лица се повредени во пукање во забавен парк во Америка

Најмалку пет лица се повредени, од кои двајца од истрели од огнено оружје, откако избила престрелка во забавен парк во...

Свет4 часа

Северна Кореја лансираше балистичка ракета-Итен состанок на воениот врв на Јужна Кореја

Северна Кореја истрела балистичка ракета во правец на морето во близина на нејзиниот источен брег, во пресрет на планираните воени...

Европа4 часа

Избори во Италија, според анкетите десницата е фаворит

Во Италија денеска се одржуваат парламентарни избори кои според последните анкети ќе доведат на власт десничарска коалиција од која Брисел...

Европа5 часа

Зеленски до Русите: „Предадете се, Путин ве испраќа во смрт“

Украинскиот претседател Володимир Зеленски, кој им се обрати на руските граѓани, рече дека нивниот претседател Владимир Путин свесно испраќа „граѓани...

Македонија18 часа

Членови на ДУИ: Арогантното и дилетантско однесување на извршната власт на чело со Груби предизвика револт

Бараме од претседателот на партијата, Али Ахмети, да го искористи својот политички и статутарен авторитет, за да најде решение за...

Европа18 часа

Шолц: Гладот ​​е голема опасност, Русија нема да победи

Германскиот канцелар Олаф Шолц денеска во својата неделна порака до граѓаните истакна дека Русија нема да победи во војната во...

Македонија19 часа

(Видео) Ковачевски во ОН: Немаме друга алтернатива за подобар животен стандард од членство во ЕУ

Премиерот Димитар Ковачевски се обрати на Генералната дебата на 77-то Генерално собрание на Обединетите нации во Њујорк. Тема на годинешната...

Европа19 часа

Путин потпиша нов закон, строги казни за одбивање на мобилизација и за дезертерство

Претседателот на Русија, Владимир Путин, потпиша пакет измени на Кривичниот законик поврзани со воената служба, пишуваат руските агенции. Со пакетот...

Топ20 часа

Скопјанка измамена за над 7.200 евра, и кажале дека ќерка и усмртила дете во сообраќајкa и ќе ја спасат од затвор

Вчера во 11.05 часот во СВР Скопје, 69-годишна жена од Скопје пријавила дека на 22.09.2022 била измамена од едно лице...

Европа20 часа

Кина: САД испраќаат многу погрешни и опасни сигнали

Кина ги обвинува Соединетите Држави дека испраќаат „многу погрешни и опасни сигнали“ до Тајван, откако американскиот државен секретар Ентони Блинкен...

Европа23 часа

Кадиров: Огромен број припадници на државните служби се вешти со оружје, нема да требаат резервисти

Чеченскиот лидер Рамзан Кадиров денеска предложи да се мобилизираат половина од припадниците на федералните сили за таканаречената, како што ја...

Македонија24 часа

(Видео) Каевски: Мицкоски се уште молчи за неговата улога во спорниот тендер, институциите да го расчистат случајот

„Додека Христијан Мицкоски молчи, јавноста очекува одговори за неговата улога во сомнителниот тендер од 136 милиони евра наменети за пречистителната...

Македонија1 ден

(Видео) Трипуновски: Исчезнати се голем дел од документите од архивата на МЗШВ

„Официјалната страница за МЗШВ веќе десетина дена не е во функција, а од министерството се правдаат дека се под хакерски...

Европа1 ден

Путин не блефира за нуклеарното оружје, велат од ЕУ

Европската унија мора сериозно да ги сфати заканите на Владимир Путин за да може да користи нуклеарно оружје во војната...

Регион1 ден

(Видео) Грабар-Китаровиќ: Путин повеќе би сакал да умре отколку да признае пораз

Поранешната претседателка на Хрватска, Колинда Грабар-Китаровиќ на Глобалната сцена одржана во седиштето на ОН пред неколку дена одговори на прашањето...

Свет1 ден

Бајден: Вашингтон никогаш нема да ги признае украинските територии

Американскиот претседател Џо Бајден изјави дека референдумите за анексија на четири региони во Украина кои се под контрола на проруските...

Европа1 ден

Сијарто: Нема да поддржиме антируски санкции во енергетскиот сектор

Будимпешта нема да поддржи антируски санкции во енергетскиот сектор, вклучително и во областа на нуклеарната енергија, бидејќи тоа може да...