Црна хроника
Запленет накит вреден 450 илјади евра
При детален преглед на рачниот багаж на турски државјанин во царинската подружница Аеродром „Скопје“ – патнички промет, на влез во Република Македонија, царинските службеници во патната торба пронашле непријавена стока – златен накит. Инцидентот се случил на 18 декември.
Запленетиот накит е од бело злато во комбинација со голем број брилијанти, кој, според наодот од страна на судски вештак, е квалификуван како ексклузивен златен накит со продажна вредност од 450 илјади евра.
Против осомниченото лице од страна на Царинската управа поднесена е кривична пријава за сторено кривично дело шверцување, а од страна на судија во претходна постапка одредена му е мерка притвор од 30 дена.
Во врска со случајот Царинската управа соработува и со други царински администрации во регионот и пошироко, со цел обезбедување дополнителни информации за индициите што произлегоа од фактите утврдени во досегашната истрага, а кои наведуваат на сомнение дека осомниченото лице можеби дејствувало и во други земји, освен во Република Македонија.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Маж и женa нападнати со метален предмет во Ранковце
Синоќа во 22.50 часот во Полициско одделение Ранковце Д.И. (34) пријавил дека во село Ранковце со метален предмет бил нападнат од Т.А. , а исто така Б.Т. пријавила дека била физички нападната од Д.И.
Полицијата соопшти дека се преземаат мерки за расчистување на случајот.
Топ
Маж од Радовиш со месеци сексуално вознемирувал малолетно девојче
Радовишанец со месеци силувал малолетничка
Вчера, во Полициската станица Радовиш било пријавено дека 45-годишен жител на Радовиш во периодот од јануари до април 2024 година во повеќе наврати извршил обљуба врз малолетничка од радовишко село.
За настанот бил запознаен јавен обвинител од Основното јавно обвинителство Струмица по чии насоки се преземаат мерки за целосно расчистување на случајот.
Црна хроника
Тешко повредено 22-годишно момче, падналo од мопед на коловоз
Вчера, вo 14.30 часот, во СВР Скопје било пријавено дека на крстосницата од улицата Методија Андонов-Ченто со сервисната улица што ги поврзува клучката Ченто и булеварот Александар Македонски, М. Н. (22) од с. Арачиново, Скопско, кој управувал мопед со тетовски регистарски ознаки, паднал на коловозот.
Во несреќата тешки телесни повреди добил М. Н., констатирани во комплексот клиники „Мајка Тереза“.
Извршен бил увид од екипа на СВР Скопје.