Момчето кое попладнево беше убиено со метални шипки во средното градежно училиште „Здравко Цветковски“ било од албанска националност и се обидело да му помогне на свој соученик Македонец, но во тепачката доби смртоносни повреди

Полицијата се уште врши увид на местото на инциденот и трага по безмислосните напаѓачи кои попладнево влегле во училишниот двор со метална шипка и ги нападнале двајцата ученици. Во обид да му помогне на својот соученик, осумнаесетгодишниот Мухамед Али Јашари од Кондово попладнево во пред влезот на средното градежно училиште „Здравко Цветсковски“ се здоби со повреди, а во околу 15:30 часот им подлегна на повредите. Од Ургентниот центар потврдуваат дека децата што беа повредени при тепачката во скопското средно училиште „Здравко Цветковски“ биле примени кај нив и дека едно од нив околу 15:30 часот им подлегнало на повредите.Од ургентниот центар за Макфакс изјавија дека момчето било донесено со повреди на главата од тап предмет и без пулс. Му била извршена реанимација, но безуспешно. Другото шеснаесетгодишно момче било со полесни повреди и е надвор од животна опасност.Физичкото обезбдување, тврди директорката, реагирало навремено но не можела да го спаси детето. Инцидентот се случил додека дел од учениците биле вакцинирани од мала сипаница. „Во моментот излегувал од вакцинација веќе починатиот, за жал. Мухамед Али Јашари, кој се обидел да му помогне на својот другар  Дарко, но за жал бил нападнат од страна на сторителите. Бил удрен со тап предмет. Во моментот реагираше лекарската “ изјави Драгица Костадиновска.„Се случи голема трагедија. Ученик Албанец се обиде да му помогне на својот соученик Македонец и настрада. Она што ние  денеска го изјавуваме  е дека убијците ќе бидат фатени и ќе бидат изведени пред лицето на правдата. Правдата ќе биде толку безмислока колку што напаѓачите беа безмилосни кон својот ученик“ изјави Тодоров.Додека траеше увидот во училиштето пристигна и делгација на ОБСЕ, на која не и беше дозволено да влезе, додека не завршел увидот. Во училиштето пристигна и градоначалникот на општина Карпош, Стевче Јакимовски. За инцидентот дознал од колегите. „Немам што да изјавам, одам да видам што се случило, мојот син учи во соседното училиште“ рече Јакимовски.Насилството во училиштата стана секојдневие. Од почетокот на годинава неколкумина ученици беа прободени со нож. Градот Скопје воведе и физичко обезбедување во училиштата, видео надзори и дежурни наставници, но и покрај ова трагедијата не беше избегната.