Црна хроника
Фатени крадци што ограбиле бензиска во кумановско
Петмина крадци украле 5.000 денари од бензиска во Куманово, но не се офајдиле многу, затоа што полицијата ги фатила и им го одзела пленот, соопшти полицијата.
СВР Куманово заедно со кривична пријава до ОЈО Куманово ги спроведе лицата Р.А.(22), А.А.(21), Н.А.(20) и А.А.(17) од Куманово, како и К.Р.(17) од с.Долно Свиларе, Скопје, поради основано сомнение дека сториле кривично дело – “разбојништво“.
Вчера 20 минути по полноќ, пријавените отишле на бензинската пумпа „Лук Оил“ лоцирана на локалниот пат Куманово-Романовце и наполниле гориво во нивното возило, при што влегле внатре во бензинската, ја платиле сметката и заминале во објектот „Калабрија“ лоциран спроти бензинската пумпа, село Романовце, а инаку сопственост на А.Ф. татко на тројца од пријавените.
Подоцна, околу 5.40 часот со намера за себе да прибават противправна имотна корист се вратиле на бензинската пумпа при што двајца од нив маскирани со фантомки на главите влегле во објектот и едниот извадил пиштол кој го репетирал и вперил во вработениот М.И.(28) од Куманово, и сериозно заканувајки му се по неговиот живот од касата одзеле 5.000 денари по што избегале во непознат правец.
Од страна на вработените настанот веднаш е пријавен во СВР Куманово и по преземени интензивни мерки пријавените околу 9 часот се пронајдени и приведени во СВР Куманово.
Извршен е претрес во домовите на пријавените и во објектот „Калабрија“, при што се пронајдени одземените пари и облеката што ја носеле за време на извршување на разбојништвото.
По спроведената истражна постапка од страна на Истражен судија на сите пријавени им е одредена мерка притвор во траење од 30 дена.
Првите тројца од пријавените се познати сторители на кривични дела за што СВР Куманово им има поднесувано кривични пријави и тоа: на првопријавениот за разбојништва, напад на службено лице при вршење работи на безбедноста и тешки кражби, на А.А. за убиство во обид и на Н.А. за предизвикување општа опасност, тешка кражба и кражба./крај/со/бб
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Маж и женa нападнати со метален предмет во Ранковце
Синоќа во 22.50 часот во Полициско одделение Ранковце Д.И. (34) пријавил дека во село Ранковце со метален предмет бил нападнат од Т.А. , а исто така Б.Т. пријавила дека била физички нападната од Д.И.
Полицијата соопшти дека се преземаат мерки за расчистување на случајот.
Топ
Маж од Радовиш со месеци сексуално вознемирувал малолетно девојче
Радовишанец со месеци силувал малолетничка
Вчера, во Полициската станица Радовиш било пријавено дека 45-годишен жител на Радовиш во периодот од јануари до април 2024 година во повеќе наврати извршил обљуба врз малолетничка од радовишко село.
За настанот бил запознаен јавен обвинител од Основното јавно обвинителство Струмица по чии насоки се преземаат мерки за целосно расчистување на случајот.
Црна хроника
Тешко повредено 22-годишно момче, падналo од мопед на коловоз
Вчера, вo 14.30 часот, во СВР Скопје било пријавено дека на крстосницата од улицата Методија Андонов-Ченто со сервисната улица што ги поврзува клучката Ченто и булеварот Александар Македонски, М. Н. (22) од с. Арачиново, Скопско, кој управувал мопед со тетовски регистарски ознаки, паднал на коловозот.
Во несреќата тешки телесни повреди добил М. Н., констатирани во комплексот клиники „Мајка Тереза“.
Извршен бил увид од екипа на СВР Скопје.