Црна хроника
Битолчанец уплатил 43.000 долари за кафе од Уганда, а завршиле на приватна сметка
Жител на селото Вардино, Битолско, уплатил 43 илјади американски долари на електронска жиросметка со цел да нарача кафе од фирмата „Кибоку“ од Уганда, но наместо за кафе уплатените средства, со измама, легнале на туѓа сметка.
Случајот на 7-ми јули, во понеделникот, бил пријавен во СВР – Битола од страна на измамениот П.Г. (1968) кој бил основач и управител на фирмата која ја правела нарачката.
Според неговиот исказ во полициската станица во Битола, тој на 26-ти јуни годинава година склучил електронски договор за продажба со фирмата „Кибоку“ од Уганда за нарачка на одредено количество кафе, по што испратил профактура по електонска пошта со вкупен износ од 43.008 американски долари.
Профактурата дошла во рацете на засега неидентификувано лице кое извршило одредени корекции во делот на жиросметката и парите биле пренасочени на нова адреса.
Откако битолскиот трговец телефонски стапил во контакт со претставникот на „Кибоку“ сфатил дека е измамен.
Измамениот битолчанец и претходно соработувал со фирмата од Уганда и дотогаш немал никакви проблеми.
По соодветната пријава, полициските органи преземаат мерки за расчистување на случајот./крај/мф/ап
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Кривична против директорка на градинка во Велес, при аплицирање за позицијата дала сертификат за англиски јазик со невистинита содржина
Единицата за корупција при Одделот за сузбивање на организиран и сериозен криминал (ОСОСК) на 25.04.2024 до ОЈО Велес поднесе кривична пријава против 44-годишната М.В. од Велес, поради постоење на основи на сомнение за сторено кривично дело „употреба на исправа со невистинита содржина“, согласно член 380 ст.1 од Кривичниот законик.
„Пријавената, на функција директор во општинска јавна установа за деца – детска градинка во Велес, прибавила меѓународно признаен сертификат за познавање на англиски јазик со нејзино име, издадена од училиште за јазици од Пловдив, Р.Бугарија.
Иако знаела дека исправата е со невистинита содржина, М.В. ја употребила како доказ дека поседува меѓународно признаен сертификат при нејзиното аплицирање на Јавен оглас за избор на директор на детската градинка, по што и била именувана на функцијата“, соопшти МВР.
Црна хроника
Маж и женa нападнати со метален предмет во Ранковце
Синоќа во 22.50 часот во Полициско одделение Ранковце Д.И. (34) пријавил дека во село Ранковце со метален предмет бил нападнат од Т.А. , а исто така Б.Т. пријавила дека била физички нападната од Д.И.
Полицијата соопшти дека се преземаат мерки за расчистување на случајот.
Топ
Маж од Радовиш со месеци сексуално вознемирувал малолетно девојче
Радовишанец со месеци силувал малолетничка
Вчера, во Полициската станица Радовиш било пријавено дека 45-годишен жител на Радовиш во периодот од јануари до април 2024 година во повеќе наврати извршил обљуба врз малолетничка од радовишко село.
За настанот бил запознаен јавен обвинител од Основното јавно обвинителство Струмица по чии насоки се преземаат мерки за целосно расчистување на случајот.