Црна хроника
Мајката од Хрватска со огромна брзина слетала со автомобилот во езеро
Телото на мајката којашто исчезна во неделата со својот син во Хрватска, беше најдено во четвртокот во езерото кај хидроцентрала Дубрава.
Телото на дваесет идеветгодишната Ивана Фогадиќ го забележале рибари во четвртокот околу 14 часот. Претходно од езерото беше извлечен автомобилот и телото на петгодишниот Патрик, но телото на Ивана Фогадиќ не беше најдено. На автомобилот било скршено предното ветробранско стакло, додека страничното стакло било спуштено што овозможило возилото побрзо да се наполни со вода. Од полиција се наведува дека оштетувањето на автомобилот настанало поради јачината на ударот во водата. Се претпоставува дека Ивана возела многу брзо пред да слета во каналот.Телата на детето и мајката се најдени на два различни брега од езерото. Вештак за возила којшто ги анализирал фотографиите од автомобилот, Горан Хусинец, за Jutarnji list анализира дека не е исклучено мајкaта во последен момент, кога автомoбилот пропаднал во езерото, сепак, да се обидела да го спаси детето и себеси. „Двете тела се најдени надвор од автомобилот. Според изгледот на скршеното ветробранско стакло укажува на тоа дека мајката удрила со глава во него и го скршила. Не е можно точно да се реконструира што се случувало во автомобилот, но видливо е дека безбедносниот појас е откопчан и дека детското седиште било поместено“, објаснува вештакот.Ивана Фогадиќ исчезна со нејзиниот син во неделата откако на Facebook ја навести својата смрт и смртта на нејзиното дете, и го обвини својот сопруг за насилство и алкохолизам./крај/мф/ффс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Маж и женa нападнати со метален предмет во Ранковце
Синоќа во 22.50 часот во Полициско одделение Ранковце Д.И. (34) пријавил дека во село Ранковце со метален предмет бил нападнат од Т.А. , а исто така Б.Т. пријавила дека била физички нападната од Д.И.
Полицијата соопшти дека се преземаат мерки за расчистување на случајот.
Топ
Маж од Радовиш со месеци сексуално вознемирувал малолетно девојче
Радовишанец со месеци силувал малолетничка
Вчера, во Полициската станица Радовиш било пријавено дека 45-годишен жител на Радовиш во периодот од јануари до април 2024 година во повеќе наврати извршил обљуба врз малолетничка од радовишко село.
За настанот бил запознаен јавен обвинител од Основното јавно обвинителство Струмица по чии насоки се преземаат мерки за целосно расчистување на случајот.
Црна хроника
Тешко повредено 22-годишно момче, падналo од мопед на коловоз
Вчера, вo 14.30 часот, во СВР Скопје било пријавено дека на крстосницата од улицата Методија Андонов-Ченто со сервисната улица што ги поврзува клучката Ченто и булеварот Александар Македонски, М. Н. (22) од с. Арачиново, Скопско, кој управувал мопед со тетовски регистарски ознаки, паднал на коловозот.
Во несреќата тешки телесни повреди добил М. Н., констатирани во комплексот клиники „Мајка Тереза“.
Извршен бил увид од екипа на СВР Скопје.