Црна хроника
Пет години од бродската несреќа во Охридското Езеро
Пет години од бродската несреќа во која животот го загубија 15 бугарски туристи се одбележуваат во петок (05.09).
По тој повод делегација од Општина Охрид ќе положи свежо цвеќе пред спомен плочата за загинатите на градскиот кеј.
Бродот „Илинден“ потона на 5- ти септември 2009 година во 10.35 часот, на околу 200 метри од брегот во близина на плажата Елешец. Во несреќата загинаа 15 бугарски туристи, а останатите 38 туристи, исто така, од Бугарија беа спасени.
Две години по несреќата, капетанот на бродот „Илинден“, Сотир Филески и овластениот претставник на Германскиот регистар на бродови „Лојд“ што го издал сертификатот за пловидба на бродот, Бранко Бајиќ, беа осудени на по една година затвор за кривично дело „предизвикување тешки дела против луѓето и имотот во сообраќајот“.
Софискиот суд до средината на 2015 година ќе треба да одлучи дали „Лојд“, ќе плати отштета на семејствата на загинатите, објави OhridNews.
Адвокатот Мартин Петров од Скопје, кој е застапник на семејствата на загинатите во телефонска изјава за OhridNews рекол дека отштетното побарување за сите 15 семејства изнесува околу три милиони евра. Тој појаснил дека отштетното побарување е насочено кон „Лојд“ бидејќи овој бродски регистар, во времето кога се случи бродската несреќа, бил овластен да ги врши техничките прегледи на бродовите кои пловат во македонските води.
Тој нагласил дека во судската постапка за обесштетување на семејствата на загинатите не е опфатена Република Македонија и не се бара никакво обесштетување од македонските власти.
Инаку осигурителната компанија, каде што загинатите бугарски туристи имале патничко осигурување, до сега исплатила 4.500 евра по семејство или околу 70.000 евра за сите 15 семејства на загинатите, наведува OhridNews.крај/мф/сд
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Маж и женa нападнати со метален предмет во Ранковце
Синоќа во 22.50 часот во Полициско одделение Ранковце Д.И. (34) пријавил дека во село Ранковце со метален предмет бил нападнат од Т.А. , а исто така Б.Т. пријавила дека била физички нападната од Д.И.
Полицијата соопшти дека се преземаат мерки за расчистување на случајот.
Топ
Маж од Радовиш со месеци сексуално вознемирувал малолетно девојче
Радовишанец со месеци силувал малолетничка
Вчера, во Полициската станица Радовиш било пријавено дека 45-годишен жител на Радовиш во периодот од јануари до април 2024 година во повеќе наврати извршил обљуба врз малолетничка од радовишко село.
За настанот бил запознаен јавен обвинител од Основното јавно обвинителство Струмица по чии насоки се преземаат мерки за целосно расчистување на случајот.
Црна хроника
Тешко повредено 22-годишно момче, падналo од мопед на коловоз
Вчера, вo 14.30 часот, во СВР Скопје било пријавено дека на крстосницата од улицата Методија Андонов-Ченто со сервисната улица што ги поврзува клучката Ченто и булеварот Александар Македонски, М. Н. (22) од с. Арачиново, Скопско, кој управувал мопед со тетовски регистарски ознаки, паднал на коловозот.
Во несреќата тешки телесни повреди добил М. Н., констатирани во комплексот клиники „Мајка Тереза“.
Извршен бил увид од екипа на СВР Скопје.