Црна хроника
Приколка натоварена со боци гас падна во провалија кај Гостивар
Приколка натоварена со боци (шишиња) наполнети со хелиум, азот и аргон, пропаднала во провалија, откако се откачила од камионот кој се движел вечерва околу 18:30 по магистралата Гостивар – Кичево.
Според полициски извори, од сé уште неутврдени причини, на камион “сканија” со албански регистерски таблички, во близина на „Сретковски мост” му се откачила приколката, која што ја пробила заштитната ограда и пропаднала во провалија длабока над сто метри.По пријавата, било утврдено дека товарот се состоел од шишиња наполнети со повеќе видови гас. Камионот и товарот биле сопственост на фирма од Република Албанија.Од полицијата информираат дека по извршениот увид на јавниот обвинител и крим техника, местото е обезбедено и се вршат проценки дали може да дојде до поголеми последици по околината и здравјето на луѓето.Набрзо по несреќата била повикана и специјализирана екипа која треба да утврди какви ризици постојат од оваа несекојдневна сообраќајна незгода./крај/миа
Извор: МИА
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Кривична против директорка на градинка во Велес, при аплицирање за позицијата дала сертификат за англиски јазик со невистинита содржина
Единицата за корупција при Одделот за сузбивање на организиран и сериозен криминал (ОСОСК) на 25.04.2024 до ОЈО Велес поднесе кривична пријава против 44-годишната М.В. од Велес, поради постоење на основи на сомнение за сторено кривично дело „употреба на исправа со невистинита содржина“, согласно член 380 ст.1 од Кривичниот законик.
„Пријавената, на функција директор во општинска јавна установа за деца – детска градинка во Велес, прибавила меѓународно признаен сертификат за познавање на англиски јазик со нејзино име, издадена од училиште за јазици од Пловдив, Р.Бугарија.
Иако знаела дека исправата е со невистинита содржина, М.В. ја употребила како доказ дека поседува меѓународно признаен сертификат при нејзиното аплицирање на Јавен оглас за избор на директор на детската градинка, по што и била именувана на функцијата“, соопшти МВР.
Црна хроника
Маж и женa нападнати со метален предмет во Ранковце
Синоќа во 22.50 часот во Полициско одделение Ранковце Д.И. (34) пријавил дека во село Ранковце со метален предмет бил нападнат од Т.А. , а исто така Б.Т. пријавила дека била физички нападната од Д.И.
Полицијата соопшти дека се преземаат мерки за расчистување на случајот.
Топ
Маж од Радовиш со месеци сексуално вознемирувал малолетно девојче
Радовишанец со месеци силувал малолетничка
Вчера, во Полициската станица Радовиш било пријавено дека 45-годишен жител на Радовиш во периодот од јануари до април 2024 година во повеќе наврати извршил обљуба врз малолетничка од радовишко село.
За настанот бил запознаен јавен обвинител од Основното јавно обвинителство Струмица по чии насоки се преземаат мерки за целосно расчистување на случајот.