Црна хроника
Притворениот полицаец побарал боледување за време на акцијата во „Дива населба“
Притворениот полицаец Арсим Бајрами кој е во притвор и се товари дека е вмешан во судирот што се случи во мај во кумановската „Дива населба“, на 9-ти мај, кога почнаа пукотниците во Куманово и кога командирот на полициската станица го повикал на работа, му кажал дека ќе земе боледување, бидејќи неговата ќерка била болна.
Вака сведочеше неговиот командир Зоран Станојковски, кој тогаш бил командир на Полициската станица Пелинце каде работел Бајрами, а сега е командир во полициската станица Сопот.Тој не кажа други детали за евентуалната вмешаност на Бајрами во случувањата во „Дива населба“, имале коректни приватни и службени контакти.На 9 мај Станојковски добил наредба да ги повика на работа сите полицајци на работа, но Бајрами го известил дека не може да дојде на работа, бидејќи неговата ќерка била болна и дека ќе земе боледување. Претпладнето околу 11.30 часот командирот добил наредба од Регионалниот центар за гранични работи „Север“, тој и неговиот заменик да одат на состанок во СВР Куманово. „Ми наредија да го повикам и Арсим Бајрами иако знаеја дека е на боледување. Бајрами дојде, а во просторијата влезе лице од специјалната единица и го извлече Бајрами надвор““ рече Станојковски.Командирот бил присутен и на распитот на Бајрами во полициска станица, каде Бајрами посочил дека познава дел од лицата осомничени кои му ги посочила полицијата. Тој како командир не бил известен дека има некакви претреси, нивна задача била да ги затворат сите нелегални премини на македонско- српската граница и да ги контролираат. Полицаецот Арсим Бајрами кој е последен од обвинетите во случајот „Дива населба“ на минатите рочишта тврдеше дека настаните во Куманово „се игра во којашто се вмешани и припадници на државната безбедност“ и изрази надеж дека одбраната во текот на постапката ќе може со име и презиме да ги докаже учесниците.„Тие сакаа со мене како припадник на МВР да ги покријат своите игри, мене ме искористија како завеса за вмешаноста на припадниците на МВР“, рече Бајрами. Во судницата сведочеа и жители на „Дива населба“ кои тврдеа дека полицијата пукала во куќите, а семејствата на двајца од сведоците го напуштиле домот пред акцијата.Но тврдеа дека не знаеле дека ќе има акција туку случајно, жената и децата на еден од сведоците заминале на ручек кај сестра му, а другите заминале кај роднини во Лојане. Африм Таири рече дека не знаел дека ќе има акција, но сите биле под стрес бидејќи било можно да има некоја акција за дрога. Тој пред акцијата, на 8-ми мај, бил цел ден во центарот на градо, а од два часот по полноќ до пет утрото бил на кафе кај комшијата. Таму го затекнала полицијата и го собрале во полициската станица каде го држеле 24 часа.Иако адвокатите најавуваа дека ќе го бојкотираат судењето ако во судницата не се исполнат условите коишто ги бараа, да има по еден роднина присутен во судницата на секој обвинет, сепак, сите дојдоа во судницата со образложение да не го одолговлекуваат судењето. Од Судот соопштија дека за роднините биле обезбедени 15 места и иако дел од нив имале намера да влезат во судницата, сепак се премислиле. /крај/мф/ффс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Маж и женa нападнати со метален предмет во Ранковце
Синоќа во 22.50 часот во Полициско одделение Ранковце Д.И. (34) пријавил дека во село Ранковце со метален предмет бил нападнат од Т.А. , а исто така Б.Т. пријавила дека била физички нападната од Д.И.
Полицијата соопшти дека се преземаат мерки за расчистување на случајот.
Топ
Маж од Радовиш со месеци сексуално вознемирувал малолетно девојче
Радовишанец со месеци силувал малолетничка
Вчера, во Полициската станица Радовиш било пријавено дека 45-годишен жител на Радовиш во периодот од јануари до април 2024 година во повеќе наврати извршил обљуба врз малолетничка од радовишко село.
За настанот бил запознаен јавен обвинител од Основното јавно обвинителство Струмица по чии насоки се преземаат мерки за целосно расчистување на случајот.
Црна хроника
Тешко повредено 22-годишно момче, падналo од мопед на коловоз
Вчера, вo 14.30 часот, во СВР Скопје било пријавено дека на крстосницата од улицата Методија Андонов-Ченто со сервисната улица што ги поврзува клучката Ченто и булеварот Александар Македонски, М. Н. (22) од с. Арачиново, Скопско, кој управувал мопед со тетовски регистарски ознаки, паднал на коловозот.
Во несреќата тешки телесни повреди добил М. Н., констатирани во комплексот клиники „Мајка Тереза“.
Извршен бил увид од екипа на СВР Скопје.