Daily news
Владата не ги есапи архитектите и по јавното укажување Клинички да биде на друга локација
Нема поместување во однос на изборот на локацијата за новиот клинички центар, дури ни по јавно искажаниот став на Асоцијацијата на архитектите на Македонија (ААМ) дека тој не треба да се гради на истото место. Ниту Владата ниту Министерството за здравство не ги побарало архитектите кои пред точно една недела револтирани од игнорантскиот однос на Владата организираа прес-конференцијата за јавно да го кажат ставот на фелата.
„Истата пракса продолжува. Никој не нè побара по пресот. Стручно мислење во однос на новиот клинички центар сè уште не сме дале иако и јавно ги повикавме да побараат и апелиравме активно да ја вклучат архитектонската фела при креирањето на јавните политики кои се однесуваат на архитектурата и урбанизмот“, изјави Мартин Пановски, претседател на Асоцијацијата на архитектите на Македонија, за „Макфакс“.
Тој вели дека ќе останат на ставот да не им испраќаат сами мислење оти сакаат да ја сменат таквата пракса.
Од Владата најавуваат дека во носењето на одуката ќе ги вклучат сите експерти.
„Препораките на експертите од Централната банка на Европската комисија беа неодамна разгледани на владина седница. Како што веќе најави Владата, до крајот на февруари ќе се донесе конечна одлука каде ќе се гради, а во процесот на носење на одлуката ќе бидат консултирани експерти од сите области“, рече Миле Бошњаковски, портпарол на Владата.
Голем дел од фелата смета дека односот што кон нив го имаше експремиерот Никола Груевски продолжува да го практикува и Владата на сегашниот премиер Зоран Заев оти не само за клинички центар туку за сите други зафати не се консултирани како стручни лица.
Асоцијацијата на архитектите на Македонија минатата недела образложи дека да се разгледува сегашната локација за реизградба на Клиничкиот центар имајќи го предвид сегашниот сообраќаен хаос, кој само ќе расте, е беспредметно. Изборот на оваа локација, според архитектите, ќе направи непоправлива штета на здравството во Република Македонија, на здравјето на граѓаните, а ќе направи и урбанистичка и еколошка штета на градот кој веќе две децении е поле на градежно изживување.
Архитектите тврдат дека доколку Владата реши да го гради Клиничкиот центар на постојната локација ќе направи грешка, која во иднина ќе чини многу повеќе од најавените 5,5 милиони евра за раскинување на договорот и таа грешка ќе биде тешко поправлива.
Нивниот став е дека новиот клинички центар треба да се гради во Карпош, во близина на селото Бардовци, локација за која урбанистичката документација за Скопје од последните две децении покажува дека е најсоодветна, а Европската инвестициска банка финансирала и физибилити-студија за дислокацијата.
Договорот за изградба на новиот клинички центар го потпиша поранешниот министер за здравство, Никола Тодоров, лани во мај непосредно пред да се смени власта. Во рок од 45 месеци конзорциумот на компаниите „Гранит“, „Бетон“ и италијанската „ИНСО-системи“ за 72 милиона евра доби обврска да го изгради новиот клинички центар. Но, по смената на власта, изградбата не почна, туку проектот беше стопиран, а новата Влада најави дека ќе го преиспита. Премиерот Заев во последното обраќање во парламентот објасни дека ако се менува локацијата поради веќе склучениот договор, државата ќе треба да плати пенали од 5,5 милиони евра, а изградбата на центарот во близина на селото Бардовци би чинела меѓу 450 и 500 милиони евра.
(М. И. П.)
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Daily news
Награда за „Бизнисот на задоволството“ на фестивалот во САД, кој ги откри Спилберг и Џорџ Лукас
Долгометражниот филм „Бизнисот на задоволството“ на Гоце Цветaновски е добитник на наградата „Сребрено реми“ на „Хјустон интернешнал филм фестивал“ (WorldFest-Houston International Film Festival) во САД.
Овој значаен фестивал, кој постои цели 57 години е еден од најстарите во Америка и најстар во светот за независни филмови. Се гордее со тоа што во својата историја им ги доделил првите награди на легендарни режисери како што се Стивен Спилберг, Џорџ Лукас, Анг Ли, браќата Коен, Ридли Скот, Брајан де Палма, Оливер Стоун, Роберт Родригез, Спајк Ли, Дејвид Линч и уште многу други.
„Ова е голем успех. Да бидеш награден во конкуренција од над 4.000 филмови од 70 држави, е признание кое ја потврдува естетската вредност на филмот. Дефинитивно влеговме во убаво друштво, со оглед на тоа кој се’ е добитник на „Реми награда“ во историјата на фестивалот. И’ честитам на целата екипа којашто допринесе за меѓународниот успех на филмот и едвај чекам сите да се собереме повторно и во септември да го претставиме филмот пред македонската публика.“, рече режисерот Гоце Цветановски.
Наградата е деветта по ред на филмските фестивали во светот, а трета во САД, откако претходно „Бизнисот на задоволството“ го доби признанието за најдобар филм на „Риверсајд филм фестивал“ во Калифорнија и за највпечатлив филм во Седона, Аризона.
Улогите ги толкуваат Муса Исуфи, Слаѓана Вујошевиќ, Исмаил Касуми, Дамјан Цветановски, Осман Ахмети, Елени Декидис, Мендим Муртези, Егзона Салиху, Авни Далипи и Катерина Коцевска, а Цветановски го потпишува и сценариото. Продуценти на филмот се Дритон Рамадани, Богдан Јончевски и Гоце Цветановски.
Снимен е со поддршка на Агенцијата за филм.
Daily news
Прва правна конференција Tres Partes
На 26 декември година во хотелот „Континентал“, со почеток во 10 часот, ќе се одржи првата правна конференција Tres partes, во организација на „Јанаки знае“, а ќе биде поделена во три дела.
Првиот дел е со работен наслов „Дали е потребно укинување на извршителите?”, на кој ќе учествуваат Зоран Василевски, кој ќе ја застапува тезата ПРО укинување на извршителите, извршител Снежана Андреевска, која ќе ја застапува тезата КОНТРА укинување на извршителите и извршител и поранешен судија за извршување, Христо Јованов, кој ќе предава во делот на извршувањето пред да се укинат судиите извршители.
Вториот дел е со работен наслов „Дали се шаблонизира институтот надомест на нематеријална штета“, на која предавачи ќе бидат адвокатката Маруша Митровска, судијката Љубица Колиќ од Основен суд Скопје 2 и судијата Ѓорѓи Радојков од Апелациониот суд Скопје.
Третиот т.н. кривичен дел е со работен наслов „Неприменување на кривично-правните институти“, во кој предавачи ќе бидат адвокатот Јанаки Митровски, Никола Тупанчевски, редовен професор по казнено право при „Јустинијан Први“, Александра Деаноска, вонредна професорка по казнено право при „Јустинијан Први“, и Оља Ристова, судијка при Основниот суд Скопје 1.
Предвиден е и интерактивен дел со публиката преку поставување прашања и коментари од учесниците.
Daily news
Груевски оди во затвор – Апелација му ја потврди казната
Апелациониот суд Скопје, постапувајќи по кривичниот предмет познат во јавноста под името „Тенк“ по одржана јавна седница, донесе пресуда со која му ја потврди двегодишната затворска казна на премиерот Никола Груевски. „Жалбите на обвинетиот Никола Груевски изјавени лично и преку неговите бранители ги одби како неосновани, а првостепената пресуда ја потврди во целост, со што му ги потврди двете години затворска казна“, пишува во соопштението од судот.
Второстепениот суд делумно му ја уважи жалбата на Ѓоко Поповски и му ја намали казната на 4 години и 6 месеци, а во останатиот дел првостепената одлука ја потврди.
За Гордана Јанкулоска за „Тенк“ е издвоена во друга постапка и пресудата за неа, под обвинение дека ја злоупотребила службената положба и го натерала Поповски да го намести тендерот за „мерцедесот“ што го посакал Груевски, ќе биде изречена на 8 октомври.