Македонија
Државниот завод за ревизија ќе има и заменик директор
Комисијата за финансирање и буџет на денешната седница го прифати извештајот на Законодавно – правната комисија која усвои амандман предложен од ДУИ со кој се враќа функцијата заменик државен ревизор.
Комисијата за финансирање и буџет на денешната седница го прифати извештајот на Законодавно – правната комисија која усвои амандман предложен од ДУИ со кој се враќа функцијата заменик државен ревизор.
Со амандманот се овозможува во Државниот завод за ревизија, освен главниот државен ревизор да има и негов заменик, како и условите под кои им престанува мандатот.
Според претседателот на Комисијата за финансирање и буџет Јован Манасијевски новата функција што се воведува е резултат на договорот меѓу лидерите на владеачката коалиција Никола Груевски и Али Ахмети.
„Во сите претходни фази на донесувањето на Законот за државна ревизија немаше поддршка за да се воведе уште една функција односно заменик на државниот ревизор. Но по последната средба Груевски и Ахмети очигледно било договорено огромната гломазна администрација да се зголеми со уште еден партиски функционер. Со овој амандман единствено се овозможува да се зголемат трошоците во Буџетот“, истакна Манасијевски.
Законот за државна ревизија Манасијевски посочи дека клучните проблеми на овој закон остануваат нерешени и дека законот и понатаму нема да биде усогласен со европското законодавство.
Манасијевски вели дека Република Македонија ќе биде уникатна земја каде што конечните ревизорски извештаи нема да се разгледуваат на надлежно собраниско тело.
Тоа што земјата нема надлежно тело за разгледување на ревизорските извештаи како што укажа Манасијевски, ќе има негативен извештај од Европската комисија(ЕК), а од друга страна, како што вели тој, дебатата за ненаменски трошења во парламентот ќе биде блокирана.
Како пример тој посочи дека надлежно тело кое што ги разгледува ревизорските извештаи имаат сите европски парламенти, а од пред две години ваква надлежна комисија составена од повеќе членови има и парламентот на БиХ.
„Опозицијата досега поднесе четириесетина амандмани во кои предлагавме разни модалитети меѓу кои да се формира посебна комисија за јави сметки и расходи или пак да профункционира соодветна поткомисија која би работела во рамките на Комисијата за финансирање и буџет. За жал ниту еден од овие амандмани не беше прифатен затоа што целта е да не се расправа за конечните извештаи на ДЗР“, вели Манасијевски. /крај/бд
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
ЦУК: Коловозите во државата на многу места се влажни и имало ситни одрони на сите патни правци
Во Центарот за управување со кризи, имало вкупно 1 694 повици на единствениот повикувачки број за итни случаи 112.
Од нив „реални“ повици биле 49,82 отсто, а 50,18 отсто биле за други потреби на граѓаните што не биле итни. Кон полиција биле упатени 69,92 отсто и кон итната медицинска помош 28,91 отсто од реалните повици кон 112 во ЦУК.
Во последното деноноќие немало евидентирани пожари на отворено.
Од ЦУК потсетуваат дека коловозите во државата на многу места се влажни и имало ситни одрони на сите патни правци во последното деноноќие.
Екипите ги отстранувале одроните на патот и нема прекин на сообраќајот.
Сервисни информации
Преку денот сончево со мала до умерена облачност, утрото претежно ведро и наместа постудено
Времето денеска со претежно ведро и наместа постудено утро. Преку денот ќе биде сончево со мала до умерена облачност. Попладне во планинските региони ќе има услови за краткотраен локален дожд. Ќе дува слаб до умерен ветер претежно од западен правец. Минималната температура ќе биде во интервал од -1 до 7, а максималната ќе достигне од 16 до 23 степени.
Во Скопје ќе биде сончево со мала до умерена облачност и со слаб ветер од северозападен правец. Минималната температура ќе се спушти до 3, а максималната ќе достигне до 21 степен.
Во сабота попладне ќе има услови за локална нестабилност со краткотраен пороен дожд и грмежи. Потоа следува период на стабилно и топло време.
Скопје
Без струја делови од општините Петровец, Ѓорче Петров и Сарај
ЕВН Македонија АД известуваат дека без електрична енергија денеска ќе останат делови од општините Петровец, Ѓорче Петвов и Сарај.
– во периодот од 08.30 до 14.30 часот, корисниците од с. Кожле, Тунел Катланово, с.Бадар (општина Петровец)
– во периодот од 09.00 до 11.00 часот, корисниците од дел од ул. 52 кон обиколница во Стопански Двор ( општина Ѓорче Петвов )
– во периодот од 09.00 до 11.00 часот, дел од корисниците во Сарај кај општината (општина Сарај)