Македонија
Милошоски очекува препорака од ЕК за почеток на преговорите
На 14 октомври годинава очекувам да ја слушнеме добрата вест – Македонија да добие препорака за почеток на преговорите за членство во ЕУ, изјави во Стокхолм министерот Антонио Милошоски
Денешниот состанок, како што посочи македонскиот министер за надворешни работи Антонио Милошоски, е добра прилика за државите кандидати вклучително и за Македонија да ја искористат можноста да ги набројат реформите и достигнувањата што ги оствариле во изминатиот период.„Напомнав дека Македонија успешно ги исполнува зададените осум одредници и оти продолжуваме во однос на тој процес. Ја соопштив и најновата вест за постигнатиот поширок консензус во однос на важниот Закон за државни службеници и дека нашата намера е секогаш кога работиме на важни реформи да имаме што посирока поддршка кога е тоа можно“, рекол Милошоски по завршувањето на неформалниото состанок на на шефовите на дипломатиите на државите членки на Европската Унија.Шефот на македонската дипломатија, како што јави известувачот на МИА од Стокхолм, пред учесниците на состанокот посочи дека процесот на евроинтеграции во Република Македонија е поддржан од огромното мнозинство граѓани и дека политичките структури и владините институции се посветени на оваа работа како на врвен приоритет.„Очекувам тоа да биде препознено, а има позитивни сигнали и од земјите членки на ЕУ и од Европската комисија. Сметам дека тоа ќе доведе до добивање позитивен извештај на 14 октомври годинава“, истакнал Милошоски.На маргините на неформалниот собер, македонскиот министер за надвпрешни работи имаше средби со повеќе колеги од земјите членки на ЕУ.Средбата со новиот министер за надворешни работи на Белгија Ив Летерме, како што рекол Милошоски била во насока на запознавање. „Белгија е земја членка која следната година во второто полугодие ќе претседава со Унијата. Важно е да имаме добра можност за претставување на нашите достигнувања, бидејки Белгија е земја со голем кредибилитет и основач на ЕУ, и поради тоа важно е политичката комунуникација да биде на највисоко ниво“, смета Милошоски.Со министерот за надворешни работи на Литванија, Вигаудас Ушацкас, пак, биле договорени следни средби на кои, како што рече шефот на македонската дипломатија, би можело повеќе заеднички да се работи на развојот на билатералните врски.По завршувањето на состанокот министрите за надворешни работи на Македонија и на Естонија Антонио Милошоски и Урмас Пает потпишаа Протокол за соработка со што се заокружуваат добрите односи меѓу двете држави.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Сервисни информации
Преку денот сончево со мала до умерена облачност, утрото претежно ведро и наместа постудено
Времето денеска со претежно ведро и наместа постудено утро. Преку денот ќе биде сончево со мала до умерена облачност. Попладне во планинските региони ќе има услови за краткотраен локален дожд. Ќе дува слаб до умерен ветер претежно од западен правец. Минималната температура ќе биде во интервал од -1 до 7, а максималната ќе достигне од 16 до 23 степени.
Во Скопје ќе биде сончево со мала до умерена облачност и со слаб ветер од северозападен правец. Минималната температура ќе се спушти до 3, а максималната ќе достигне до 21 степен.
Во сабота попладне ќе има услови за локална нестабилност со краткотраен пороен дожд и грмежи. Потоа следува период на стабилно и топло време.
Скопје
Без струја делови од општините Петровец, Ѓорче Петвов и Сарај
ЕВН Македонија АД известуваат дека без електрична енергија денеска ќе останат делови од општините Петровец, Ѓорче Петвов и Сарај.
– во периодот од 08.30 до 14.30 часот, корисниците од с. Кожле, Тунел Катланово, с.Бадар (општина Петровец)
– во периодот од 09.00 до 11.00 часот, корисниците од дел од ул. 52 кон обиколница во Стопански Двор ( општина Ѓорче Петвов )
– во периодот од 09.00 до 11.00 часот, дел од корисниците во Сарај кај општината (општина Сарај)
Македонија
Сајкоски: Вчера докажавме дека Македонија не толерира некој да ја тероризира– граѓаните во нас препознаа луѓе кои ќе донесат правда во државата
„Вчера докажавме дека само заеднички, единствени како никогаш досега можеме да успееме. Можеме да успееме заеднички и да прегазиме секој противник, секој оној којшто прави штета на нашата држава и затоа ќе го снајде она што го снајде овој наш противник вчера. Ќе го снајде истото и на 8 мај. Голема победа на ВМРО-ДПМНЕ и коалицијата „Твоја Mакедонија“, голема победа на македонските граѓани и македонскиот народ. Почитувани кичевчани вие го покажавте револуционерниот дух. Тој никогаш не згаснал во вас. Покажавме дека можеме и дека ќе направиме се, дека имаме храброст, дека имаме елан да се спротивставиме и дека ние сме победнички расположени. Победнички за да ја донесеме Македонија онаму каде што и е местото Им дадовме јасно до знаење дека Кичевчани не толерираат повеќе изживување врз нив. Дека Македонија не толерира повеќе некој да ја тероризира! Ние не толерираме да лажат и крадат. Ние таквите ги казнуваме“, истакна на вечерашниот митинг во Кичево носителот на листата на пратеници на ВМРО-ДПМНЕ во ИЕ 5, Ѓорѓија Сајкоски.
Тој исто така повика на уште помасовна излезност на 8 мај за да се донесе историска победа за Македонија.
„Сакам исто така да ве повикам на 8 мај да излеземе во што поголем број и да донесеме историска победа на Македонија. Да донесеме историска победа за ВМРО-ДПМНЕ и коалицијата „Твоја Македонија“, потенцираше Сајкоски.
Тој истакна и дека оваа е историска победа бидејќи граѓаните во ВМРО-ДПМНЕ препознаа луѓе коишто можат да ја донесат правдата во Македонија.
„Ние почитувани испишуваме историја. Испишуваме историја затоа што првпат од позиција на опозиција води некој политички субјект во Македонија со 180 илјади гласови. Испишуваме историја затоа што во нас препознаа македонските граѓани луѓе коишто се чесни, коишто се трудољубиви и луѓе коишто можат да ја донесат правдата во Македонија“.
Тој упати порака и до оние кои не излегоа на гласање дека ако сакаат да живеат во подобра Македонија треба да се придружат во големата победа на ВМРО-ДПМНЕ.
„Ако сме согласни дека треба да имаме подобро здравство, подобро образование, дека инфраструктурата во ИЕ 5 е катастрофална и дека треба да направиме комплетно нова, придружете се. Придружете се во голема победа за Македонија. Придружете се и само така, само единствени може да победиме и може да донесеме влада којашто никој не може да ја уценува и може да донесеме премиер што испорачува. Да испорача да имаме одлична инфраструктура, да бидеме први во регионот наместо последни и да направиме економски бум“, истакна Сајкоски и додаде:
„Поканете го секој, разговарајте со секој затоа што ВМРО-ДПМНЕ и коалицијата „Твоја Македонија“ се политички субјекти којшто мислат добро за сите во Македонија. ВМРО-ДПМНЕ и коалицијата го заслужува вашиот глас, бидејќи ВМРО-ДПМНЕ беше и остана браник на македонската државност“.