Македонија
Вељаноски закажа уште една координација за утре
Собранискиот спикер Трајко Вељаноски, денеска повторно со писмен допис ги повика потпретседателите и координаторите на пратеничките групи во парламентот, како и вицепремиерот за евроинтеграции Васко Наумовски, да присуствуваат на координациската средба која ја закажа за утре напладне
На дневниот ред на координативната средба Вељаноски предлага разгледување на прашањата за основање парламентарна комисија за утврдување на состојбата со избирачкиот список, измени и дополнувања на Изборниот законик (согласно препораките на ОБСЕ/ ОДИХР) и измени и дополнувања на Законот за Судскиот совет, согласно препораките на ЕУ.Во писмената покана тој потсетува на обврските кои што пратениците ги имаат преземено и на улогата на Парламентот во целина.„Парламентарниот политички дијалог треба да се одвива во континуитет без оглед на тоа колку се големи недоразбирањата меѓу политичките партии застапени со Собранието. Наша обврска како пратеници е постојано да ја јакнеме довербата во општеството, да го одржуваме жив парламентарниот субјективитет и да ја искористиме ширината на механизмите кои ни стојат на располагање за разговор и за решавање на секое спорно прашање“, наведува Вељаноски во поканата.Предложените точки на дневниот ред на закажаната координативна средба како што вели се парламентарни прашања и по нив треба заеднички да се разговара и договара во Собранието.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
ВМРО-ДПМНЕ: Над 180.000 гласови предност се обврска за ВМРО-ДПМНЕ Македонија повторно да ја врати на народот
180.000 гласа разлика во корист на Силјановска Давкова и ВМРО-ДПМНЕ пред Пендаровски и СДС е порака дека народот сака промени и крај на понижувањата, соопштија од ВМРО-ДПМНЕ.
„Народот не поддржува политика на понижување на Македонија. Граѓаните јасно кажаа дека се против криминалот на СДС и ДУИ. 7 години Македонија тоне на секое поле. На почеток на секоја учебна година немаше учебници за учениците, за болните немаше лекарства, за земјоделците немаше откуп. Народот не се чувствуваше безбеден, криминалот царуваше по улиците“, велат од ВМРО-ДПМНЕ.
Како што истакнуваат, народот не сака да живее повеќе во несигурност.
„Над 180.000 гласови предност се обврска за ВМРО-ДПМНЕ Македонија повторно да ја врати на народот. Победата во вториот круг ќе биде уште поголема, а СДС и Пендаровски, заедно со нивните газди од ДУИ никогаш повеќе нема да бидат во позиција да го понижуваат народот. Македонија повторно твоја“, завршуваат од ВМРО-ДПМНЕ.
Македонија
ЦУК: Коловозите во државата на многу места се влажни и имало ситни одрони на сите патни правци
Во Центарот за управување со кризи, имало вкупно 1 694 повици на единствениот повикувачки број за итни случаи 112.
Од нив „реални“ повици биле 49,82 отсто, а 50,18 отсто биле за други потреби на граѓаните што не биле итни. Кон полиција биле упатени 69,92 отсто и кон итната медицинска помош 28,91 отсто од реалните повици кон 112 во ЦУК.
Во последното деноноќие немало евидентирани пожари на отворено.
Од ЦУК потсетуваат дека коловозите во државата на многу места се влажни и имало ситни одрони на сите патни правци во последното деноноќие.
Екипите ги отстранувале одроните на патот и нема прекин на сообраќајот.
Сервисни информации
Преку денот сончево со мала до умерена облачност, утрото претежно ведро и наместа постудено
Времето денеска со претежно ведро и наместа постудено утро. Преку денот ќе биде сончево со мала до умерена облачност. Попладне во планинските региони ќе има услови за краткотраен локален дожд. Ќе дува слаб до умерен ветер претежно од западен правец. Минималната температура ќе биде во интервал од -1 до 7, а максималната ќе достигне од 16 до 23 степени.
Во Скопје ќе биде сончево со мала до умерена облачност и со слаб ветер од северозападен правец. Минималната температура ќе се спушти до 3, а максималната ќе достигне до 21 степен.
Во сабота попладне ќе има услови за локална нестабилност со краткотраен пороен дожд и грмежи. Потоа следува период на стабилно и топло време.