Македонија
Зекиров жали за сообраќајката кога на Партизанска се удри со велосипедист
Првите зборови на Зекиров беа: “ Многу ми е жал за тоа што се случи , се извинувам и еве првпат ќе кажам како се случи”.
Во Основниот суд во Скопје денеска започна судскиот процес против Ален Зекиров поранешен телохранител на директорот на УБК кој со мотор на Партизанска направи сообраќајка во која загина скопјанецот Симо Серафимовски. Сообраќајката се случи во јуни пред две години. Првите зборови на Зекиров беа: “ Многу ми е жал за тоа што се случи , се извинувам и еве првпат ќе кажам како се случи”. Зекиров појасни дека на првиот пешачки на Партизанска пред пазарот застанал и пропуштил пешаци, на следниот немало никој и поминал, но во еден момент од левата страна го удрил сега загинатиот Серафимовски кој управувал велосипед. На прашања на обвинителката и неговиот бранител Зекиров кажа дека на тој дел од Партизанска од левата страна од каде што се појавил Серафимовски било многу непрегледно, бидејќи имало дрворед. Исто така, кажа дека возел со прва брзина што според него значи оти не успеал да го вози моторот побрзо и да го префрли во втора брзина. Синот на загинатиот пред медиумите кажа дека Зекиров и пред да започне постапката му се извинил за сообраќајката: „Ние извинувањето го прифативме и добро е и тој што не претрпе поголеми последици затоа што беше повреден во главата. Но сакам да му одговорам на неговиот адвокат дека моторот на Зекиров е толку силен што и во прва брзина развива огромна сила и брзина”, кажа Перица Серафимов, син на загинатитот. На следното рочиште ќе бидат сослушувани тројца сведоци кои имаат различни искази во делот дали Серафимовски го туркал или возел велосипедот. Исто така, ќе треба да се сослушаат и вештаци кои ќе ја појаснат сообраќајката и условите во кои како се случила.
Продолжението на овој судски процес е закажано за март. /крај/км/
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Скопје
Градоначалникот Георгиевски на увид во реконструкцијата на игралиштето за мал фудбал во Текија, општина Илинден
Увид во работните активности за реконструкција на игралиштето за мал фудбал во рамки на подрачното општинското основно училиште во населено место Текија направи градоначалникот на општина Илинден, Александар Георгиевски.
Како што истакна градоначалникот Георгиевски и на ова фудбалско игралиште целосно ќе биде обновен асфалтниот слој, проширување на теренот, ќе биде поставено лед осветлување, обновување на заштитната ограда, а ќе бидат поставени нови голови, клупи, корпи за отпадоци, просторот ќе биде партерно уреден. Со обновувањето на игралиштето ќе се создадат услови за реализација на часовите по физичко образование како и комплетно реконструиран, убаво уреден простор каде младите во спортски дух ќе го поминуваат слободното време, соопшти општина Илинден.
Покрај реконструкцијата на игралиштето за фудбал ќе се обнови и детското игралиште во рамки на училиштето, односно оштетените реквизити ќе бидат заменети со нови.
Со цел уредување на секое населено место како и создавање квалитетни и безбедни услови за жителите, општина Илинден продолжува со реконструкција на постоечките и изградба на нови спортски терени и во останатите населени места, се наведува во соопштението.
Македонија
СДСМ: Ја слушнавме пораката од граѓаните и ја прифаќаме, ќе продолжиме да се бориме
„СДСМ ја слушна пораката од граѓаните и ја прифаќа. Ние ќе продолжиме да се бориме за секој граѓанин, за прогресивна и европска иднина на Македонија. Резултатот на изборите на 8 мај сè уште не е одлучен“, велат од СДСМ.
„Со десничарите може да се соочиме со мрачни сценарија од минатото, кои ќе стават крај на европските перспективи и кои водат во нова долга изолација и нови поделби во општеството.
Веќе се гледа дека ВМРО-ДПМНЕ и ДУИ играат опасна игра со мултиетничкото ткиво на нашето општество. Тензиите што се сега се прават меѓу Македонците и Албанците може да нè вратат назад во грдото минато.
Затоа е исклучително важно граѓаните да излезат и да гласаат на 8 мај, за напредна држава, држава во која ќе имаме подобар животен стандард. Нема откажување од иднината!“, соопшти СДСМ.
Македонија
ВМРО-ДПМНЕ: Над 180.000 гласови предност се обврска за ВМРО-ДПМНЕ Македонија повторно да ја врати на народот
180.000 гласа разлика во корист на Силјановска Давкова и ВМРО-ДПМНЕ пред Пендаровски и СДС е порака дека народот сака промени и крај на понижувањата, соопштија од ВМРО-ДПМНЕ.
„Народот не поддржува политика на понижување на Македонија. Граѓаните јасно кажаа дека се против криминалот на СДС и ДУИ. 7 години Македонија тоне на секое поле. На почеток на секоја учебна година немаше учебници за учениците, за болните немаше лекарства, за земјоделците немаше откуп. Народот не се чувствуваше безбеден, криминалот царуваше по улиците“, велат од ВМРО-ДПМНЕ.
Како што истакнуваат, народот не сака да живее повеќе во несигурност.
„Над 180.000 гласови предност се обврска за ВМРО-ДПМНЕ Македонија повторно да ја врати на народот. Победата во вториот круг ќе биде уште поголема, а СДС и Пендаровски, заедно со нивните газди од ДУИ никогаш повеќе нема да бидат во позиција да го понижуваат народот. Македонија повторно твоја“, завршуваат од ВМРО-ДПМНЕ.