Скопје
“Дубиоза Колектив“ и Кирил Џајковски главни ѕвезди на новогодишната вечер на Сквер Јадран
Популарниот бенд “Дубиоза Колектив“ и Кирил Џајковски од 22:30 на новогодишната вечер на Сквер Јадран ќе ги забавуваат сите центарци, скопјани и жители на Република Македонија.
Градоначалникот на општина Центар Андреј Жерновски ја промовираше новогодишната програма и овој пат, традиционално, под наслов “Град во градот“.
На Сквер Јадран, на 30-ти јануари, во 12:00 часот ќе се организира новогодишна детска програма, а вечерта, од 21:00 часот настапуваат “The Sound Messengers” (Ерик Фокс и Симона Поповска) со шпанска музика, а по нив, Day Off и Суперхикс и на 31-ви ќе настапат “Дубиоза Колектив“ и Кирил Џајковски, заедно со T.K. Wonder.
“Ги канам сите центарци, скопјани и граѓани на Македонија да дојдат на Сквер Јадран, во одлична атмосфера да ја испратиме 2015-та и да ја дочекаме 2016-та година“, рече Жерновски.
Пеце од “Суперхикс“ и Ерик Фокс изразија благодарност до општина Центар за поканата, но и за организацијата на овој настан.
“Ги каниме сите граѓани да дојдат на забавата, бидејќи од 1-ви јануари 2016-та година нема да можете да ги чуете нашите песни на Македонските медиуми. Ова е поради забраната за изведба на Македонските песни, што произлегува од штетните договори од Законот за авторски права, со кои ние ќе добиеме само кикирики. А ние со кикирики не се задоволуваме. Ако не може да нè чуете на Македонските медиуми, ние ќе правиме концерти“, рече Пеце од “Суперхикс“.
Ерик Фокс вети прекрасна забава на која вреди да се дојде.
Целата новогодишна прослава ќе чини 3.500.000 денари. /крај/со/ст
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Скопје
Без струја делови од општините Петровец, Ѓорче Петров и Сарај
ЕВН Македонија АД известуваат дека без електрична енергија денеска ќе останат делови од општините Петровец, Ѓорче Петвов и Сарај.
– во периодот од 08.30 до 14.30 часот, корисниците од с. Кожле, Тунел Катланово, с.Бадар (општина Петровец)
– во периодот од 09.00 до 11.00 часот, корисниците од дел од ул. 52 кон обиколница во Стопански Двор ( општина Ѓорче Петвов )
– во периодот од 09.00 до 11.00 часот, дел од корисниците во Сарај кај општината (општина Сарај)
Скопје
Осум скопски општини денеска без струја
Според добиеното известување од ЕВН Македонија АД, Регионалниот центар за управување со кризи-Град Скопје, информира дека, поради планирани технички зафати во електро дистрибутивната мрежа, денеска без електрична енергија ќе останат неколку скопски општини.
· Во периодот од 08:30 до 14:00 часот, дел од корисниците на ул.Максим Горки, реон Дом на градежници (општина Центар).
· Во периодот од 09:00 до 14:00 часот, поголемиот дел од потрошувачите на ул.Ринхини.(општина Ѓорче Петров)
· Во периодот од 09:00 до 10:30 часот, корисниците од с.Визбегово, дел од с.Мирковци, Бразда, Глуво, Чардак, Оризари.(општините Бутел, Шуто Оризари и Чучер Сандево)
· Во периодот од 09:00 до 15:00 часот, корисниците од ул.Кавалска.(општина Кисела Вода)
· Во периодот од 09:00 до 12:00 часот, корисниците на пат за Долно Лисиче, од Кодакопласт, кон Паци Петрол до реката, од Св.Петар и Павле по патот кон Долно Лисиче.(Аеродром)
· Во периодот од 09:00 до 10:00 часот, корисниците од дел од ул. 4031, село Марино.(општина Илинден)
· Во периодот од 09:00 до 13:00 часот, корисниците на дел од бул.Борис Трајковски (од Техноскоп до кружниот тек пред Драчево).(општина Кисела Вода)
· Во периодот од 10:30 до 12:00 часот, корисниците од с.Сандево, Бањане, Горњане, Дел од с.Мирковци.(општина Чучер Сандево)
· Во периодот од 13:00 до 15:00 часот, дел од корисниците на ул. Исаија Мажовски и Воин Драшкоци.(општина Ѓорче Петров)
Скопје
ЈСП: Јавниот превоз по неделен возен ред, жичницата на Водно нема да работи
Јавното сообраќајно претпријатие Скопје соопшти дека јавниот превоз ќе функционира по неделен возен ред, а жичницата на Водно нема да работи.
Како што се појаснува во соопштението, дежурни од седум до 14 часот ќе бидат билетарниците на Транспортен центар и таа во Ѓорче Петров.