Европа
Телата на екс претседателот на Полска Качински и неговата сопруга ексхумирани во Краков
Телата на поранешниот полски претседател Лех Качински и неговата сопруга Марија, кои загинаа во авионската несреќа крај Смоленск во западна Русија во 2010 година, ексхумирани се во замокот Вавел во Краков, јави ноќта кон вторникот агенцијата PAP.
Саркофагот, во кој почиваа останките на Лех и Марија Качински,бил отворен по затворањето на територијата на замокот Вавел за посетители. Во Катедралниот храм во Краковската тврдина се одржала литургија, на којашто присуствувале блиски роднини, меѓу кои ќерката Марта и братот близнак на претседателот, челникот на владејачката полска партија Право и справедливост (PiS), Јарослав Качински.
Качински го обвинува тогашниот полски премиер Доналд Туск,сегашен челник на ЕУ, за недоследности во истрагата и забошотување на важни податоци за трагедијата.
По завршувањето на литургијата, останките биле предадени на експертите кои ќе ги достават до институтот за судска медицина „Collegium Medicum“ при Јагелонскиот универзитет, каде што ќе се спроведува истрагата.
Покрај вообичаената обдукција, ќе биде направена компјутерска томографија, којашто ќе даде тридимензионална слика којашто на стручњаците ќе им овозможи да ги проценат останките на начин кој не е достапен при вообичаено истражување. Покрај тоа, ќе бидат спроведени хистопатолошки, токсиколошки и физичко-хемиски истраги.
Се претпоставува дека неопходниот материјал ќе биде собран за четири дена и на 18-ти ноември двојката Качински повторно ќе биде погребана., исто така во присуство на најблиските. Официјална погребна церемонија не е предвидена.
Заменикот претседател на државното обвинителство на Полска, Марек Пашчонек, претходно појасни дека ексхумацијата на загинатите во авионската несреќа е неопходна поради грешките коишто наводно биле откриени во медицинската документација, и сомневањата дека некои од телата на 96-те жртви се погрешно идентификувани. Групата од 14 стручњаци во текот на следните четири месеци треба да состави заклучоци од собраните примероци.
Ексхумацијата на Лех и Марија Качински е првата од низата ексхумации на телата на загинатите во смоленската трагедија. Вкупно се планирани истраги на останките на 83 од жртвите од несреќата, оние кои не се кремирани или ексхумирани претходно. Сите процедури, според полското обвинителство, треба да бидат завршени до крајот на 2017 година.
Авионот „Т-154“ на полскиот претседател Лех Качински во 2010 година се урна при слетувањето на аеродромот крај Смоленск. Загинаа 96 лица, 88 највисоки полски државни и општествени дејци, и осум членови на екипажот, кои требаше да учествуваат на комеморативната церемонија за околу 20.000 полски офицери ликвидирани во Катинската шума во Втората светска војна од советската тајна полиција на Сталин и нацистите.
Меѓудржавната воздухопловна комисија во 2011 година објави финален извештај од техничката истрага, според кој непосредна причина за падот била одлуката на екипажот да н се упати кон алтернативен аеродром, а системска причина била грешка во долетот и подготовката на екипажот во услови на многу слаба видливост.
Новата Полска комисија, којашто ги истражува околностите за несреќата кај Смоленск на 15-ти септември ги објави резултатите од својата истрага. Експертите сметаат дека авионот се распаднал во воздухот, на 900 метри од местото на падот, и од „црните кутии“ недостасуваат последните секунди од записите на текот на летот. Новата полска влада смета дека се случил пожар или станува збор за саботажа.
Комисијата тврди дека успеала да добие пристап до целосната верзија на снимките на летот, кои укажуваат дека во последните секунди од летот откажале генераторот, мотори и сензорите за отчитување на височината. Министерот за одбрана, Антони Мачеревич донесе одлука за симнување на ознаката за доверливост од документацијата поврзана со авионската несреќа./крај/мф/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
16-годишно момче избодено во училиште во Германија
16-годишно момче е тешко повредено кога утрово околу 8 часот било избодено од тинејџер (17) во училиште во Нојкирхен-Влуин.
На нападот наводно му претходела вербална расправија.
Постариот ученик наеднаш извадил нож и го ранил 16-годишникот во горниот дел од телото.
Момчето итно било пренесено во болница, а лекарите велат дека неговата состојба е стабилна.
По прободувањето напаѓачот побегнал од училиштето, но полицијата брзо го лоцирала и го уапсила.
Според инспекторот, немало опасност по безбедноста на другите деца во училиштето.
Европа
Во Англија извикал „Алах Акбар“ и убил случаен минувач: „Го направив тоа за луѓето од Газа“
45-годишниот Ахмед Алид вчера беше прогласен за виновен за убиство и обид за убиство. На 15 октомври минатата година, барател на азил од Мароко со нож го уби 70-годишниот Теренс Карни во центарот на англискиот град Хартлпул. Тој претходно го избодел со нож својот заспан цимер Џавед Нури додека викал „Алах Акбар“.
Алид и рекол на полицијата дека сето тоа го направил „за луѓето од Газа“. Само осум дена пред да убие случаен минувач и да го рани својот цимер, милитантите на Хамас го нападнаа Израел. Алид се заколнал дека ќе убиел повеќе луѓе доколку имал митралез и друго оружје, изјави обвинителот Џонатан Сендифорд во Судот во Тесајд.
Алид делел куќа со други баратели на азил во североисточна Англија. Тој бил вознемирен што Нури го прифатил христијанството. Цимерите рекле дека Алид почнал да носи нож откако на телевизија видел прилог за настаните во Газа.
Европа
Крим главна цел: Пентагон откри за што Украина ќе ги користи моќните ракети АТАКМС
Министерството за одбрана на САД ја појасни целта за испорака на ракети со долг дострел во Украина, кои неодамна беа испорачани во тајност. Како што објави „Њујорк тајмс“, целта на испораката на американските ракети АТАКМС е да се зголеми притисокот врз Крим, кој беше анектиран од Русија по референдумот во 2014 година.
Крим го претставува центарот во кој се лоцирани голем број руски воздушни и копнени сили и кој досега, како што пишува американскиот дневен весник, „за нив бил релативно безбедно засолниште“. Ова го тврди анонимен американски функционер. Сепак, Пентагон одби да каже колку точно од овие проектили со дострел од 300 километри се испорачани на украинската страна.
Советникот за национална безбедност на Белата куќа, Џејк Саливан, претходно ја потврди испораката на овие ракети без да прецизира дали тие се модифицирани и имаат зголемен дострел.
Украинските сили веќе употребија АТАКМС, што претседателот Володимир Зеленски го потврди на 17 април, објавувајќи дека бил извршен напад врз воздухопловната база Џанкој, која се наоѓа на 165 километри од линијата на фронтот. Министерството за одбрана на Руската Федерација не ги коментираше овие наводи.
Pentagon reveals Ukraine’s targets for ATACMS missiles – NYT — (the usual baffling lack of retaliation threats from #Putin– instead just the usual bleating that ‘it’s impossible to justify’..Bring Stalin back to life please, Russia) https://t.co/8pi0Lx8tbt #CapeTown #SouthAfrica pic.twitter.com/ZtI5cG3r2m
— Peter Mayson (@theforeverman) April 26, 2024
Американскиот дневен весник потсетува дека Украина првпат добила ракети АТАКМС во септември минатата година, но дека станува збор за верзија со половина дострел. Се шпекулираше дека Украина можеби користела американски ракети за да го урне кримскиот мост, што на почетокот на месецов го потврди и самиот претседател Зеленски, велејќи дека неговата влада „навистина сака да го уништи мостот на Крим“.
Тој е симбол на руската окупација и преку овој мост Русија испорачува воена опрема и ги снабдува војниците во Украина. Во неколку наврати досега мостот беше цел на украински напади.
– Мислам дека е вистинското време, а шефот (Бајден) донесе одлука дека е вистинско време да и го обезбеди на Украина оружјето неопходно за тековната борба. Тоа е добро осмислена и многу конструктивна одлука – изјави адмирал Кристофер Грејди, заменик командант на Здружениот генералштаб на американската армија.
Руската страна го осуди потегот на САД, а рускиот амбасадор во Вашингтон Анатолиј Антонов рече дека тоа „ја зголемува заканата за безбедноста на Крим, вклучително и Севастопол и другите руски градови“.