Uncategorized
(Oд минута во минута) Путин за дијалог ако се исполнат нивните барања, Зеленски: Ако падне Украина, ќе падне и Европа
Деветти ден на руската инвазија на Украина.
Пожар избувна во реонот на украинската нуклеарна централа Запорожје, најголемата во Европа по, како што соопштија украинските власти, руското гранатирање. Во близина на нуклеарната централа вечерта и ноќе се воделе борби меѓу руските и украинските сили. Пожарот избувнал во управната зграда и бил локализиран во текот на ноќта.
Клучни настани:
- Украина објави дека Запорожје, најголемата европска нуклеарна централа, е окупирана од руската војска
- Пожарот во нуклеарната централа кој избувна по гранатирањето е изгаснат
- Британскиот премиер Џонсон го обвини Путин дека ја загрозува безбедноста на цела Европа
- Украинскиот претседател Зеленски ја обвини Русија за „нуклеарен тероризам“
- Русија тврди дека нуклеарната централа ја запалиле Украинците
- НАТО порача на итен прекин на воените дејствија
Последни вести:
22.05 Блинкен: Забраната на зоната на летот над Украина може да доведе до тотална војна во Европа
Блинкен додаде дека Вашингтон ќе продолжи да работи со сојузниците со цел да им ги испрати на Украинците потребните средства за да се одбранат од руската агресија
21.55 Разговаравме еден час: Ова се барањата што Путин му ги постави на Шолц
Рускиот претседател ги повтори своите барања, односно „демилитаризација“, „деназификација“ на Украина, меѓународно признавање на руската анексија на полуостровот Крим во 2014 година, како и суверенитет на отцепените региони Доњецк и Луганск
21.45 Белата куќа не се залага за промена на режимот во Русија
Белата куќа не се залага за промена на режимот во Русија, изјави денеска портпаролката на американскиот претседател Џозеф Бајден
21.35 Фејсбук: На милиони „обични“ Руси ќе им биде забранет пристапот до проверени информации
Наскоро на милиони „обични“ Руси ќе им биде оневозможен пристап до проверени информации. Нема да може да одржуваат контакт со семејството и пријателите и нема да можат слободно да го изразуваат своето мислење
21.30 Зеленски: Поддржете ја нашата борба, бидејќи ако падне Украина, ќе падне и Европа
Сакам да излезете на улиците на вашите градови и да ја поддржите Украина, да ги поддржите нашите напори и нашата борба, бидејќи ако Украина падне, ќе падне и Европа
20.50 Путин потпиша нова уредба: Остри казни за ширење лаги за руската армија
Претседателот на Русија, Владимир Путин, потпиша указ за кривично и финансиско казнување за лажните вести за активностите на Вооружените сили на Русија и повикува на антируски санкции
20.25 Фон дер Лајен: ЕУ ќе воведе нови санкции кон Русија доколку Путин не ја прекине војната
Европската унија е подготвена да усвои дополнителни санкции против Русија доколку претседателот Владимир Путин не ја запре војната во Украина, изјави претседателката на Европската комисија Урсула фон дер Лајен
20.00 Линда Томас-Гринфилд: Светот за влакно избегна нуклеарна катастрофа
Постојаниот претставник на Соединетите Американски Држави во Обединетите нации (ОН) Линда Томас-Гринфилд изјави дека „светот за влакно избегна нуклеарна катастрофа“ за време на рускиот напад на нуклеарната централа Запорожје во Украина
19.45 Страшни информации од Украина: Во заложништво држат странци – заробени илјадници Индијци
Амбасадорот на Русија во ОН Василиј Небензја изјави дека националистите и Украина насилно приведуваат илјадници странци во неколку градови, вклучувајќи ги Индија и Кина
Познатата руска сопранка Ана Нетребко повеќе нема да настапува во Метрополитен операта во Њујорк, откако одби јавно да се дистанцира од рускиот претседател Владимир Путин, се вели во соопштението на Мет
19.20 Борел: Албанија, Црна Гора и Северна Македонија се целосно во согласност со одлуките на ЕУ
Албанија, Црна Гора и Северна Македонија се 100% во согласност со одлуките на ЕУ во надворешната и безбедносната политика, вклучително и санкциите против Русија. Во овие тешки времиња, тоа цврсто го потврдува нивниот пат кон ЕУ
19.00 Кулеба: Не дозволувајте Путин да ја претвори Украина во Сирија
Украинскиот министер за надворешни работи ги повика министрите за надворешни работи на НАТО да не дозволат Русија да ја претвори Украина во Сирија, каде што од 2011 година се води граѓанска војна
18.50 ЕУ сака членство на Украина што е можно поскоро
Иднината на Украина е во Европската унија и земјата треба да стане членка што е можно поскоро, изјави денеска заменик-шефот на Европската комисија
18.35 Американците открија што се случи со огромниот руски конвој
Директните напади во комбинација со уништувањето на мостот го забавија напредувањето на огромен руски воен конвој, лоциран на околу 24 километри северно од Киев, изјави денеска висок претставник на американското Министерство за одбрана
18.25 Пленковиќ најави нови санкции воведени од Хрватска кон Русија
Хрватскиот премиер Андреј Пленковиќ на работниот ручек со амбасадорите на земјите членки на ЕУ јасно ја осуди агресијата врз Украина
18.15 Никифоров тврди дека дел од ракета паднала во дворот на Зеленски
Сергеј Никифоров, прес-секретарот на украинскиот претседател Володимир Зеленски, тврди дека дел од ракетата паднала во дворот на летната резиденција на Зеленски
18.00 Познатиот холивудски пар започна кампања за Украинците
Познатиот холивудски пар Мила Кунис и Ештон Качер започнаа кампања „GoFundMe“ за собирање средства за Украинците погодени од руската инвазија.
17.45 Би-би-си ги повлекува своите новинари од Русија
Шефот на Би-би-си, Тим Дејви, денеска изјави дека корпорацијата го прекинува своето известување во Русија, бидејќи новиот закон „се чини дека го криминализира независното новинарство
17.35 Советник на претседателот на Украина: Третата рунда разговори најавена за викенд
Советникот на шефот на кабинетот на украинскиот претседател Михаил Подољак денеска изјави дека третата рунда преговори меѓу Украина и Русија би можела да се одржи на 5 или 6 март
17.25 Зеленски разговараше со Ердоган: Запрете ја Русија
Украинскиот претседател Володимир Зеленски на Твитер објави дека разговарал со турскиот претседател Реџеп Таип Ердоган
17.15 Русите тврдат дека се е готово – Киев повеќе нема никаква контрола над Украина
Режимот во Киев практично целосно ја загуби контролата над управувањето со државата, а во повеќето градови моментално беснеат националистички баталјони кои во суштина се нацисти, изјави шефот на Националниот центар за управување со одбраната на Русија, Михаил Мизинцев
17.05 Путин е подготвен за дијалог со Украина доколку се исполнат сите руски барања
Путин потврди дека Русија е отворена за дијалог со украинската страна, како и со сите оние кои сакаат мир во Украина
16.55 Шолц предупредува на опасноста од ширење на војната во Украина
Германскиот канцелар Олаф Шолц денеска предупреди на опасноста од проширување на војната во Украина, нагласувајќи дека земјите од НАТО не смеат директно да интервенираат во воениот конфликт
16.35 Швајцарија денеска ги заостри санкциите кон Русија
Швајцарската влада денеска ги продолжи санкциите кон Русија во согласност со понатамошните мерки воведени од Европската Унија, заострувајќи го извозот и финансиските услуги во таа земја поради нејзиниот напад врз Украина
16.25 Украинците во Одеса со вреќи песок ќе го бранат градот и земјата од можен воен напад
Украинците во Одеса, град на Црното Море во јужна Украина, формираа човечки синџир за полнење вреќи со песок во подготовка за можен руски напад
16.15 Мајкрософт ја прекина продажбата и услугите во Русија
Мајкрософт објави дека ќе ја прекине целата нова продажба на производи и услуги во Русија
16.00 Зеленски и фон дер Лаен: Разговаравме за зајакнување на санкциите против Русија
Претседателот на Украина Володимир Зеленски разговараше со претседателката на Европската комисија Урсула фон дер Лаен
15.55 тен разговор меѓу Путин и Шолц – се решава судбината на Украина
Германскиот канцелар Олаф Шолц телефонски разговарал со рускиот претседател Владимир Путин
15.50 Борел и Блинкен: ЕУ и САД прават сè заедно за да ја запрат војната
Шефот за надворешна политика на ЕУ Џозеф Борел и американскиот државен секретар Ентони Блинкен, кои заеднички учествуваат на важен состанок на Советот на ЕУ посветен на војната во Украина, велат дека се обединети во барањето војната да престане и да сторат се за таа да се случи
15.45 Карл Нехамер: Русија си игра со оган напаѓајќи нуклеарна централа
Австрискиот канцелар Карл Нехамер денеска апелираше дека во вооружениот конфликт во Украина мора да се внимава да нема војна во близина на нуклеарните централи
15.40 Зеленски: Разговарав со претседателот на Европскиот совет
Претседателот на Украина Володимир Зеленски денеска разговарал со претседателот на Европскиот совет, Шарл Мишел.
15:34 Путин сака да го дестабилизира Балканот, вели германски социолог
„Москва во моментот е заинтересирана за дестабилизација на регионот на Западен Балкан“, изјави Џералд Кнаус за австриската новинска агенција (АПА). Тој вели дека рускиот претседател Владимир Путин, под притисок од воената помош на Европската унија за Украина и санкциите, бара простор за контранапад.
15:20 Раководителот на компанијата која управува со нуклеарната централа: Работиме под закана со оружје
Раководството на нуклеарната централа Запорожје сега работи под закана со оружје, соопшти компанијата која управува со централата, а пренесува Си-ен-ен.
Петро Котин, шеф на државниот производител на нуклеарна енергија „Енергоатом“, на „Телеграм“ рече дека руските сили влегле на територијата на нуклеарната централа, ја презеле контролата врз персоналот и управувањето со нуклеарната централа.
„Управата со нуклеарната централа работи под закана со оружје“, вели Котин. Тој додаде дека вработените во утринските часови дошле да ги извршуваат работните обврски и дека биле пуштени во електраната.
„Денес упативме силна порака за единството на Алијансата и заедничката определба за зачувување на евроатлантската сигурност. Обединети сме во нашата осуда на руската воена агресија и пораката за неодложно запирање на воените дејствија, кои нанесуваат ненадоместлива загуба на човечки животи и имаат далекосежни последици за економија, мирот и просперитетот на целиот свет. Одлучни сме во нашата поддршка за Украина и солидарност со украинскиот народ, чија храброст и решителност за изнаоѓање мирно решение е достојно за почит“, истакна Османи.
14: 20 НАТО: Путин треба веднаш да ја прекине војната
Генералниот секретар на НАТО, Јенс Столтенберг, го повика рускиот претседател Владимир Путин веднаш да ја прекине војната во Украина. Тој посочи дека „Русија ќе плати висока цена за агресијата врз Украина и дека веќе плаќа“. Тој, исто така, рече дека НАТО мора да ги поддржи Грузија и Босна и Херцеговина како „земји во ризик“.
14:00 Украина бара одложување на баражот за пласман на СП
ФИФА објави дека Фудбалскиот сојуз на Украина, поради руската инвазија врз оваа земја, побарал да биде одложено нивното учество во баражот за пласман на Светското првенство во Катар.
Украина во полуфиналето на 24 март треба да гостува во Глазгов кај Шкотска.
13:40 Украинците тврдат дека досега убиле над 9.000 руски војници
Според овие проценки, убиени се 9.166 руски војници, 251 тенк, 33 авиони, 37 хеликоптери, 404 возила, 105 ракетни системи.
Според овие податоци, бројот на загинати руски војници е многу поголем од бројот што официјално го објави Москва, кој изнесува 498 војници.
Indicative estimates of Russia’s losses as of March 4, according to the Armed Forces of Ukraine. pic.twitter.com/d5NbS3A6aP
— The Kyiv Independent (@KyivIndependent) March 4, 2022
13:20 Кремљ: Чекаме одговор од Украина за продолжување на преговорите
Кремљ соопшти дека го чека одговорот на Украина за продолжување на мировните преговори по вчерашната втора рунда преговори.
Тие велат дека им порачале на Украинците оти гледаат решение за оваа ситуација. Руската страна додава дека што ќе се случи понатаму ќе зависи од Украина.
13:00 Путин: Немаме лоши намери кон соседите, ги советувам да не ја ескалираат ситуацијата
Путин рече дека Русија одговара само на „негативните дејствија на другите земји”. Тој нагласи дека Русија нема да ги влоши односите со соседите.
12:45 Германската тајна служба: Путин е подготвен за опсада на Киев, тој ќе го уништи градот
Според германските безбедносни кругови, Москва има намера што поскоро да ја преземе контролата врз источна Украина, а и натаму има планови за преземање на градот Киев. Најкрвавата фаза од војната допрва доаѓа, сметаат германските разузнавачи.
12:20 Лукашенко тврди дека белоруските вооружени сили нема да учествуваат во руската инвазија во Украина
Белорускиот лидер Александар Лукашенко продолжува да тврди дека белоруските вооружени сили не учествуваат и нема да учествуваат во руската инвазија на Украина или, како што велат Путин и Лукашенко, во специјалната воена операција.
Близок руски сојузник на Лукашенко изјави дека утрово имал долг разговор со Путин.
Русија ја искористи белоруската територија за да изврши повеќекратна инвазија на Украина, а Украина објави дека белоруската армија во еден момент влегла на нејзина територија.
12.00 Тројца Украинци убиени во напад на нуклеарната централа
Во рускиот напад во кој ја презедоа контролата врз нуклеарната централа во Запорожје, при што беше запалена зграда во рамките на нуклеарната централа, загинаа тројца Украинци, соопшти украинската нуклеарна компанија.
Шефот на Меѓународната агенција за атомска енергија, Рафаел Мариано Гроси, изјави дека административната зграда во кругот на нуклеарната централа била опожарена од проектил истрелан од руска страна. Тој исто така рече дека нема испуштање на радиоактивен материјал.
11:40 Зеленски: Нападот на Запорожје можеше да биде како шест Чернобили
Претседателот на Украина, Володимир Зеленски изјави дека рускиот напад на нуклеарната централа Запорожје можел да предизвика уништување „како шест Чернобили“.
„Преживеавме ноќ што можеше да го запре текот на историјата – историјата на Украина, како и на Европа“, рече Зеленски во телевизиско обраќање.
Тој додаде дека Русија знаела што прави кога ја гранатирала зградата во комплексот на нуклеарната централа Запорожје и тоа го нарече „терор на невидено ниво“.
11:30 Хрватското воено аташе ја отфрли руската нота: „Не знаеме за хрватски борци во Украина“
Хрватското воено аташе во Москва одби да ја прими нотата од руското Министерство за одбрана за наводното пристигнување на 200 хрватски платеници во Украина.
11:20 Порошенко: Не плашете се од Путин и не верувајте му!
„Бев во преговори со Путин пред неколку години. Ве молам, не му верувајте на Путин бидејќи тој никогаш не се држи до неговите зборови. Не плашете се од Путин. Учете од Украина, ние не се плашиме од Путин, го запираме. Стоиме со оружјето во наши раце и не му дозволуваме да оди понатаму. Ќе го победиме, иако без вода и без храна“, изјави Порошенко за Би-Би-Си.
11:10 Столтенберг: Нападот на нуклеарната централа ја покажува заканата од оваа војна
„Ова само ја покажува непромисленоста на оваа војна, важноста да се стави крај и важноста Русија да ги повлече сите свои војници и да се вклучи во дипломатски напори со добра волја“, рече Столтенберг.
10:57 Светска банка итно ќе одобри 460 милиони евра за Украина
Светската банка го зголеми износот на итен паричен заем за Украина на 460 милиони евра (509 милиони долари) со придонеси од Шведска и Холандија.
Одлуката треба да биде одобрена денеска од бордот на директори на таа меѓународна финансиска институција, пренесува Ројтерс., повикувајќи се на два извори запознаени со трансакцијата.
10:40 Меѓународниот кривичен суд започна истрага за злосторства во Украина
Истражители ќе проверуваат дали има докази за воени злосторства, злосторства против човештвото и акти на геноцид извршени од сите страни вклучени во конфликтот.
10:30 Лукашенко потпиша – во Белорусија пристигнува нуклеарно оружје
Претседателот на Белорусија Александар Лукашенко ја потпиша одлуката за промена на Уставот по референдумот. Новиот устав дозволува нуклеарно оружје на белоруска територија за прв пат откако земјата се откажа од него по распадот на Советскиот Сојуз.
10:25 Руската амбасада бара од САД да ја осудат изјавата на сенаторот Греам за убиство на Путин
Руската амбасада во Вашингтон побара од САД официјално да ја објаснат и осудат изјавата на сенаторот Линдзи Греам за рускиот претседател Владимир Путин.
Сенаторот Греам, републиканец кој ја претставува Јужна Каролина во американскиот Сенат, претходно на Твитер праша дали Русија го има Брутус или има поуспешен полковник Стауфенберг во руската армија, познат по обидот да го убие Хитлер.
10:21 „Тајмс“: Зеленски преживеал најмалку три обиди за атентат
Британски „Тајмс“ неодамна објави дека платеници од т.н Вагнер групa и чеченските специјални сили биле испратени да го елиминираат Зеленски.
10:20 Русија: Нуклеарната централа ја запалија Украинците, монструозна провокација
Руите сега тврдат дека зградата во нуклеарната централа всушност била запалена од Украинците. Руското Министерство за одбрана ја обвини Украина за пожарот околу електраната и го нарече „монструозна провокација“.
10:10 (Видео) Најголемиот авион на светот е комплетно уништен
Russian State TV report from Gostomel Airport in Kyiv. Sadly An-225 completely destroyed. pic.twitter.com/9kN04Gkz91
— Aldin ?? (@aldin_ww) March 4, 2022
09:50 Русија: Затворска казна за ширење лажни вести
Долниот дом на рускиот парламент усвои закон со кој се забранува ширење на лажни информации за вооружените сили. Со новиот закон се заканува и со затворска казна.
Законот, усвоен од Државната дума, воведува казни и затвор за лицата кои намерно шират лажни информации за вооружените сили, што може да предизвика сериозна штета на државата, се вели во соопштението на рускиот парламент.
09:00 Американски сенатор повикува на убиство на Путин
Американскиот сенатор Линдзи Греам на социјалните мрежи повика на убиство на рускиот претседател Владимир Путин по инвазијата на Украина.
„ Како завршува ова? Некој во Русија мора да скокне … и да го убие овој човек“, изјави сенаторот за „Фокс њуз“.
08:50 Украина: Русите ја зазедоа нуклеарната централа
Државниот инспекторат за нуклеарна регулатива на Украина објави дека областа на нуклеарната централа Запорожје, најголемата во Европа, била окупирана од руската армија.
8.40: Агенцијата за атомска енергија: Во пожарот на нуклеарката не е оштетена основната опрема
Меѓународната агенција за атомска енергија (МААЕ) соопшти дека украинскиот регулатор соопшти дека нема промена во пријавените нивоа на радијација и дека пожарот не ја зафатил основната опрема.
NOW – Gunfire, shelling outside Europe’s largest nuclear power plant in #Zaporizhya, Ukraine. pic.twitter.com/WWDutA453A
— Disclose.tv (@disclosetv) March 4, 2022
08:31 Изгаснат пожарот во најголемата нуклеарна центрaла во Европа
Украинските итни служби кажаа дека успеале да го изгаснат пожарот во најголемата нуклеарна централа во Европа, која ноќеска била нападната од руските сили. Како што објавија властите, пожарот бил предизвикан од неколкучасовното интензивно гранатирање и дека таму веќе нема борби.
Светските лидери и Меѓународната агенција за атомска енергија (ИАЕА) го осудија нападот, додека САД го активираа својот Тим за одговор на нуклеарни инциденти. Оттаму додаваат дека се запалил петкатен тренинг објект и дека огнот не се проширил на самата централа.
Майданчик Запорізької АЕС захоплений російськими військовими https://t.co/crPROn4iyS
— Верховна Рада України (@verkhovna_rada) March 4, 2022
Австрискиот претседател Александар ван дер Белен се надева на примирје во Украина, но стравува дека ситуацијата во таа земја нема толку брзо да се смири.
„ Убеден сум дека овој конфликт ќе го ставиме под контрола“ изјави Ван дер Белен за јавниот сервис ОРФ, додавајќи дека не се осмелува да го спомене временското ограничување.
08:14 – Орлов: Гранатирањето на „Запорожје“ утринава престана, ситуацијата и натаму е тешка
Дмитро Орлов, градоначалникот на украинскиот град Енергодар, во близина на кој се наоѓа нуклеарната централа Запорожје, утринава изјави дека ситуацијата во нуклеарната централа се уште е тешка, иако гранатирањето престана.
08:14 – Шолц: Германија е подготвена да купува гас не само од Русија, туку и од други добавувачи
Германија прави максимални напори да добива гас не само од Русија, туку и од други добавувачи, изјави канцеларот Олаф Шолц за германскиот телевизиски канал ЗДФ.
08:13 – Нема жртви, но има ранети во нападот врз нуклеарната електрана Запорожје
По извршениот увид во петкатницата за обука на нуклеарната електрана Запорожје во Енергодар, констатирано е дека гореле просториите на третиот, четвртиот и петтиот кат. Жртви нема.
08:12 – Блинкен на средба со министрите за надворешни работи на НАТО поради руската инвазија
Американскиот државен секретар, Ентони Блинкен, денеска ќе има средба во Брисел со министрите за надворешни работи на НАТО, во врска со руската инвазија на Украина.
08:11 – Русија одбила да присуствува како набљудувач на воената вежба на НАТО во Норвешка
Русија одби да присуствува како набљудувач на претстојната вежба на НАТО во Норвешка, на која ќе учествуваат околу 30.000 војници на Алијансата од 27 земји.
08:06 – Шолц бара од Шредер да ги прекине деловните врски со Русија
Германскиот канцелар Олаф Шолц вчера побара од поранешниот канцелар Герхард Шредер да поднесе оставка од неговите позиции во руските државни компании, јави ДПА.
08:05 – Русија го ограничи пристапот до рускиот сервис на Би-Би-Си и Радио Слободна Европа
Руското тело за надзор на комуникациите го ограничи пристапот до рускиот сервис на Би-Би-Си, како и до Радио Слободна Европа и медиумот Медуза, јавија некои руски медиуми.
08:05 – Во Чешка од денеска стапува на сила вонредната состојба поради бегалците од Украина
Во Чешка од денеска стапува на сила вонредната состојба прогласена од владата поради големиот прилив на бегалци од Украина.
07:50 – Исплатата на заемот од Светска банка за Украина расте на 460 милиони евра
Итната исплата на готовина од Светска банка за Украина ќе порасне на 460 милиони евра со донаии од Шведска и Холандија и ќе биде поднесена на одобрување одборот денеска, јавија западни медиуми повикувајќи се на извори запознати со трансакцијата.
07:49 – ОН очекуваат дека од Украина ќе побегнат десет милиони луѓе
Од тој број, околу четири милиони луѓе би можеле да побегнат во соседните држави, но тоа е само проценка, изјави портпаролот на ОН Стефан Дужарик.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Uncategorized
МЖСПП: Државниот инспекторат за животна средина се врати во матичното министерство
„Со последните две измени на постоечкиот Закон за инспекциски надзор во декември 2024 и јануари 2025 година Државниот инспекторат за животна средина (ДИЖС) како и останатите 14 државни инспекторати продолжуваат да функционираат како органи во состав на матичните министерства. Тоа значи дека Министерството за животна средина и просторно планирање (МЖСПП), согласно процедура, спогодбено ги превзема вработените, движните и недвижни ствари, документацијата, побарувањата и намирувањата на обврските, средствата за работа, како и сите права и обврски кои произлегуваат од склучените договори на инспекциските служби, настанати до денот на влегувањето во сила на овој закон, со што фактички ДИЖС продолжува да работи без својство на правно лице и буџет од прва линија“, известува Министерството за животна средина и просторно планирање.
„Финансиите ќе се водат како посебна Подпрограма во Буџетот на Министерството, но ДИЖС, односно инспекторите и понатаму ја имаат самостојноста во водењето на инспекциските постапки.
Главната активност на Државниот инспекторат за животна средина, согласно регулативата, е да вршат надзор над управните акти кои ги издава МЖСПП, А-интегрирани еколошки дозволи и Елаборати, односно вршат надзор над спроведувањето на условите пропишани во истите. Со инклузијта се очекува подобрување на координацијата во имплементацијата на политиките за справување со загадување на животната средина и со отпадот.
Во однос на бројот на државни инспектори, проценката укажува дека за покривање на потребите за инспекторирање во областа животна средина на државно ниво се потребни приближно 40 државни инспектори.
Министерството за животна средина и просторно планирање со преземањето на ДИЖС ги презема и неговите планови за вработување и унапредување кои што ќе бидат усогласени со плановите за вработување и унапредување на Министерството. Државниот инспекторат во моментот нема одобрени нови вработувања и унапредувања од страна на Министерството за финансии, но се очекува позитивен одзив на надлежните институции во однос на зголемување на бројот на инспекторите.
Од друга страна на локално ниво се уште повеќе од 50% од општините немаат назначено овластени инспектори за животна средина иако согласно Законот за инспекциски надзор во животната средина до крајот на 2022 година ја имаа таа обврска.
Во „Програмата на Владата 2024-2028“ предвидено е и формирање на единствено централно инспекциско тело со ингеренции на сите нивоа, надлежно за справување со загадување на животната средина и со отпадот. Ваквата поставеност на инспекцискиот надзор за животна средина треба да овозможи ефикасен и правичен инспекциски надзор над загадувачите на животната средина“, соопшти МЖСПП.
Uncategorized
Сузбиен меѓународен канал за шверц на дрога во вредност од 707 илјади евра, требало да заврши во Турција
Запленети 188 килограми и 636 грама наркотична дрога марихуана во заедничка акција на Царинската управа и Бирото за јавна безбедност. Со акцијата е спречен меѓународен канал за шверц на дрога. Две лица се лишени од слобода и против нив е поднесена кривична пријава до Основното јавно обвинителство Гевгелија за сторено кривично дело неовластено производство и пуштање во промет наркотични дроги, психотропни супстанции и прекурсори. Ова го истакнаа директорот на Царинската управа, Бобан Николовски, и директорот на Бирото за јавна безбедност, Александар Јанев, во изјава за медиумите на граничниот премин Богородица.
„Царинската управа влезе во трага и спречи меѓународен канал за шверц на дрога. Во заедничка акција со Бирото за јавна безбедност на граничниот премин Богородица запленети се 188 килограми и 636 грама наркотична дрога марихуана, која требало да заврши во Турција.
Случајот го следиме подолго време, што на крајот успешно резултира со откривање на криминалната мрежа, која требало да оперира во неколку држави“, истакна Николовски.
Сторителите на кривичното дело, двајца возачи, едниот од Тетово, а другиот од Кумановско, на 8 февруари влегуваат на Блаце со камион и на 9 февруари едниот од нив го презема камионот и од место меѓу Куманово и Паланка оди кон Богородица. На Богородица е извршена детаљна контрола на камионот, при што помеѓу компресирана рециклирана хартија во четири бали е пронајдена дрогата. Проценетата вредност на дрогата, информира Николовски, на црниот пазар изнесува 707 илјади евра.
Директорот на Бирото за јавна безбедност, Александар Јанев, порача дека криминалното мочуриште во државата повеќе нема да го има.
„Заедничката акција, која траеше неколку дена, покажува дека заеднички можеме во интерес на граѓаните. Криминалното мочуриште што го имаме во државата повеќе нема да го има. Ова не е место за нив. Заеднички координирано со Царинската управа координирано работиме во неколку области. Мора да бидеме координирани. Заедно покажуваме дека можеме да работиме силно и успешно за заеднички успеси и превенција на криминалот. Нема место за криминал. Македонија мора да биде на ниво на напредните држави. Системот и законите мора да владеат. Ги сузбиваме криминалот и корупцијата на сите нивоа“, истакна директорот Јанев.
Случајот, како што беше истакнато од страна на директорите, е резултат на зајакнатата соработка и добро координирани акции на царинските и полициските службеници.
Uncategorized
Опљачкана аптека на Бит-пазар
Утрово во СВР Скопје било пријавено дека во текот на ноќта била опљачкана аптека на Бит-пазар. Полицијата направи увид.
„Денеска во 08.15 било пријавено дека во текот на ноќта со употреба на сила и погоден алат било влезено во аптека на подрачјето на Бит Пазар и биле одземени пари од касата. Извршен бил увид од увидна екипа од СВР Скопје и се преземаат мерки за расчистување на случајот“, извести полицијата.
Мицкоски со честитка до ЦДУ: Европа бара промени
Премиерот Христијан Мицкоски ја честиташе победата на ЦДУ на изборите во Германија преку социјалните мрежи. „Овој успех е потврда за...
Трамп ги коментираше изборите во Германија: Ова е одличен ден
Американскиот претседател Доналд Трамп ги коментираше резултатите од изборите во Германија. „Се чини дека конзервативната партија во Германија победи на...
Мерц: Победивме
Христијанско-демократската унија ЦДУ/ЦСУ е победник на предвремените парламентарни избори во Германија, а десничарската популистичка Алтернатива за Германија (АфД) е втора...
Почина 21-годишен осуденик: бил донесен во Клиничката болница Штип со знаци на труење
Вчера во 11.31 часот во СВР Штип, од Клиничка болница Штип било пријавено дека кај нив од Казнено – поправната...
(Видео) „На повидок е корупциски скандал во Владата, дали Меџити барал мито“, прашува Илиевски
„На повидок е голем, робусен корупциски скандал во Владата! Бараме премиерот Христијан Мицкоски да излезе и да одговори: дали е...
„Воведувањето кривична одговорност за судиите е неопходна, тие не смеат да бидат недопирливи“, Левица бара власта да го поддржи нивниот предлог
„Покрај Предлог-законот за заштита на потрошувачите со кој Левица предлага да се укинат двојазичните декларации на производите, на утрешната собраниска...
(Видео) „Скандалозната најава од Меџити отвора сериозни сомнежи за постоење веќе подготвени списоци со имиња на ‘подобните’ партиски кадри“, вели Кузеска
„Изет Меџити подготвува робусна акција-најголеми партиски напад врз институциите досега со 3.000 нови партиски вработувања во државната администрација. Скандалозната најава...
Истрага против дилер на марихуана во Тетово
Основното јавно обвинителство Тетово донесе Наредба за спроведување истражна постапка против едно лице за кривично дело- Неовластено производство и пуштање...
„Завршува ерата на неточни броила“: Министерството за енергетика бара опремата за проверка на струјомерите веднаш да биде на располагање на граѓаните
Министерството за енергетика, рударство и минерални суровини активно работи на воведување системски решенија кои ќе ја зголемат заштитата на граѓаните...
„Пратениците да го поддржат предлог – законот за укинување на двојазичните декларации“, бара Левица
„Левица го повикува владејачкото мнозинство, на седницата во понеделник, да го поддржи Предлог-законот за измена на Законот за потрошувачи, со...
(Видео) Трамп зборуваше за Украина, „глупавиот“ Бајден, „патриотот“ Маск, царините…
Доналд Трамп одржа говор на Конференцијата за политичко дејствување (CPAC). Тој често ја користи оваа конференција за да постави политички...
Утрово најстудено во Берово, најмногу снег на Попова Шапка
Утрово најстудено било во Берово каде што се измерени -7 степени, -5 било во Крива Паланка, -4 во Крушево, -3...
Полскиот претседател и Трамп се сретнаа, Белата куќа: Трамп ја пофали Варшава
Присуството на САД во Полска и Централна Европа треба да се зајакне, му порача полскиот претседател Анджеј Дуда на американскиот...
Објавени сведоштвата на израелските заложници: „Изгубив 30 килограми“
Четворицата заложници, Тал Шохам, Омер Шем Тов, Омар Венкерт и Ели-Хе Коен, кои денеска се вратија во Израел, биле подложени...
Полска ја демантира веста за одземањето на „Старлинк“ од Украина: „Ние им го купивме“
Полска ќе продолжи да плаќа за „Старлинк“ за Украинците, изјави министерот за дигитални прашања Кшиштоф Гавковски по извештаите во медиумите...
Зеленски: На светот му треба гаранција дека Русија повеќе не може никому да донесе смрт
На светот му е потребна гаранција дека Русија повеќе нема да може да им носи уништување на другите народи, изјави...
„Њујорк тајмс“: Новиот предлог на Трамп за минералите е речиси ист како и одбиениот, дури е уште построг
Украина денес сериозно го разгледува ревидираниот предлог на САД за нејзините богати природни ресурси, кој ги содржи речиси истите услови...
(Видео) Судири меѓу полицијата и демонстрантите во Бугарија, десничарите против воведувањето на еврото
Приврзаниците на крајната десница денеска се судрија со полицијата за време на протестот за поддршка на бугарската валута лев и...
Нападната и силувана девојка од Скопје, уапсен 37-годишник
Денеска во 01.20 часот во Скопје, полициски службеници од СВР Скопје го лишиле од слобода 37-годишниот Б.Б. од Скопје, постапувајќи...
Додека управувал возило му се слошило и починал: автомобилот излетал од патот во Радовиш, удрил во столб па во паркиран „форд“
Вчера во 10.52 часот во Полициската станица Радовиш било пријавено дека на улицата „8 Септември“ во Радовиш, додека управувал патничко...
