Црна хроника
Една жртва во сообраќајна несреќа на патот Охрид – Струга
Едно лице го загуби животот во тешката сообраќајна незгода којашто се случила во саботата во 21,145 часот на магистралниот пат Охрид -Струга во близина на бензинската пумпа „Бесјани“, информираа во неделата од СВР Охрид
Од здобиените повреди, во охридската Општа болница починал 37- годишниот Благоја Р. од струшкото село Мороишта, кој претходно во тешка здравствена состојба од местото на несреќата со возило на Брза помош бил префрлен во Општата болница во Охрид.
Сообраќајната незгода се случила кога сега починатиот, управувајќи патничко моторно возило „киа“ со струшки регистарски ознаки во правец од Струга кон Подмоље, изгубил контрола врз автомобилот и со предниот дел удрил во метална канделабра и ограда со бетонски столбови. Од силината на ударот, возилото се превртело на кров и излетало надвор од патот, информираше портпаролот на СВР Охрид, Стефан Димоски.
По наредба на Јавен обвинител, на местото на сообраќајната незгода, увид извршиле полициски екипи од полициската станица за безбедност во патниот сообраќај Охрид. Притоа, полициски службеник вршел наизменично регулирање на сообраќајот и немало застој во одвивањето на сообраќајот.
Според насоките на јавниот обвинител, врз телото на починатиот денеска ќе биде извршена обдукција и дополнително вештачење врз патничкиот автомобил./крај/мф
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Маж и женa нападнати со метален предмет во Ранковце
Синоќа во 22.50 часот во Полициско одделение Ранковце Д.И. (34) пријавил дека во село Ранковце со метален предмет бил нападнат од Т.А. , а исто така Б.Т. пријавила дека била физички нападната од Д.И.
Полицијата соопшти дека се преземаат мерки за расчистување на случајот.
Топ
Маж од Радовиш со месеци сексуално вознемирувал малолетно девојче
Радовишанец со месеци силувал малолетничка
Вчера, во Полициската станица Радовиш било пријавено дека 45-годишен жител на Радовиш во периодот од јануари до април 2024 година во повеќе наврати извршил обљуба врз малолетничка од радовишко село.
За настанот бил запознаен јавен обвинител од Основното јавно обвинителство Струмица по чии насоки се преземаат мерки за целосно расчистување на случајот.
Црна хроника
Тешко повредено 22-годишно момче, падналo од мопед на коловоз
Вчера, вo 14.30 часот, во СВР Скопје било пријавено дека на крстосницата од улицата Методија Андонов-Ченто со сервисната улица што ги поврзува клучката Ченто и булеварот Александар Македонски, М. Н. (22) од с. Арачиново, Скопско, кој управувал мопед со тетовски регистарски ознаки, паднал на коловозот.
Во несреќата тешки телесни повреди добил М. Н., констатирани во комплексот клиники „Мајка Тереза“.
Извршен бил увид од екипа на СВР Скопје.