Македонија
(Видео) Заев: Европска Македонија освои повеќе гласови од кои било избори во историјата на државата
Денес е важен ден за државата и граѓаните, рече во своето обраќање премиерот Зоран Заев и им честиташе на сите граѓани кои, како што кажа, достоинствено гласале и со мнозински глас порачале дека иднината на земјава е во НАТО и ЕУ.
„Конечно секој граѓанин донесе одлука, своја сопствена одлука. Тоа е вредноста на демократијата“, истакна премиерот и им се заблагодари, на сите што гласале – и тие „за“ и тие „против“.
Заев упати благодарност и до членовите на ВМРО-ДПМНЕ, кои, како што рече, и покрај бојкотот за кој се залагала партијата, излегле и гласале на референдумот.
„Европска Македонија доби повеќе гласови од кој било победник, на кои било избори во историјата на независна Македонија. Дури и да имаше цензус, оваа бројка ќе значеше јасна обределба ‘за’“, нагласи премиерот.
Тој истакна и дека алтернатива за членство на Македонија во НАТО и ЕУ не може да има.
„Ова е време кога заедништвото на политичките претставници треба да биде на највисоко ниво, за пратениците да одлучат, а во спротивно, опцијата е парламентарни избори веднаш“, порача Заев и додаде дека остануваат неколку денови за да се види дали ќе има двотреринско мнозинство.
Премиерот, исто така, истакна дека телефонски разговарал и со грчкиот колега, Алексис Ципрас, кој изразил очекување договорот да се примени.
Во обраќањето, Заев рече дека ќе побара средба и со лидерот на опозициската ВМРО-ДПМНЕ, Христијан Мицкоски и со пратениците, а одговарајќи на новинарско прашање, посочи дека крајот на ноември е примамлив датум за избори.
„Граѓаните ни дадоа чиста, кристална порака. Нема бегање од одлуките. Јас сум релаксиран и среќен“, кажа премиерот пред новинарите.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
ЦУК: Коловозите во државата на многу места се влажни и имало ситни одрони на сите патни правци
Во Центарот за управување со кризи, имало вкупно 1 694 повици на единствениот повикувачки број за итни случаи 112.
Од нив „реални“ повици биле 49,82 отсто, а 50,18 отсто биле за други потреби на граѓаните што не биле итни. Кон полиција биле упатени 69,92 отсто и кон итната медицинска помош 28,91 отсто од реалните повици кон 112 во ЦУК.
Во последното деноноќие немало евидентирани пожари на отворено.
Од ЦУК потсетуваат дека коловозите во државата на многу места се влажни и имало ситни одрони на сите патни правци во последното деноноќие.
Екипите ги отстранувале одроните на патот и нема прекин на сообраќајот.
Сервисни информации
Преку денот сончево со мала до умерена облачност, утрото претежно ведро и наместа постудено
Времето денеска со претежно ведро и наместа постудено утро. Преку денот ќе биде сончево со мала до умерена облачност. Попладне во планинските региони ќе има услови за краткотраен локален дожд. Ќе дува слаб до умерен ветер претежно од западен правец. Минималната температура ќе биде во интервал од -1 до 7, а максималната ќе достигне од 16 до 23 степени.
Во Скопје ќе биде сончево со мала до умерена облачност и со слаб ветер од северозападен правец. Минималната температура ќе се спушти до 3, а максималната ќе достигне до 21 степен.
Во сабота попладне ќе има услови за локална нестабилност со краткотраен пороен дожд и грмежи. Потоа следува период на стабилно и топло време.
Скопје
Без струја делови од општините Петровец, Ѓорче Петров и Сарај
ЕВН Македонија АД известуваат дека без електрична енергија денеска ќе останат делови од општините Петровец, Ѓорче Петвов и Сарај.
– во периодот од 08.30 до 14.30 часот, корисниците од с. Кожле, Тунел Катланово, с.Бадар (општина Петровец)
– во периодот од 09.00 до 11.00 часот, корисниците од дел од ул. 52 кон обиколница во Стопански Двор ( општина Ѓорче Петвов )
– во периодот од 09.00 до 11.00 часот, дел од корисниците во Сарај кај општината (општина Сарај)