Контакт

Анализи

Се гледа ли крајот на Груевски!?

Објавено пред

Дали е на повидок најинтересната политичка битка во последните петнаесетина години? Ако се земе предвид целокупната политичка состојба која што е резултат на комплицирани процеси, можеме да заклучиме дека ДА, на повидок се едни од најинтересните избори. Ќе се игра на сѐ или ништо. Власта ќе вложи сѐ за да се спаси од одговорност за огромниот број на обвиненија за тешки кривични дела за кои се отворија, а се најавуваат и голем број на кривични постапки.

dobivaj vesti na viber

Од друга страна, опозицијата го вкуси системот на монтирани процеси и знаат дека ова е последната шанса за спас на државата, бидејќи ако, не дај Боже, победи власта, ќе се згази и последната надеж за право и правна држава. Партиите ќе го извадат својот максимум, на потег ќе бидат граѓаните, а нивниот глас ќе ја има реалната вредност.

Гледано од технички аспект, овие избори треба да бидат признаени од сите учесници, бидејќи се остварени елементарните услови за фер и кредибилни избори, според потпишаните договори од партиите. Од овде произлегува уште еден мотив, да се даде максимум за да се освои победа која не може да биде оспорена.

Борба на живот или смрт, ќе биде предзнакот на овие избори…

Велат вистината е како шило, па излегува на виделина или, пак, од сѐ може да се избега, но од кармата никако, можеби и после многу години, но неправдите се враќаат, а многумина се чувствуваат обесправени од Груевски и од актуелното раководство на партијата.

Како се чувствуваат политичките противници на Груевски?

СДСМ се чувствуваат обесправени, и со право, затоа што се докажа дека биле жртви на тешка политичка кражба во неколку изборни циклуси, по сите можни основи. Гласачки списоци, закани за работни места, закани врз бизнис секторот, инспекции од државни органи, бугарски возови на избори, и уште какви ли не изборни манипулации.

Освен директната кражба, СДСМ се чувствуваат и морално оштетени затоа што беа предмет на една дрска и безобразна медиумска манипулација. Со години наназад, за секои избори уредно изготвуваа програма, а какофониите на власта упорно повторуваа дека СДСМ нема програма, а мегафоните на власта, телевизиите коишто се финансираа со милиони евра државни пари, не престануваа да ја дезинформираат јавноста на директна штета на СДСМ, а со тоа и на демократијата во државата.

Исто така, СДСМ се чувствуваат и жртви на политички прогони, на политички монтирани процеси, и знаат што значи злоупотреба на правото и правосудниот систем. Оттука, СДСМ високомотивирани и подготвени, од една страна организациски, а од друга страна со одлична програма и понуда, ја чекаат можноста за соочување со политичкиот противник.

Коалицијата за промени и правда е вториот противник на Груевски и неговите политики кои се штетни за државата и националните интереси.

Во оваа коалиција членуваат Демократскиот сојуз на Павле Трајанов, ФРОДЕМ на Јове Кекеновски, Работничката партија и ДЕМОС.

Приматот и најголемото влијание во оваа коалиција го имаат Павле Трајанов и Кекеновски. И двајцата политичари имаат, исто така, силни мотиви за постигнување на политички резултат и реализација на своите идеи.

Во 2006-тата година на Трајанов му беше ветена целосна имплементација на проектот ДЕКРИ, еден од најпознатите политички проекти за декриминализација на институциите и системски пристап во борбата против организираниот криминал. Но, наместо реализација на проектот, во време на владеењето на Никола Груевски, капацитетите на институциите беа урнисани и доведени до минимум.

Функционалноста на институциите е предмет на секојдневна критика од граѓаните кои секојдневно се соочуваат со проблеми по шалтерите, и непочитување на законите од самите институции, а 90 отсто од граѓаните бараат некаква правда. Наместо борба против корупцијата и криминалот, Никола Груевски и неговата ера ќе останат запаметени како најкриминалниот период во поновата македонска историја. За да се извлече од дамката на соучесник во овој процес, и неуспехот на проектот ДЕКРИ, Трајанов се претвори во аргументиран, но жесток критичар на власта. Неговиот мотив за политички камбек и оттргнување од етикетата за неуспех или поистоветување со ерата на Груевски е исклучително висок, од причини што доколку не успее, слободно може да се збогува со политичката кариера.

Кекеновски и неговата ФРОДЕМ имаа храброст да се дистанцираат од раководството на партијата во моментите кога се обелоденија криминалите на власта преку политичките бомби. Кекеновски создаде бренд на човек на партијата, но политичар кој што не се согласува и не може да ги прости криминалите на раководството на ДПМНЕ.

Третиот фронт од каде ќе биде нападнат Груевски е новоформираната коалиција со име ЗА МАКЕДОНИЈА. Во оваа коалиција влегоа ВМРО НП, Обединети за Македонија и Достоинство. Основачот на ВМРО-ДПМНЕ, долгогодишен Претседател на партијата и човекот кој што го измисли Никола Груевски, сега засилен со поранешниот министер за внатрешни работи, и поранешен кандидат за претседател на државата којшто освои 150.000 гласови, Љубе Бошковски, и со синонимот за македонски патриотизам и борец за правда и благосостојба на својот народ, Стојанче Ангелов.

Оваа коалиција го има полниот легитимитет да го нападне Груевски за злоупотребата на името ВМРО, за лажните демохристијански вредности, за манипулациите на членството и за злоупотребите на старите партиски членови. Љубчо Георгиевски, доколку реши, има многу што да каже конкретно за Никола Груевски, затоа што таргетот на овие избори кои значат сѐ за иднината на државата има име и презиме, а тоа е Никола Груевски. Како никогаш досега, во созреан амбиент, Георгиевски ја има можноста да возврати за сите досегашни омаловажувања и неправди кои му беа нанесени на подмолен начин. Може да говори од името на поранешен Претседател на партија и поранешен Премиер. Две теми по кои Груевски е најранлив, а единствениот најповикан да го разобличи е имено човекот што го создаде.

Љубе Бошкоски е повикан да говори за политички монтираните процеси, за злоупотребите на правосудниот систем, за нанесените неправди врз десетици илјади граѓани, за децата коишто растеа и растат без татковци затоа што му се можело на Никола Груевски.

Стојанче Ангелов, човекот којшто пролеа крв за оваа држава, човекот којшто се охрабри да влезе во политиката кога беа најсилни, во 2010 година, генерал којшто ја жртвуваше својата работа, а подоцна и работата на неговата сопруга и не попушти на притисоците, сега ја има можноста да врати од една страна, а да ги покаже своите квалитети и желба да помогне на државата од друга страна.

Одовде можеме да заклучиме дека Никола Груевски и неговиот систем на владеење се заобиколени од три страни, и ќе бидат нападнати од три фронта.

На чело на фронтот предводен од СДСМ го има Зоран Заев, кој што предводи добро организирана и високо мотивирана партиска војска. Членовите на СДСМ со години беа малтретирани, понижувани, шиканирани, обесправувани… Сега конечно го гледаат светлото на крајот од тунелот, и ќе го дадат својот максимум за да ги промовираат своите кандидати за пратеници, и најдобрата партиска изборна програма за кога на големо се говори дека е најдобрата од 1990 година па до денес, и дека ниту една политичка партија досега не изготвила ни приближно толку добра програма. Зоран Заев стави сѐ на коцка, и семејство, и лична безбедност и судбината на фирмите на целото семејство. Помина трнлив пат додека стигна дотука. Не беше лесно соочувањето со монтирани процеси по втор пат, само затоа што се осмели јавно да ги обелодени сите криминали на Груевски и неговото владеење. Членството на СДСМ знае да го почитува сето ова, па горди на својот лидер и целосно подготвени ја чекаат последната пресметка со корумпираниот Груевски.

Борејќи се со одлично подготвените и зајакнати СДСМ на сите можни начини, и обидувајќи се преку спинови и пропаганда да го спречи процесот на тотално политичко соголување, Груевски ќе мора да се брани уште на два фронта.

Освен борбата со високо мотивираните СДСМ кои се подготвуваат да го згазат, Груевски ќе мора да се брани и на темите како ја злоупотребил довербата од Љубчо, како го посрамил името на ВМРО, ќе мора да му објасни на Љубе, односно на гласачите, за илјадниците уништени судбини во сваровски судниците, а за забошотувањето на Хашките случаи и останати предавства на национален план ќе треба да му одговори на Генералот.

Освен борбата со силната партиска армија на СДСМ која што ќе се излезе со најдобрата политичка програма и понуда, ќе мора да се брани и од третиот фронт, ќе мора да одговара на теми за борбата против корупција, но како Дамоклов меч врз него ќе демне и непријатниот сведок Павле Трајанов, кој ќе има што да каже на оваа тема. Бранејќи се од Љубчо, Љубе и Стојанче, на темата патриотизам и партија, може ќе остане некое дополнително прашање што ќе мора да го одговори на Јове.

Изборите на 11 – декември ќе бидат мотив плус од страна на сите учесници, затоа што освен Груевски, сите останати беа украдени или оштетени во 2011-та.

Дали Груевски ќе смогне сила да даде одговор на сите аргументирани обвинувања со кои ќе се соочи?

Нашата проценка е дека нема. Човекот кој што немаше доблест да се појави на ТВ дуел, човекот кој што го расипа вредносниот систем во државата, човекот кој што ги згази стандардите и достоинството на многу професии, секогаш кукавички и подмолно, нема да има храброст, ниту доблест да се соочи со вистината.

Тој ќе направи сѐ за да ја избегне реалноста. Тој ќе направи сѐ да избега од вистината.

На потег се граѓаните, и нивната проценка. Го имаат СДСМ и понудата која што ќе биде објавена, за оние што не сакаат да гласаат за СДСМ имаат избор помеѓу две коалиции во македонскиот блок. Дефинитивно, на овие избори граѓаните ќе си одлучат самите за себе. Изборот, и резултатот од изборот ќе го видиме вечерта на 11-ти декември, датум кој што ќе биде историски во секој случај. /крај/мф

Анализи

Силјановска vs Пендаровски: Кој добива, а кој губи во битката на социјалните мрежи и медиумите?

Објавено пред

Претседателските кандидати Стево Пендаровски и Гордана Силјановска-Давкова најмногу се спомнуваат во медиумите, а најмалку се популарни меѓу твитерџиите. Во негативен контекст почесто е споменувана Силјановска на социјалните мрежи „Феjсбук“ и „Твитер“, но и во медиумите.

dobivaj vesti na viber

Ова го покажа првата сентимент-анализа на истражувачкиот центар на „Макфакс“, која се изработуваше во периодот од 1 до 9 април годинава. Процесот на изработка на анализата е базиран на компјутерски алгоритми и има задача да одреди во каков контекст (многу негативен, негативен, неутрален, позитивен или многу позитивен) е напишан одреден текст или дел од текстот.

Преку системот беа анализирани 220 медиуми, како и објавите и коментарите на над еден милион корисници на „Фејсбук“ и твитовите од 300 илјади профили. Тестирањата на платформата покажaа дека користените технологии даваат резултат со точност поголема од 80 проценти.

Според анализата, имињата на Силјановска-Давкова и на Пендаровски почесто се споменуваат во медиумите отколку на социјалните мрежи „Твитер“ и „Фејсбук“. Во првите девет дена од месецот тие биле споменати вкупно 3.515 пати. На „Фејсбук“ биле споменати речиси двојно помалку, а најмалку биле споменувани на „Твитер“.

Силјановска, според оваа анализа, најмногу била спомената на веб-порталите „Република“, „Курир“, „Инфомакс“ и на „Прес 24“, а Пендаровски на „Прес 24“, „Макпрес“, „24 инфо“ и на „Вечер“. Од инфографикот може да се види комплетната слика за тоа во кој медиум биле најмногу застапени двајцата претседателски кандидати.

Во однос на контекстот на споменување во медиумите може да се заклучи дека постои тесна разлика меѓу Силјановска и Пендаровски, иако кандидатката зад која стои опозициската ВМРО-ДПМНЕ предничи со негативните коментари.

Па, така, во многу негативен контекст Силјановска била спомената 201 пат, а Пендаровски 136 пати. Ако таа била спомната 914 пати во негативен контекст, Пендаровски во истиот контекст бил спомнат 778 пати. Тој предничи и во однос на неутралните спомнувања во медиумите, а Силјановска предничи во однос на позитивните споменувања. Тесна е разликата меѓу многу позитивните конотации, во кои биле ставени двајцата претседателски кандидати на кои се однесува анализата, во која за 8 споменувања предност има Пендаровски.

Според податоците од аналитичкиот центар на „Макфакс“, претседателскиот кандидат Пендаровски е попопуларен од Силјановска во однос на бројот на споменувања. Во многу позитивен или позитивен контекст меѓу твитерџиите тој е споменат 231 пат, а Силјановска 201. Во однос на тоа дали кандидатите се споменати во негативен или многу негативен контекст за нијанса води Силјановска, која е спомената 401 пат, а Пендаровски 389.

Слична ситуација може да се види и на „Фејсбук“, каде што Пендаровски има предност во однос на бројот на споменувања. Ако Силјановска била спомената 481 пат во многу негативен или во негативен контекст, Пендаровски е споменат 429 пати. Кај претседателскиот кандидат зад кој стои СДСМ поголем е бројот на позитивни или многу позитивни споменувања на социјалната мрежа „Фејсбук“.

Според сето ова, Силјановска има поголема вредност на вкупниот сентимент во негативен контекст на социјалните мрежи и во медиумите од Пендаровски. Важно е да се потенцира дека не станува збор за анкета што ги мери гласовите за кандидатите, туку за начинот на кој тие се прикажани и коментирани во интернет-просторот. Истражувачкиот центар на „Макфакс“ на почетокот на кампањата за претседателските кандидати спроведе анкета.

Целосната методологија за начинот на изработката на сентимент-анализите на истражувачкиот центар на „Макфакс“ е достапна на следниот линк.

Прикажи повеќе...

Анализи

СЈО со детали: Како Камчев и Мијалков ги переле парите градејќи империја

Објавено пред

Злосторничко здружение, кое функционирало повеќе од 8 години, од 2009 година, кога биле отворани и затворани фирми, перени милиони и милиони евра, биле менувани сопственици, бил купуван огромен имот, отворани фирми на офшор-дестинации за еднократна употреба, префрлувани пари преку кипарски банки, а потоа овие испрани пари влегуваат како основачки влогови за да формираат македонски фирми.

dobivaj vesti na viber

Вака накусо може да се опише случајот „Империја“ на специјалното јавно обвинителство (СЈО), каде што, меѓу другите, осомничени се едни од највлијателните луѓе во земјата, бизнисменот Орце Камчев и поранешниот директор на УБК, Сашо Мијалков.

Три месеци по почнувањето на истрагата, обвинителството излезе со детали за еден од најобемните предмети за кој засега е утврдено дека се испрани речиси 11 милиони евра.

Истрагата е проширена за „Графички центар“ и за „Медија принт Македонија“ (МПМ), извршени се претреси во фирмите, осомничените се испрашани и собрани се докази.

Соработката меѓу Македонија и Кипар е воспоставена, па сега, конечно, на виделина излегуваат и имињата на оние што се криеле зад офшор-фирмите преку кои се переле пари.

Од крајот на јуни до крајот на октомври 2018 година некои од осомничените од „Империја“ биле под посебни истражни мерки.

„Мијалков не беше под посебни истражни мерки, Камчев многу внимателно зборуваше по телефон, но не и другите осомничени“, велат од СЈО.

Без разлика како ќе се одвива понатаму истрагата за „Империја“, со оглед на тоа што статусот и истрагите на СЈО сè уште се неизвесни, оттаму велат дека собрани се речиси 90 отсто од доказите за случајот да може да продолжи понатаму.

Злосторничкото здружение се распаѓа кон крајот на 2017 и почетокот на 2018 година кога осомничените почнуваат да земаат кредити за да се раздолжат, но тоа не значи дека тука завршуваат и нивните поединечни активности.

Под лупа на СЈО е и фирмата поврзана со семејството Мијалкови, „Бест веј инвестмент“, формирана веднаш по обеледонувањето на таканаречените бомби во 2015 година, чиј сопственик е синот на Сашо Мијалков, Јордан. СЈО истражува како се ширел бизнисот и како оваа фирма успева да заработи огромни суми и да стекне голем имот само за три години работа. „Бест веј инвестмент“, ако во 2016 година имала приходи од 816 илјади евра, во 2017 година веќе приходите ѝ растат на 9,6 милиони евра, што само покажува дека независно кој е на власт, бизнисите на Мијалков работат со полна пареа.

Краен сопственик на мистериозната „Ексико“ бил Камчев

Натписот на поштенското сандаче на улицата Иван Милутиновиќ во Скопје сведочи за постоењето на „Ексико“, чие сопствеништво е скриено

Центарот на истрагата за „Империја“ се познатата офшор-фирма „Ексико“ и бизнисменот Орце Камчев.

Истрагата утврдила дека зад првата фирма-мајка на „Ексико“, „Делта инвестмент“ од Белизе, всушност се крие таткото на Орце Камчев, Илија. Од оваа фирма, која поседуваше акции во големи акционерски друштва, а се јавуваше и како еден од сопствениците на атрактивните плацови на Водно, досега сите креваа раце и демантираа дека стојат зад неа.

Истрагата на СЈО утврдила дека по Илија Камчев, набргу како краен сопственик фигурирал и поранешниот директор на македонски „Телеком“, Жарко Луковски, а кога сопствеништвото на фирмата се сели во Америка, односно сопственик станува извесна „Калвус ЛЛЦ“ (Calvus LLC) од САД, крајниот сопственик е всушност Орце Камчев.

Од оваа американска фирма кон „Ексико“ се влеваат 1,6 милион евра како прилив, а дел од овие пари завршува на личната сметка на Камчев, додека со дел се купувани имот и земјиште во Гевгелија, на кое понатаму е предвидено да се градат казина.

Подоцна, а и до ден-денеска, сопственик на „Ексико“ е фирмата со швајцарски капитал „Т&МЈ инвестмент“ од Лугано, Швајцарија, фирма зад која оперативните сознанија покажале дека краен сопственик е член на семејството Мијалкови. Од швајцарската фирма кон македонската „Ексико“ немало никаков прилив или одлив на пари.

„Ексико“ не е единствената фирма преку која функционирало ова злосторничко здружение. Колку за пример, во истатата 2009 година офшор-компанијата „Хоспитал менаџмент груп ЛЛЦ’ од Кипар ја основа клиничката болница „Систина“. Понатаму, оваа компанија го продава имотот на друга офшор-компанија од Панама. „Орка холдинг“ го купува уделот од панамската, па повторно ѝ го продава на „Систина“, со што фактички Камчев внесува удел од „Хоспитал менаџмент“ од Кипар во Македонија.

Сомнежи за перење пари преку кипарски банки

Преку кипарски банки парите влегуваат во земјата

Значаен дел од истрагата на СЈО за „Империја“ има и фирмата „Финзи“ – истата фирма за која во таканаречените бомби можеше да се слушне дека одела набавката за опрема за следење интернет-комуникации за МВР. Министерството, додека на чело на УБК беше Мијалков, наместо директно да ја набави изреалската опрема за прислушување, тоа го правела преку „Финзи“. Во текот на истрагата за случајот самоубиство изврши директорот на „Финзи“, Коста Крпач, во април 2016 година.

Сега истрагата за „Империја“ повторно допира до „Финзи“, фирма основана од „Финзи ЛЛЦ“ во САД. Краен сопственик на оваа компанија, според СЈО, повторно е Орце Камчев.

Во неколку наврати од „Финзи ЛЛЦ“ преку кипарска банка кон македонската „Финзи“ биле исплатувани 650.000 евра. Во тоа време, односно во 2009 година, директор на „Финзи“ во Македонија е Владислав Стајковиќ, брат на Небојша Стајковиќ, поранешен помошник-министер за информатичка технологија во МВР.

Овие пари понатаму влегуваат како основачки влог во „Систина кардиологија“, фирма што подоцна е преименувана во „Си-Фи-Кар“ („Систина“, „Финзи“, “Кара“). Во 2012 година, според СЈО, кога парите веќе се испрани, американската мајка-фирма се затвора и се отвора нова фирма, во која Крпач влегува како директор, а на истата сметка легнуваат парите од израелската донација за опрема за прислушување.

„Не купуваат компании за да работат со нив, туку за да извлечат што можат“

Орце Камчев и Сашо Мијалков, клучните играчи во „Империја“

Многу компании, офшор, стотици папки со документи и изјави од сведоци содржи еден од најобемните предмети на СЈО – „Империја“. Од она што беше претставено пред новинарските екипи, неизбежен е заклучокот дека од досегашната истрага и собраните докази станува збор за класични примери за сомнежи за перење пари пред кои надлежните институции со години молчеле или се откажувале од гонење поради немање докази.

Дел од истрагата е отстапен и на купувањето на „Бетон Штип“ од страна на ТИМ ДОО, „Орка холдинг“, „Езимит“ ДООЕЛ и „Ексико“.

„Кога тие купуваат компанија, не ја купуваат за да ја работат, туку да извлечат што може од имотот на компанијата“, велат од СЈО.

Па, така, и овој пат сознанијата говорат дека од „Бетон Штип“ се извлечени 4 милиони евра, односно газдите ги тераат акционерите со парите да купуваат имот, а понатаму како што се извлекуваат парите, така се инвестираат во други зделки за што патем говорат и последните информации дека речиси 250 работници веќе ги напуштаат работните места од „Бетон Штип“ и истовремено преку суд си ги бараат неисплатените плати за последните четири месеци.

Дел од истрагата го опфаќа и „Фершпед“, односно од моментот кога Кираца Трајковска, која беше еден од мнозинските акционери во “Фершпед“, поради долг во Еуростандард банка, преку посредник побарала кредит од Стопанска банка АД Битола. Камчев, кој е дел од Управниот одбор на банката, наместо кредит, според СЈО, на Трајковска ѝ понудил преку физички лица да ѝ бидат префрлени парите по што биле ослободени нејзините акции од „Фершпед“.

За да им ги продаде акциите на странски инвеститори, таа го ангажирала брокерот Јованче Тасковски. Но, за нејзината намера дознал Штерјо Наков, кој побарал помош од Мијалков, со цел тој да ги купи акциите. Мијалков се договора со Камчев да ја изиграат, па без нејзино знаење, според СЈО, Ненад Јосифовиќ ги продава акциите на физички и правни лица поврзани со Наков за 4 милиони евра повисока цена од реалната. Парите од зделката завршуваат во фирма чии сопственици се „Ексико“, „Орка холдинг“ и „Тимох“.

Во делот од истрагата за „Империја“ влегуваат и стари случаи, кои претходно во обвинителствата завршувале со откажување од гонење поради немање доволно докази. Таков пример е истрагата за „пропаѓањето“ на „Орка спорт“, „Орка текстил“ и други фирми во сопственост на сега покојниот Илија Камчев. Данокот се избегнувал да се плаќа преку лажни стечаи, обезвреднување на имотот и формирање офшор-компании, а потоа парите „чисти“ биле внесувани во земјата, односно целиот имот бил пренесуван на новоформирани компании.

На овој начин, впрочем, и се градела целата империја – преку лојални соработници, изигрување на законитe и формирање компании за еднократна употреба.

Како ќе заврши истрагата и дали случајот ќе добие епилог останува неизвесно. Засега Орце Камчев и Сашо Мијалков се во домашен притвор, а конечниот збор ќе го каже Врховниот суд.

Освен Камчев и Мијалков, осомничени во случајот „Империја“ се и Ратка Куноска-Камчева, мајка на Камчев и неизвршен член на Одборот на директори на „Орка ходинг“, Кристина Камчева-Стојческа, сестра на Камчев и неизвршен член на Одборот на директори на „Жито полог Тетово“, Лилјана Гајдоска, правник во фирмите на Камчев, неизвршен член на Одборот на директори на ЗК „Пелагонија“, Тодор Мирчевски, директор на „Ексико“, Владислав Стајковиќ, сопственик на НВСП, доскорешен директор на „Мобико“ и поранешен директор на „Финзи“, Ванче Мијалчев, извршен директор на „Бетон Штип“, Јованче Тасковски, брокер, и Дејан Јанев од „О.Т.Е. инвест“.

Прикажи повеќе...

Анализи

Политиката го подели СЈО на табори

Објавено пред

„Чарлиевите ангели“ ги нема. Катица Јанева, Ленче Ристоска и Фатиме Фетаи речиси една година не се појавуваат на заеднички прес-конференции. Во јавноста и на социјалните мрежи сè погласни се критиките за работата на специјалното јавно обвинителство и ослабената доверба во оваа институција.

dobivaj vesti na viber

Три и пол години по формирањето, целосен судски епилог има само за два случаја а сè погласни се шпекулациите дека во СЈО владее поделеност на обвинителите на табори, кои меѓусебно не се согласуваат за дејствувањето на ова обвинителство, па тие разлики во мислењата лесно се забележливи и во јавноста.

Трите жени, кои беа симбол за СЈО, ретко може се видат заедно во јавноста, а речиси една година Ленче Ристоска и Фатиме Фетаи не даваат заеднички изјави. Според нашите извори, со слични ставови на една страна биле обвинителките Катица Јанева и Лиле Стефанова, а на друга Ленче Ристоска и Фатиме Фетаи.

Од друга страна, сè поприсутна во јавноста е главната специјална обвинителка Катица Јанева, која, според најавите, во вторник ќе се појави на „1ТВ“, каде што заедно со обвинителите Лиле Стефанова и Трајче Пеливанов треба да одговараат и на прашања од гледачите. Токму во фирмата сопственик на „1ТВ“, „БМЈ медиа груп“, работи синот на Јанева, младиот гевгеличанец Лазар Јанев, за кого веќе беше објавено дека пред вработените бил претставен како директор на правна служба. Пред точно два месеца Јанева беше гостинка на „1ТВ“ и се фотографира со сопственикот на телевизијата, Бојан Јовановски, со назнака дека станува збор за работен состанок.

Во СЈО во последната година во целост се смени практиката на комуникација со јавноста. Последната прес-конференција СЈО ја одржа на 21 март минатата година.

Повеќе нема брифинзи со новинари, а на обвинителките Ристоска и Фетаи не им е дозволено да даваат интервјуа и изјави. Целосна затвореност владее и во однос на истрагите. Случајот „Империја“, во кој, меѓу другите, се осомничени и бизнисменот Јордан Камчев и ексдиректорот на УБК, Сашо Мијалков, беше отворен пред повеќе од 2 месеца, а од СЈО нема дополнителни информации, освен дека истрагата е сложена.

Сите обиди на „Макфакс“ да обезбедат брифинг за случајот беа залудни. Новинарите меѓу себе коментираат дека ова обвинителство, кое наметна транспарентно работење, последнава година се затворило, иако обвинителите поминале серија обуки за комуникација со јавноста. Тоа остава простор за шпекулации во постапувањето по предметите на обвинителството. Од друга страна, во редовното Обвинителство се спроведува тренинг за односи со јавноста на обвинителите.

Според нашите информации, во специјалното јавно обвинителство меѓу некои од вработените владее незадоволство од начинот на работа, особено по последните политички случувања, амнестии и повици за помирување, кои во голем дел влијаат и врз актуелните предмети што се во судска постапка, но и на оние што се во истрага и предистрага, а во кои, меѓу другите, се вклучени и Сашо Мијалков, Елизабета Канческа-Милевска, Али Ахмети, Бујар Османи.

Ексминистерката за култура, КанческаМилевска, е инволвирана во предистрагата за предметот „Скопје 2014“, кој е еден од најобемните предмети на СЈО, за Мијалков се водат повеќе судски постапки, а предметот за агенцијата за обезбедување СГС е во предистрага.

Во процесот на помирувањето наголемо се споменуваа и измените во Кривичниот законик, односно член 353, став 5, кој ја регулира злоупотребата на службената положба преку јавните набавки. Доколку дојде до промена на овој член, како што беше најавувано, помали казни или ослободување од одговорност ќе добијат голем број обвинети во случаите на СЈО, меѓу кои и Мијалков.

Уставниот суд сè уште не расправал по иницијативата на адвокатот Еленко Миланов, кој бара судиите да се произнесат за овој член од Кривичниот законик.

Сите овие политички инволвирања, кои допираат и до СЈО, според нашите извори, довеле до голем раздор во работата на институцијата, која има годишен буџет од 3,7 милиони евра. Некои од обвинителите се разочарани од фактот што нивните предмети и нивната работа зависат исклучително од тековната политичка ситуација, па токму затоа во последниот период и не се работи на нови предистраги бидејќи се чека исходот од тоа што ќе се случува со институцијата и дали евентуално одредени функционери од претходната, но и од актуелната власт, ќе избегнат одговорност.

Прикажи повеќе...

Најново

Свет3 часа

Бајден: Се молам за Трамп и неговото семејство

Американскиот претседател Џо Бајден изјави дека е „благодарен“ што неговиот ривал Доналд Трамп е безбеден по пукањето на митинг во...

Свет4 часа

(Видео) Пукање на митингот на Трамп, поранешниот претседател изнесен раскрвавен, двајца мртви

На митингот на Доналд Трамп во Пенсилванија одекнаа истрели, објави Си-ен-ен. Поранешниот претседател и веројатен републикански претседателски кандидат во ноември...

Македонија9 часа

За само 12 дена во Македонија имало 173 поголеми пожари на отворено

За само за 12 дена, од почетокот на месец јули имало вкупно 173 пожари на отворен простор од пошироки размери....

Топ11 часа

40-годишникот им дал да пијат лекови во комбинација со алкохол – детали за случајот со децата кои завршија на Токсикологија

Скопското обвинителство донесе наредба за спроведување истрага против 40-годишниот Д.Ѓ. во чијашто куќа беа најдени четворицата малолетници, од кои две...

Македонија18 часа

Стабилна е состојбата на тинејџерите кои беа најдени без свест во куќа во Скопје, користеле психотропни супстанци

Стабилна е состојбата на четворицата малолетници кои беа најдени без свет и со повреди по телото во куќа во Скопје....

Култура19 часа

Со спектакуларен настап на светски познатиот виолинист, Џулијан Рахлин, и Македонската филхармонија отворен е фестивалот „Охридско лето“

Литванскиот виолинист со светско реноме Џулијан Рахлин и Македонската филхармонија вчеравечер на Античкиот театар приредија незаборавна вечер за публиката на...

Македонија19 часа

Патничка јавно и’ се заблагодари на Македонка која и’ го спасила животот на пат кон Грција: „Застана со автомобилот и ми пружи прва помош“

„Сакам јавно да се заблагодарам на една исклучителна личност која ми го спаси животот во моментот кога ми требаше итна...

Македонија20 часа

(Видео) Со „ер тракторите“ ќе се гаснат пожарите кај Серта и бугарската граница, цела ноќ пожарникарите се бореа со огнот кај Неготино

Три ер трактори ќе полетаат во 10.00 кон пожарот на Серта а околу 15.00 ќе се упатат кон пожарот на...

Македонија21 час

Семејство тврди дека нивното бебе било тепано на Педијатрија, Таравари најавува одговорност ако е вистина

Семејството на тримесечно бебе тврди дека детето било тепано на Клиниката за педијатрија. Министерот за здравство, Арбен Таравари изјави дека...

Македонија2 дена

Не бил киднапиран, ниту се самозапалил: полицијата го расчисти случајот со наводно киднапирање и самозапалување на момче од Скопје

СВР Скопје го расчисти кривично правниот настан за кој на 04.07.2024 околу 00.30 часот беше пријавено дека во индустриска зона...

Топ2 дена

(Видео) Тешка несреќа кај Хиподром

Тешка сообраќајна несреќа се случи попладнево на излезот од Скопје, кај Хиподром. Автомобилот е речиси смачкан и се наоѓа покрај...

Македонија2 дена

Само три жени во Владата на Мицкоски значат итна потреба од субвенции за повеќе сервиси за чистење, готвење и пеглање

Владата на Христијан Мицкоски, со само три министерки, ја врати земјата децении наназад во напорите за родово изедначување. Активистите за...

Македонија2 дена

Се укинува балансерот – министерот Минчев вели дека имало злоупотреби во минатото

Укинување на балансерот најави министерот за јавна администрација, Горан Минчев, соопштувајќи дека оваа дигитална алатка во минатото била предмет на...

Македонија2 дена

Марија Срцева ќе раководи со ТОАРИЛУЦ, Берат Лена со Нефрологија во Струга, именувани нови медицински директори

Министерството за здравство информира дека министерот, д-р Арбен Таравари, денеска именува нови в.д. медицински директори на неколку јавни здравствени установи...

Македонија2 дена

(Видео) Кривична против Иљази, ја оштетила Токсикологија за речиси 660 илјади денари

Денеска, Одделот за сузбивање организиран и сериозен криминал, Единица за корупција, во соработка со Одделот за криминалистичка полиција, поднесе кривична...

Македонија2 дена

Мицотакис ги информирал колегите од НАТО дека Мицкоски дома не употребува Северна, во Вашингтон бил примерен

Грчкиот премиер Киријакос Мицотакис за време на прес-конференција за грчките медиуми на самитот на НАТО во Вашингтон рече дека премиерот...

Македонија2 дена

(Видео) Лажна кампања на платформи за тргување со криптовалути, граѓаните да не отвораат сомнителни линкови

Секторот за компјутерски криминал алармира за зачестена појава, каде што непознати лица преку социјалните мрежи или преку своите приватни имејл-адреси...

Македонија2 дена

Таравари: На пет најдобри студенти од медицинските факултети, веднаш по дипломирањето, ќе им биде понудено вработување во државните болници

На пет најдобри студенти од медицинските факултети во Скопје, Тетово и од Штип, веднаш по дипломирањето, ќе им биде понудено...

Македонија2 дена

Средба Муцунски – Сијарто: Унгарија како претседавач со ЕУ ќе направи напори за забрзување на процесот на проширување на Унијата

Министерот за надворешни работи и надворешна трговија, Тимчо Муцунски, оствари средба со унгарскиот колега, Петер Сијарто, во рамки на НАТО...

Македонија2 дена

ДУИ: Го поддржуваме зголемувањето на минималната плата на 450 евра

Демократската унија за интеграција во целиот период додека управуваше со државата докажа дека го поддржува зголемувањето на платите на работниците,...